Charlie Kirk

Charles James Kirk (Arlington Heights, 14 otobre 1993 - 10 setenbre 2025) el ze stà un ativista połitego de estrema drita american, autor e personałità de i media. Insieme a Bill Montgomery, el ga co-fondà Turning Point USA (TPUSA) nel 2012, de'l cual Kirk el ze stà diretor ezecutivo. El zera el diretor ezecutivo (CEO) de Turning Point Action, Turning Point Academy e Turning Point Faith; prezidente de ła Turning Point Endowment; e un menbro del National Policy Council.

Kirk el ze nado e cresùo inte łe periferìe de Chicago, in Arlington Heights e Prospect Heights, Illinois. A ła scoła superior, Kirk el se ga meso ativamente in połitega, sostenjendo Mark Kirk (sensa parenteza) e ła só canpanja pa'l Senato dei Stadi Unìi, e anca drio canpanjar contra l’aumento de i presi de ła mensa de ła só scoła. El ga studià par un fià al Harper College prima de łasar ła scoła par scomìnsiar l'ativizmo połìtego a tenpo pien, influensà da'l menbro de'l Tea Party, Bill Montgomery. Inte'l 2012, Kirk el ga fondà TPUSA, na organizasion studentesca conservadora che ła ze cresùa vełosemente co'l sostenjo de donadori come Foster Friess.