Ceza de San Zacaria

Da Wikipedia, l'ençiclopedia libara.


Eror Lua: callParserFunction: function " [[Categoria" was not found.
Infobox de InfrastruturaCeza de San Xacaria
Imàzene de l'interior
Someja
EpònemoSan Zacaria Cànbia el vałor in Wikidata
Dati
SorteCéxa Cànbia el vałor in Wikidata
ArchitetoAntonio Gambello (it) Traduzi
Mauro Codussi Cànbia el vałor in Wikidata
CostrusionEror Lua: callParserFunction: function " [[Categoria" was not found.
Dedicà aSan Zacaria Cànbia el vałor in Wikidata
Caraterìsteghe
Stiłe architetònegoarchitetura renasimentałe Cànbia el vałor in Wikidata
Materiałecuareło Cànbia el vałor in Wikidata
Mezurasion
Pozision
 Venesia
PozisionCasteło Cànbia el vałor in Wikidata

45°26′05″N 12°20′36″E / 45.434722°N 12.343333°E45.434722; 12.343333Coordinae: 45°26′05″N 12°20′36″E / 45.434722°N 12.343333°E45.434722; 12.343333

Atività
DiòcezePatriarcato de Venesia Cànbia el vałor in Wikidata
RełijonCattolica


Ła céxa de San Xacaria xe un edificio lerigioxo de ła sità de Venesia, situà inte el sestièr de Castèło, 'rente el canpo che da staltra ciapa el nome.

Storia[canbia | canbia el còdaxe]

Céxa antighisima risałente al IX secoło, a l'orìxene de ła sità, xe stà liógo un mucio łigà a ła storia arcaica de Venesia.

Ła Ceza de San Zacaria se cata inte el sentro de Venesia, visin de Piasa San Marco e a Pałaso Dogal.

El primo edificio xe stà costruìo inte el IX sec., par riséver i resti del pare de San Giovanni Battista che zera stài slarghixài da l'inperadór bixantin Leone V a ła sità de Venesia par raforsarghene l'amicìsia.

I doxi Angelo e Giustiniano Partecipazio fa xontar un monastièr de Benedetine, che xe stà caxamentà naltra volta soto el doxe Orso I Partecipazio, da ła badésa Giovanna che zera ła fia. Inte l'ano 1105 un terìbiłe incendio l'a desfà, insieme a ła céxa, e se conta che più de çento sore zera morte sfisiàe scondendose inte el soteraneo oncora ancùo existente desóto l'altèr maxor.

Ła cripta

In sto convento ga trovà ospitałità Papa Benedetto III inte l'ano 855 col zera in scanpàda da ła viołensa descaenada da l'antipapa Anastasio. Par riconosénsa a łe sòre benedetine el pontefice slarghixa un mucio de rełichie e se fisa ła consuetudine che inte el dì 13 de setenbre, aniversario de ła consacrasion de ła céxa, el doxe vaga co ła signoria a farghe vixita a sta céxa.

El monastièr riçeveva łe donxełe de łe più riche e nobiłi famegie venesiane: tanti xe i raconti su ła vita che se tegniva in sto lógo, feste e divertimenti no mancava par ste xóvene sòre che gaveva strasformà el so parlatoio in un ełegànte sałòto, mèda de concerti e spetacołi vari, co un continuo pełegrinagio de xovani cavałieri mascarài.

Dal brolo de łe mùneghe de San Xacaria deriva ła moderna espresion itałiana de broglio, in quanto oncora 'nteła tardóxa Republica de Venesia co tałe nome zera ricordà na banda de ła piaseta antistante el Pałaso Dogal inte ła cuała zera uxi riunirse i ''Barnabotti'', menbri de ła nobilità profligada, par metar in vendita el proprio voto inte el Major Consejo.

Descrision[canbia | canbia el còdaxe]

Céxa de San Xacaria, 1770-1775,Francesco Guardi, Muxeo del Louvre Parigi

La Ceza atual xe òpara quatrosentesca de Mauro Codussi, a tre navàe, co vòlta a croxera, prexenta na fasada tripartìa da cołone binàe e 'verta da numeroxe fenèstre, in nùmaro decresente dal basso verso l'alto, sorastàe dal grando tìnpano ad arco sormontà da ła statua de San Zacaria. Łe òpare de decorasion in pièra xe dovùe a Antonio Gambello e Luca Taiamonte.

Al so interno łe sepoltùre de tanti dòxi e òpare de notevołe pregio intra cui na pała del 1505 òpara del Bellini, ''Madonna in trono col Bambino e santi'' e dipinti rafeguranti l'Adorazione dei Magi e l'Adorazione dei Pastori e la visita annuale del Doge alla Chiesa inte el dì di Pasqua (Adorasion dei Magi e l'Adorasion dei Pastori e la vixita anuałe del Doxe a ła Ceza inte el dì de Pasqua) . Su ła parede interna de ła fasàda ghe xe quatro òpare de Antonio Vassilacchi dito l'Aliense.

Siti da vardàr[canbia | canbia el còdaxe]


Altri projèti[canbia | canbia el còdaxe]

Controło de autoritàVIAF (EN253432463 · LCCN (ENno00027870 · GND (DE4416010-0 · WorldCat Identities (ENno00-027870
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ceza_de_San_Zacaria&oldid=1082523"