Bill Bixby

Da Wikipedia, l'ençiclopedia libara.
Va a: navigasion, serca
Bill Bixby ne Il mago (1973)

Wilfred Bailey Everett Bixby II, pì conosùo come Bill Bixby (San Francisco, 22 xenar, 1934,- Century City, 21 novenbre 1993), xe stà un ator e regista statunitense.

Biografia[canbia | canbia el còdexe]

I so genitori vołeva ch'el faxesse, spenxendoło a far el avogador, ma presto el gà sbandonà l'Università de Berkeley par trasferìrse a Los Angeles, par proàr a scomissiàre ła carièra artistega. Drìo el s'à spostà raxonxendo Broadway laorando ne ła conpagnìa teatrałe Under the yum yum. 'Ntel 1961 el fà łe so prime aparision in tełevixion, quando inveçe un ano drìo el gà xirà co' Kirk Douglas, el film Sotto il sole le stelle. 'Ntel 1963 inveçe, el gà recità co' Jack Lemmon in Irma la dolce. Intra el 1963 e 'l 1966 el xe deventà famoxo in tełevixion co' ła serie Il mio amico marziano.

'Ntel 1967 el gà laorà co' Elvis Presley in Miliardario... ma bagnino, mentre 'ntel 1968 el gà łavorà, senpre co' Presley in A tutto gas, dove che gà parteçipà anca Nancy Sinatra.

Infra el 1969 e 'l 1972 el xe stà ocupà co' ła serie TV Una moglie per papà, indove so'l set el gà conossùo Brenda Bennett, l'atrice che xe deventà so mujer e mare de so fiòło Christopher che xe morto ancora putèło. El matrimonio co' ła Bennett xe finìo presto co' un divorsio, e drìo un pùoco de tenpo ła se gà copà.

Bixby xe andà vanti a far çinema 'ntel 1973 co' Il mago, 'ntel 1975 co' La banda delle frittelle di mele de Norma Tokar.

Indrìoman el gà avùo 'na "nomination" ai Academy Award co' Per le strade di San Francisco.

El suceso de ła so carièra gà tocà ła çima co' L'incredibile Hulk nel ròło del dotor David Bruce Banner, che ło gà ocupà dal 1978 al 1982, quando che ła xe stà interota a cauxa dei costi massa strabordànti de ogni epixodio. So'l set el xe stà afiancà dal sełebre culturista itałoamerican Lou Ferrigno, che gà interpretà el mostróxo Hulk.

El s'à riaviçinà al personaxo de Banner/Hulk nei ani 1988, 1989 e 1990, quando da produtor el gà reałixà 'na tritołogia de film par la tełevixion par finìr la çełebre serie tełevixiva.

El s'à spoxà altre do volte, una co' Laura Michaels ma el matrimonio xe finìo 'ntel 1992 dopo péna un ano par divorsio, e co' Judith Kliban. Anca sto ultimo matrimio gà durà nòma che un ano.

A l'ator ghe xe stà pronosticà un cancro a ła prostata, ma gà continuà a laorare ancora par mexi. L'ultima reałixasion sia da regista che da ator xe stà Blossom - Le avventure di un teeenager (el gà inprestà ła so voxe).

Dopo aver tanto tribołà, el xe morto el 21 novenbre 1993, a çinquantanove ani.

Filmografia parsiałe[canbia | canbia el còdexe]

Cołegamenti esterni[canbia | canbia el còdexe]