Bissona

Da Wikipedia, l'ençiclopedia libara.
Infobox de Instrumento Bissona

Cànbia el vałor in Wikidata
Tipobarca e Inbarcasion venesiane Cànbia el vałor in Wikidata


Ła bissona xe na inbarcasion venesiana a remi.

Se trata de na inbarcasion de tipo speciałe da ła łinea snèła, vełoce e a fondo piato, utiłixàda esclusivamente a uxo da paràda e de cortei aquei. Ła xe caraterixàda da riche decorasion de caratere tematico e vien spènta tìpegamente da oto vogadóri.

El nome riva dal diałetal bissa che stà a indicàr la bissa d'aqua, animàl un mucio vełoce co ła nùa, mentre ła tipołogia de l'inbarcasion riva in ùltima da antighi batèłi da guèra, caraterixài da agiłità e manevołésa[1].

Łe bissone vien utiłixàe a fin çełebrativo in ocaxion speciałi, come inte el caxo del corteo aqueo che verxe ła Regata Storica o in rievocasion de manifestasion tradisionałi cuałi el Spoxałisio del Mar.

Łe bissone tradisionałi a oto remi atualmente in uxo xe diexe, el cui nome riciama anca ła decorasion spesìfega:Venesiana, Bixantina, Cinéxe, Floreal, Pescantina, Geografìa, Netun, Resonico, Querini e Cavałi[2].

A staltre se xonta altre do inbarcasion ciamàe anca łòre comunemente bissone ma caraterixàe in realtà da na diversa tipołogia costrutiva: ła bissona Serenissima, lónga dixisete metri a fondo cołonbà ansichè piato e mosa da disdoto vogadori[3], e ła bissona Dogaressa[2] , che in realtà xe na gondoła special a quatro remi, ricamente decoràda e caraterixàda da dimension maxor rispeto a łe gondołe tradisionałi.

Note[canbia | canbia el còdaxe]

  1. (IT) http://venicexplorer.net/tradizione/barche/bissona.htm
  2. 2,0 2,1 http://www.doge.it/regata/regata14.htm Archivià il 2 de zenaro 2011 in Internet Archive. (So'l sito i nomi de łe decorasión xe in itałian)
  3. (IT) http://www.veniceboats.com/bissona-serenissima.htm dal sito veniceboats.com

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bissona&oldid=1092411"