Céxa de l'Anzoło Rafael

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Céxa de l'Anzoło Rafael
La fasàda de ła céxa de San Rafael
La fasàda de ła céxa de San Rafael
Locałità Venesia
Coordinae

45°25′52″N 12°19′34″E / 45.431, 12.326

Rełijon Catołega
Diocexi Patriarcà de Venesia
Stiłe architetonego Neoclasico
Inisio costrusion 1618
Conpletamento 1639

Coordinate: 45°25′52″N 12°19′34″E / 45.431, 12.326

La céxa de San Rafael Arcanzoło, conosùa anca cofà céxa de l'anzoło Rafael, xe un edificio lerigióxo de ła çità de Venesia situà 'ntel sestièr de Dorsoduro.

Storia[canbia | canbia sorxente]

La céxa se leva in una de łe xone più antighe de ła çità, infra łe prime ad eser cołonixàe. Segóndo ła tradisión sarìa una de łe oto céxe che San Magno, vescòvo de Oderso gà fato costruìr quando che xe nata ła çità, risałendo cussì adiritùra al VII secoło. Rexulta documentà che 'na céxa istałàda in questa xona xe stàda desfàda in ocaxión de un incendio nato 'ntel ano 899 e gera stàda costruìa, foraché el fato che gera stàda desfàda altre do volte senpre par incendio, 'ntel 1106 e 'l 1149, vegnindo senpre ricostruìa.

So'l scominsio del Sìesento łe precarie condisión statiche de l'edificio ghe n'aveva rexo necesaria 'na ricostrusión ulteriór conpleta, che xe stàda finìa 'ntel 1639 da l'architeto Francesco Contin che rivava da Ługàn. I łavori de łe decorasión a l'interno, masima ła reałixasión dei dipinti e de łe statue, gà continuà anca 'ntel Setesento par po' fenìr infra el 1743 e el 1749.

Descrisión[canbia | canbia sorxente]

La céxa se sviłùpa so ła pianta a croxe grega de ła strutura precedente, co' ła fasàda revòlta verso el rio, de l'Anzoło Rafael. L'intràda più uxàda xe queła in banda, megio integràda ne ła çircołasión pedonàl.

A l'interno se risalta łe sculture de Sebastiano Mariani e łe pitùre del parapeto de ła cantoria rafeguranti łe Storie di Tobiolo atribuìe a Gianantonio Guardi. Altri afreschi gera stài exeguìi da Michelangelo Morlaiter. L'inponénte organo che podemo amiràr xe stà costruìo 'ntel 1821 dai fradèłi Antonio e Agostino Callido, fiòi del pì çełebre Gaetano. In seguito xe stà riordenà dai peritisimi fradèi Bazzani 'ntel 1848 e po' 'ntel 1862; 'ntel 1961 xe stà sotopòsto ad un acurà restàuro da ła dita Tamburini.

So' ła canpàda çentràl de ła navàda xe prexénte un pregevołe afresco de Francesco Fontebasso, come pure altre pitùre ne ła Capèła del Batistero.

Conpleta ła strutura do capanìłi quadrài de inpianto romanico co' caxànsa ad archi binài sormontà da 'na cubsìde rivestìa in pionbo.

Gałarìa de imàxeni[canbia | canbia sorxente]

Siti da vardàr[canbia | canbia sorxente]

Altri progeti[canbia | canbia sorxente]