Castanea sativa
| Castanea sativa | |
 | |
| Clasefegasion sientìfega | |
|---|---|
| regno | Plantae |
| divisione | Magnoliophyta |
| classe | Magnoliopsida |
| ordine | Fagales |
| famiglia | Fagaceae |
| genere | Castanea |
| specie | C. sativa |
El castagnaro (o castagnèr o castagnèro; nome sientifego Castanea sativa), deła fameja dełe Fagaceae (todesco: Kastanie, inglexe: chestnut, sloveno: kôstan, tałjan: castagno) el xe na pianta alta 10—30 metri, con scavejara de rami tonda, na scorsa lisia, lucida, grixa - maron.
Łe foje łe ga forma de punta de lancia, coi orli a denti de sega e łe xe longhe 20–22 cm e larghe 10 cm.
I fiori, verde ciari - bianchi, i par grosi bigołi longhi 5–15 cm e vien ciamà amenti. El fruto, ła castagna, dita maron quando ke ła xe beła grosa e dolse, xe drento na prima scorsa piena de spine, el ricio; soto ghe xe ła scorsa vera, maron, lucida, ke par corame. Ła polpa drento xe bianca - xała.
Difusion[canbia | canbia el còdaxe]
El castagnaro se trova dal Portogało ała Francia ał'Italia, dał'Inghiltera ała Germania, ała Slovenia ała Croazia, al Montenegro, ał'Albania, Macedonia, Grecia, Bulgaria, Romania, Turchia e drio ła costa nord del Mar Nero, fin al Caucaso, ma ghe xe castagni anca in Maroco, sui monti deł'Atlante.
Legno[canbia | canbia el còdaxe]
El legno de castagnaro xe duro e rexistente ał'umido e par questo el vien doparà dal carpenter, dal marangon e dał'ebanista.
El castagnaro 'nteł'ałimentasion[canbia | canbia el còdaxe]
Łe castagne vien doparà par far farina de castagne, ma łe vien anca cote o roste e magna cusì. Naltro modo de magnar na castagna xe ła stracaganasa.
Wikimedia Commons el detien imàjini o altri file so Castanea sativa
Wikispecies el detien informasion so Castanea sativa
| Controło de autorità | GND (DE) 4151034-3 |
|---|