Caorlina

Da Wikipedia, l'ençiclopedia libara.


Infobox de Instrumento Caorlina

Cànbia el vałor in Wikidata
Tipobarca Cànbia el vałor in Wikidata


Na caorlina che xe drìo far ła Vogałonga

Ła Caorlina xe na inbarcasión tipega de ła Łaguna de Venesia.

El nome xe łigà in ùltima ała so orìxene a Caorle, comun de ła Provincia de Venesia, un tenpo tersa ìxoła del dogado par estensión dopo Venesia e Cioxa.

Caorlina in una foto di Paolo Monti del 1965. Fondo Paolo Monti, BEIC

Ła carateristeghe de ła caorlina xe inansituto el fondo piato e ła pròva e'l pòpe conpagni e rialsài; questo consente co fasiłità ła vòga da parte de quatro o sìe vogadóri. Ła dimensión tìpeghe de ł'inbarcasión xe 9,65 metri de łónghesa par 1,75 metri de łarghésa: uxàda inisialmente par ła pesca in łaguna (dita a seragia) e pa'l straporto anca de ingenti carghi (grasie ała so capiensa ed agiłità de movimento). Ancùo ła xe una de łe inbarcasión più rinomàe nełe regàte sul curto parcorso de ła Regata Storica de Venesia.

Inaxónta, a Caorle, da qualche ano xe stàda costruìa na Caorlina o Caorlina da paràda, co 24 vogadóri più caovoga, che oltre a partesipar ała Regàta Storica, ciapa parte a numaroxe manifestasión de caratere storego o lerigióxo.

Voxe łigàe[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Caorlina&oldid=1106398"