Barca de San Piero

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Barca De San Piero
Jump to navigation Jump to search
Exénpio de barca de San Piero.

Ła barca de San Piero (anca ciamada Barchesa de San Piero o Vełiero de San Piero), ła xe na tradision popołare rurałe difondesta in tuto el Nord Itàlia, inte el spesìfego in Vèneto, Friul-Venesia Julia, Trentin, Lonbardia, Liguria, Piemonte e in racuanti tochi de ła Toscana Nord-Osidentałe: Provinsa de Łuca, Pistoja e Prato.

Descrision[canbia | canbia el còdaxe]

Sta tradision ła existe inte el métar, inte ła note intrà el 28 e el 29 de xugno, on contegnitor de véro inpienio a ¾ de acua, in on jardin, on prà o de sora de on davansałe esterior de ła caxa e de farghe slimegar drento de ła ciara de ovo. In calcheduna tradision, el contegnitor de vero el ga da èsar dasà par tuta ła note a l'ària verta, par che ła se inbronbisa de l'aguaso.

El matin sevente se garia da catar drento a l'acua de łe struturasion, formae da ła ciara de ovo, che łe recorda de na barca a veła o on vełier. Par chel che el dixe el folclore popołar, łe saria stae produxeste da San Piero, che supiando drento al contegnitor de vero, el faria ciaparghe a ła ciara de ovo ła justa conformasion.

El fin de ła tradision, ła xe che considarando ła difarente poxision de łe "vełe", se drite o sanò sarae, se ghe podea trar fora on bono o mało àuspego (augùrio) sol come che ła saria stada l'anada agrària, o sanò so el pròpio destin.

In Garfagnana e mèdia vałe del Serchio, inte i ani de l'emigrasion, el rexultà de sta pràtega el vegnea interpretà anca cofà àuspego par el viajo in mar par chi che se inbarchexava par nar verso de łe Mèriche.

Diti popołari[canbia | canbia el còdaxe]

« L'è vero, l'è vero l'è rivà San Piero. »
« Xe vero, xe vero ła xe rivà ła barca de San Piero »
« Se piove a San Paoło e Piero piove par on ano intiero »
« Se te vol on bel sincuantin[1], samena prima de San Pierin »


Varda anca[canbia | canbia el còdaxe]

Notasion[canbia | canbia el còdaxe]

  1. El sincuanin in sto caxo ła xe na varietà de gran

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Barca_de_San_Piero&oldid=860080"