Bacałà a ła Vixentina

Da Wikipedia, l'ençiclopedia libara.
Va a: navigasion, serca
Bacalà a Ɨa vixentina esposto in te Ɨa vetrina de na gastronomia, insieme co' altre speciaƗità locaƗi.

El bacaƗà aƗa vixentina el xe el piato "nasional" de Vicensa.

Tanto par scominsiàr, nol xe el baccalà taliàn, che el xe el pesse Gadus morhua soto saƗe, ma el stesso pesse sicà al vento: un stocafisso. La tradixion Ɨa vol che nel 1432 el capitan venexian Piero Querini el gabia fato naufragio su l'isola de Rost, in te le Lofoten, in Norvegia. Da lì el g'avaria portà xo in Veneto sto stocafisso, che xera, tra l'altro, un magnàr economego, pien de proteine e che se podeva conservàr par tanto tempo. Intanto che a Venexia el bacaƗà el vegnea fato mantecà (aƗa venexiana), a Vicensa vegnea inventà Ɨa riceta aƗa vixentina. E naturalmente ghe 'ndava tacà na beƗa porsiòn de poƗenta.

Come el se fa[canbia | canbia el còdexe]

Ɨa riceta de Ɨa Venerabile Confraternita del BacaƗà aƗa Visentina, par 12 persone, la vol: 1 kg de stocafisso seco (che vien dal todesco 'stockfisch' = pesse baston), 500 g de séole, 1 l de ojo de oliva estra vergine, 3-4 aciughe, 1/2 litro de late fresco, poca farina bianca, 50 g de formajo grana gratà, un ciufo de parsémoƗo trità, sale e pevare.

Bisogna molar el stocafisso, dopo averlo batù ben, in aqua freda, cambiandoƗa ogni 4 ore, par 2-3 dì. Cavar parte deƗa peƗe, vèrsar el pesse par lungo, cavarghe Ɨa resca e tute le spine. Tajarlo a tochi quadri, pi che se pol gualivi. Tajar fine le séole, rosoƗarle in na tecia co 'n goto de ojo, xontar le aciughe disavìe, sensa resche e tajà a tochi; par ultimo, stuà el fogo, metarghe el parsémolo trità. Infarinàr i tochi de stocafisso, versarghe sora el desfrito preparà e dopo metarli uno tacà l'altro in na tecia de aluminio o na pirofila (sul fondo bisogna prima metarghe raquanti cuciari de desfrito). Coverser el pesse col resto del desfrito, metendoghe anca el late, el grana gratà, el sale e el pevare. Metare l'ojo fin a coverser tuti i tochi, liveƗandoƗi. Cusinàr a fogo lento par 4 ore e mesa, movendo ogni tanto la tecia in senso orario, sensa mai mescolar (a Vicensa, se dixe pipare). Servir caldo coƗa poƗenta, ma el xe tanto bon anca dopo 12-24 ore. I vini che ghe va ben insieme i xe el vespaiolo de Breganse o el tocai roso dei CoƗi Berici.

Ligadure forèste[canbia | canbia el còdexe]