Cesare Marchi

Da Wikipedia, l'ençiclopedia libara.


Cesare Marchi (1922-1992) el xe stato on scritor e giornałista itałian.

El xe nato e el xe morto a Vilafranca. Marchi el xe vivsto a Viłafranca anca ntel periodo del so major suceso, quando ła RAI ło invitava a tante trasmision tełevixive e i editor i se ło contendeva. Indro Montanelli el ghe ga de frecuente dito su, bonariamente, de questo, durante łe vacanse invernałi pasà insieme a lu e co Enzo Biagi a Cortina.

Dopo ła łaurea in łetare a Padova, Marchi el ga sacuminsià a łavorar come insegnante inte łe scołe medie. Par anni el xe sta cołaborador prima de L'Arena di Verona, po' de Il Giornale ai tenpi de ła diresion de Montanelli. El zera dotà de on grnade spirito umoristico e satirico e el xe sta anca sagista.

De lu i più i se ricorda probabilmente sora-de-tutoto du libri. In Impariamo l'italiano el se ga butà contro ła burocrasia del łinguajo ripercorendo łe regołe de ła łéngua tałiana. In Siamo tutti latinisti, Marchi el ga anałisà tuti i modi de dire che i xe vegnù dal łatin. De ła so stajon tełevisiva in RAI a se ricorda ła presensa costante inte ła trasmision Almanacco del dì dopo.

Altre Opere[canbia | canbia el còdaxe]

Cesare Marchi el ga inoltre publicà:

  • Boccaccio
  • L'Aretino
  • Giovanni dalle Bande Nere
  • Dante
  • Caro Montanelli
  • Impariamo l'italiano
  • Grandi peccatori Grandi cattedrali
  • Quando eravamo povera gente
  • Non siamo più povera gente
  • Quando siamo a tavola
  • Quando l'italia ci fa arrabbiare
  • Finché dura l'equivoco'
  • Il delatore
  • Confidenze di una malelingua


Controło de autoritàVIAF (EN49253861 · ISNI (EN0000 0001 0898 5666 · El vałore CFIV000066 de SBN no el xe mija bon. · LCCN (ENn80094357 · GND (DE122054628 · BNF (FRcb12097700x (data) · BNE (ESXX836841 (data) · WorldCat Identities (ENn80-094357
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cesare_Marchi&oldid=1157235"