Cexa de San Zeno in Oratorio

Da Wikipedia, l'ençiclopedia libara.
Jump to navigation Jump to search
Cexa de San Zeno in Oratorio
ChiesaSanZenoInOratorioVR.JPG
RełijonCexa catolega de rito roman
DiocexiDiocexi de Verona
Stiłe architetonegoromanico
Inisio costrusionXII secolo
ConpletamentoXX secolo
Poxision
45°26′22.75″N 10°59′09.38″E / 45.439653°N 10.985939°E45.439653; 10.985939Coordinae: 45°26′22.75″N 10°59′09.38″E / 45.439653°N 10.985939°E45.439653; 10.985939


La cexa de San Zeno in oratorio conosùda anca cofà cexa de San Zeneto, l'è 'na cexa de Verona, situà visin al Castelvecio, uno dei edifici pì antighi dedicà al San Zeno, patròno de Verona.

El nome de onco' l'è stà ciapà sol 'ntel XVI secolo, mentre in precedensa la cexa jera conosùda cofà San Zeno orator (parladór) o San Zeno Orante, a cauxa de la tradision che su sto liogo vede la salvanela de San Zeno, che qui se sarìa ritirà par pregàr, in axonta la cexa ospita el saso de fiume so'l qual, segondo tradision, San Zeno pescava

Storia[canbia | canbia el còdaxe]

La costrusion atuale se leva so quel che resta de un edificio romàn sepolcrale, ma ne la so forma atuale, la cexa risale a l'insìrca al XII secolo, fasilmente levà dopo el devastante taramòto del 3 xenaro 1117. 'Ntel 1336 la se cata nte l'elenco de le cexe parochiali sitadine. 'Ntei secoli drìo la cexa se jera richìda de nùmaroxe òpare d'arte, anca se più volte l'à subì dani de le exondasion de l'Adige. La cexa l'è stà sopresa 'ntel 1807 par decreto napoleonego, restando serà fìn al 1816 quando el Vésco l'à verta da nòvo.

Quando San Zeno l'è stà serà, gà seguìo da parte dei napołeonici anca la spojada, par cui co' l'è stà riverta, la gheva bisogno de restauri, ma durante el XIX secoło par riabelìrla se jera ricorso al rìcupero de òpare d'arte e architetoneghe che vegnea da cexe desfà, cavandoghe cusìta quel'aspeto orixinàl de la cexeta.

San Zaneto l'è stà da nòvo danezà in ocasion de ła segonda guera mondiałe, ma xe andà pezo 'ntel 1957 quando la navàda dreta de la cexa l'era crolà, destruzendo cussì interesanti afreschi de età tardomedievale. Tutavia la cexa la presenta ancora oncò tràse de afreschi de particołàr pregio.

La tore canpanaria ospita quatro bronzi cèi de notevołe interese storego.

Bibliografia[canbia | canbia el còdaxe]

  • G. Borelli, Chiese e monasteri di Verona, Verona, Banca popolare di Verona, 1980.

Voxe łigà[canbia | canbia el còdaxe]

Altri progeti[canbia | canbia el còdaxe]

Cołegamenti esterni[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cexa_de_San_Zeno_in_Oratorio&oldid=794826"