Canal de Canarégio
 Veduta del canàl verso nord-ovest dal ponte dei Tre Archi  | ||||
| Sorte | Canałe | |||
|---|---|---|---|---|
| Parte de | Łaguna de Venesia | |||
| Posto | ||||
| Rejon aministrativa | Venèsia (Itàlia) | |||
| ||||
| Dati e sifre | ||||
| Prodondità | 5 m | |||
|
| ||||
El canàl de Canaregio el ze una de łe vie d'acua più inportanti de Venesia. El cołega el Canal Grando co l'area nord-osidentàl de Canaregio, infrà łe fondamenta de San Giobbe e ła fondamenta de Saca San Momoło.
Par le dimension superiori a cuełe de i normałi rii interni a'l sentro stòrego, el canàl el parmete l'atraversamento, oltra che a łe picołe inbarcasion, anca a i batełi de l'ACTV.
Architeture
[canbia | canbia el còdaxe].jpg)
Inportanti ze i do ponti che i traversa el canàl infrà i più caratarìsteghi e grandi de ła sità: el ponte de łe Gułie, risałente a'l XVI sècoło, el ze l'unico nobiłià da pinacołi, e el ponte dei Tre Archi, unico ezenpio oncora ezistente in Venesia de ponte a più arcade.
Na statua raprezentante San Giovanni Nepomuceno, òpara de'l Morlaiter, ła ze prezente su ła riva ovest de'l canàl de Canaregio a l'inboco de'l Canal Grando.
Łe do fondamenta che se zlonga a i ładi de'l canàl łe mostra un mucio de fasade de vałor architetònego: su tute, Pałaso Labia, łogà a l'intersion co'l Canal Grando; ma denji de nota ze anca Pałaso Priuli Venier Manfrin, Pałaso Sovergnan, Pałaso Bonfadini Vivante, Pałaso Testa, Pałaso Surian Bellotto.
Oltra a i pałasi, va sitàe anca łe Cieze che se łeva łongo el canàl: Santa Maria dei Penitenti e el só conpleso conventuàl, San Giobe (che a'l canàl revolze el łai de sanca) e San Geremia (co una de łe só do fasàe).
Bibliografia
[canbia | canbia el còdaxe]- Venezia, Touring Club Italiano, 1970, p. 464.
Altri progeti
[canbia | canbia el còdaxe]
Wikimedia Commons el detien imàjini o altri file so Canałe de Canarejo
el detien schemi gràfeghi so
Voxe łigàe
[canbia | canbia el còdaxe]Siti che se pol vardàr
[canbia | canbia el còdaxe]- Video su youtube del Canàl del Canaregio
- Somegie del Canal de Canaregio
- Somegie del Canal de Canaregio
- da venicewiki, ła guida cołaborativa de Venesia
- Descrision del sestièr de Canaregio
- Itinerario nel sestièr de Canaregio Archivià il 17 de setenbre 2011 in Internet Archive.
- Mapa del sestièr de Canaregio
- da venicexplorer.net Archivià il 17 de novenbre 2011 in Internet Archive.
- da ombra.net Archivià il 9 de zunjo 2021 in Internet Archive.