Lengua todesca bassa

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Baso todesco
Basso todesco
Nome locaƚePlattdütsch
Tipofameja lenguìstega, lengua e łéngua viva Cànbia el vałor in Wikidata
Parlà inGermania, Paesi Bassi, Brasil, USA, Argentina, Uruguay, Canada
Autòctono deEspírito Santo, Rio Grande do Sul, Sassonia Bassa e Vestfalia (it) Traduzi Cànbia el vałor in Wikidata
Totałe5 000 000 Cànbia el vałor in Wikidata
Caratarìsteghe
Scrituraalfabeto latino
Fameja
FiłozènezeIndoeuropee
Còdazi
ISO 639-2nds
ISO 639-3nds
Glottologlowg1239 Cànbia el vałor in Wikidata
Ethnologuends Cànbia el vałor in Wikidata
IETFnds Cànbia el vałor in Wikidata
Destribusion zeogràfega
Verbreitungsgebiet der heutigen niederdeutschen Mundarten.svg
I dialeti del todesco basso
1 - 7: sàsson basso ; 8 - 10: todesco basso oriental


La lengua todesca bassa (Plattdüütsch, tod. Plattdeutsch o Niederdeutsch) el xe na lengua ciacolada inte el Nord de la Zermania e el partien al grupo todesco basso de le lengue zermàneghe ocidentai. Uncuò - dà na retrospetìa de cerca de la seconda metà del XX sècolo -, la xe quasi estinguesta o comunque la xe drìo redùsarse a la varietà de na menoranẑa senpre manco forte inte le rejon confinante al Mar del Nord. Pochìssimi residui de la varietà i xe soravivùi inte la parlada rejonal. Specie la rejon de Hannover, parò, tradizionalmente da ascrìvar al todesco basso, intanto la ga adotà el stàndard pi seguro del todesco alto.

La lengua todesca basso la se desferenzia dai dialeti todeschi alti (todesco superior e central), che i costituisse la base de la lengua todesca stàndar, in quanto (cussì cofà le altre lengue zermàneghe ocidentai, overo olandese, ingrese, frison) no la ga subìo la Seconda Rodazion Consonàntega inte el VI sècolo, overo un muamento de algune consonante in posizion determinae (es.: tod. Apfel "Pomo", ma: btod. Appel, cfr. nl. appel, ingr. apple; tod. Tag "di", ma btod. Dag, cfr. nl. dag, ingr. day; tod. Buch "libro", ma: btod. Book, cfr. nl. boek, ingr. book; tod. was "cossa", ma btod. wat, cfr. nl. wat, ingr. what; tod. zehn "diese", ma btod. teihn, cfr. nl. tien, ingr. ten; ecc.).

La lengua todesca bassa la xe tutelada dal 1998 cofà lengua rejonal da l'Union Europea. El còdese ISO 639-2 el xe nds. La so forma stàndard la xe normalmente considerada el dialeto basso sàsson setentrional.

La conprende i do prinsipali ceppi de dialeti parladi inte la Zermania setentrional, el basso sàsson e el basso todesco oriental (varda Dialeti de la lengua todesca). La lengua olandese, che la ga seguìo un proprio svilupo, la gera originariamente na forma de dialeto basso francon.

El termine "basso-todesco", in contraposizion a quelo con cui tecnicamente se ciama la lengua todesca stàndar, overo "alto-todesco" (ted. Hochdeutsch), no'l xe mia dispregiativo nei confronti de sta lengua a favore de la seconda, ma el vol dir senplicemente "el todesco de le tere basse, pianegianti" (così come "alto-todesco" no vol mia dir "la lengua todesca dotta" o "el todesco àulico", ma el indica senplicemente la lengua parlada inte le "tere alte", overo montagnoze).

Le magiori zità de la Zermania in do che la lengua basso-todesca la vien tradisionalmente parlada le xe Amburgo, Dortmund, Essen, Brema, Hannover, Bochum, Bielefeld, Wuppertal, Magdeburgo, Münster, Gelsenkirchen (in westfalico Gelsenkiärken) e Braunschweig. Anca minoranze in altri paesi come la Danimarca o el Paraguay le parla el basso todesco e alcune varianti dialetali le xe presenti in Brasil e nei Stati Unii.

I scritori pi inportanti che i ga doparà el todesco basso i xe Fritz Reuter, Klaus Groth e Wilhelm Busch.

Varda anca[canbia | canbia el còdaxe]

Ligamenti foresti[canbia | canbia el còdaxe]

Controło de autoritàLCCN (ENsh85078636 · GND (DE4042178-8 · BNF (FRcb119556749 (data) · NDL (ENJA00572781
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Lengua_todesca_bassa&oldid=1062011"