Ceza de San Marsilian

Da Wikipedia, l'ençiclopedia libara.


Ceza de San Marsilian
Chiesa di S.Marziale Facciata.JPG
RełijonCatolega-Romana
Stato{{{{{Stato}}}}}
Comun{{{comune}}}
Tipo=
Ano consacrasion1721
Stiłe architetonegoBaroco
Inisio costrusionIX secolo
ConpletamentoXVII secolo
Poxision
45°26′37.68″N 12°19′58.44″E / 45.4438°N 12.3329°E45.4438; 12.3329Coordinae: 45°26′37.68″N 12°19′58.44″E / 45.4438°N 12.3329°E45.4438; 12.3329

La céza de San Marsiliàn ze un edificio religiozo de ła sità de Venesia, situà in tel sestièr de Canaregio.

Storia[canbia | canbia el còdaxe]

Segondo ła tradision, San Marsiliàn sarìa stà fondà in tel IX sècoło e costruìa da novo in tel 1133 so inisiativa de ła famègia Bocchi. Inte ła stesa ocazion, sarìa stà ełevà a parochia, restando comuncue socorsàl a ła Catedràl de San Piero de Castèło.

Fin da łe orìzene ze stà anca cołegiàda, par cui ghe xe stà insedià un capitoło conponesto da do preti, un diacono e un sudiacono. In tenpi più tardi, l'aministrasion se ga riduzesto al soło paròco talvolta co l'asistensa de un sacrista.

L'antìga costrusion (a pianta bazegàłe a tre navaè, co fasàda tripartìa), ridota in cativo stato, ze stà refabregà in tel 1693 e consagrà el 28 setenbre 1721 dal patriarca de Venesia Pietro Barbarigo.

Usìa oncora in pìe dopo el periodo de łe sopresion napolioneghe, ła parochia ze stà slargà in tel 1819, conprendendo anca el teritorio de San Marcuoła e de Ceza de Santa Sofia|Santa Sofia]]. Inte el 1876 el patriarca Giuseppe Luigi Trevisanato ga sansìo ła traslasion de ła parochiałità a ła Madona de l'Orto e San Marsiliàn ze stà retrocesa a Ceza retoriàl cuàła ze tutora.

Descrision[canbia | canbia el còdaxe]

I esterni ze tanto sobri : łe parède se prezenta imaltàe prive de ornamenti e anca el pìcoło campanìl a vèła ga linee tanto senplici.

Na ùgnoła navàda acolge i vizitadori, inte el sofìto ricuadri pitòreghi inserìi in soàze doràe de Sebastiano Ricci, 1700 sìrca.

L'altàr mazor puza sołla poggia parède de fondo del presbiterio e el ze sorastà da un enorme grupo de marmàro atribuìo a Tommaso Rues: Il Cristo sul mondo con angeli e santi. Dipinti de rimàrco storego ze San Marziale in gloria intrà i Santi Pietro e Paolo, de Jacopo Tintoretto, 1548-1549.

In sagrestìa Angelo Raffaele e Tobia de Tiziano Vecellio, 1530 sìrca, de Sebastiano Ricci del 1700 so el sofìto, in pozision centrałe, Padre eterno con angeli in gloria.

Curiozità[canbia | canbia el còdaxe]

In tel 1575 un venesian de nome Vincenzo Franceschi gà ospità un parente trentìn, el cuàło gera małà de giandùsa e ga inpesàt l'intièra sità, simentando oltra cuarantasìncuemiłe morti.

Cuì visìn ghe ze uno dei vari ponte dei pugni de Venesia, indove Castełani e Nicołotti se scanbiava pugni in incrozàe che vedeva chi che perdeva cascàr in tel canaàl sotostante.

Altri projeti[canbia | canbia el còdaxe]

Bibliografia[canbia | canbia el còdaxe]

Cołegamenti esterni[canbia | canbia el còdaxe]

Controło de autoritàVIAF (EN234338491 · GND (DE4631736-3 · WorldCat Identities (EN234338491
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ceza_de_San_Marsilian&oldid=1054137"