Asociasion Calcio Ceo

Da Wikipedia, l'ençiclopedia libara.


E quando i mussi i volarà faremo el derby in serie A!
I tifosi de l'Hellas, par tor in giro el Ceo che secondo lori nol saria mai rivà in serie A
AC ChievoVerona
Bałon Football pictogram.svg
Musi vołanti
Segni distintivi
Maje
Manega sanca
Majeta
Majeta
Manega dreta
Braghete
Calsetoni
Caxa
Manega sanca
Majeta
Majeta
Manega dreta
Braghete
Calsetoni
Fora caxa
Manega sanca
Manega sanca
Majeta
Majeta
Manega dreta
Manega dreta
Braghete
Braghete
Calsetoni
Tersa maja
Cołori sociałi Giallo e Blu (Bordato).png giallo-blu
Sinbołi Cangrande, Diga, Muso
Ino Un mondo in giallo e blu
Ivana Spagna
Dati societari
Çità Verona
Paexe bandiera Itàlia
Confederasion UEFA
Federasion Flag of Italy.svg FIGC
Canpionato Serie A
Fondasion 1929
Presidente Itàlia Luca Campedelli
Ałenador Itàlia Rolando Maran
Stadio Marcantonio Bentegodi
(42.160 posti)
Sito web www.chievoverona.it
Se invita a seguir el schema del Projeto Spor

L'Associazion Calcio ChievoVerona l'è la squadra de balòn del Ceo (ital: Chievo), un quartier de Verona. El campo 'ndo che i zuga l'è el stadio "Marcantonio Bentegodi" de Verona (42.160 posti da sentarse). I colori de ła squadra jè cuei dela sità de Verona, e cioè el gialo e el blu. Ale olte i ghe ciama anca la squadra "de ła Diga", parché vissin al Ceo ghè propio na diga su l'Adexe.

La storia de ła società[canbia | canbia el còdaxe]

El Ceo l'è stà fondà oncora inte el 1929, ma sà dovesto spetare el 1986 parché el 'ndese tra i professionisti zugando inte el campionato de Serie C2.

Inte el 1994 l'è festa granda al Ceo: l'alenator Alberto Malesani el gà portà la squadra fin in Serie B.

Inte el 2001, quando nisuni se lo spetava, riva la promosion in Serie A. Tuti i Itałiani i resta a bóca vèrta, visto che el Ceo ała fin dei conti l'è solo un quartier de domìla e çinqueçento anime ała periferia de Verona. In più cosita i vien messi a taser na olta par tute i tifosi del'Hellas Verona (l'altra squadra de ła çità, ben più conossùa), che i se godéa a tór in giro cuei del Ceo disendo che solo "quando i mussi i volarà faremo el derby in Serie A". Da de lora i tifosi del Ceo i se fa ciamar anca "i Mussi Volanti". Tra l'altro bisogna dir che l'ano dopo ze stà zugà el primo derby col'Hellas, che l'è stà veramente na festa par tuta la çità, ma chel'ano lì l'Hellas l'è 'ndà in Serie B, cosita nei ultimi ani la squadra piessè importante de Verona l'è stà el Ceo e no sà più podùo far el derby.

Neła stajion 2001-02 la squadra, in tel giron de andata, la rieçe parfin a battarse par el scudeto, deventando la rivelasion del campionato: pensè che a metà del giron de andata i zugadori del Ceo i sà catà parfin al primo posto de ła classifica, co çinque ponti de vantajio suła seconda (tra le varie partìe da tegnerse inamente, a ghè stà presempio un Inter-Ceo 1-2); inte el giron de ritorno jè stà parò ciapadi da chełe altre squadre che no le ghe stava mìa a farse bàtar dai ultimi rivadi: ała fin jè rivà comunque quinti podendo nare cosita in teła Coppa Uefa l'ano dopo, in dove che parò jè stà butà fóra subito al primo turno da ła Stela Rossa Belgrado.

La stajion dopo el Ceo el fa oncora un bel campionato rivando 7°, anca se al'ultima jiornada l'è stà passà via dal Parma e dal'Udinese.

Neła stajion 2003-04, sicome che ghè tocà vendar i sò zugadori piassè importanti (Lupatelli, Corini, Legrottaglie, Luciano), jè rivà solo al 9° posto.

La stajion dopo ze 'nda via dal Ceo Perrotta e el mister Gigi Del Neri, che l'era stà l'alenator del "miracolo", e al sò posto ghè rivà Mario Beretta: co lu el Ceo el se salva par un gnente da ła retroçession, graçie a do vitorie e un parejio in tełe ultime tri jiornade.

In teła stajion 2005-06 el Ceo, allenà staolta dal mister Bepi Pillon, l'è riuçìo a star sempre in teła prima metà de ła clasifica de Serie A, façendo un campionato da Dio e co dei bei risultati contro le squadre lìder del campionato (Ceo-Milan 2-1, Ceo-Juve 1-1), rivando infìn a qualificarse ała prosima Coppa Uefa na jiornada prima de ła fin del campionato. Ma co tuto el spolvaròn che ze vegnù su co Calciopoli, el Ceo el sa catà parfin a essarse qualificà par la prima olta in teła so storia ai preliminari de ła prossima Champions League, visto che la Juve l'è stà mandà in Serie B e a Milan, Fiorentina e Lazio ghè stà cavà dei ponti.

Pecà che dopo i sia stà batùi sia ai prełiminari, sia al primo turno de Copa Uefa, a cui i gà parteçipà come da regołamento esendo stà ełiminè da ła Champions. Ma evidentemente l'era propio un ano scarognà par el Ceo, che ała fin de ła stagion 2006-07 l'è stà retroceso in B al'ultima giornada, nonostante che el ritorno del mister Del Neri (asunto a metà canpionato al posto de Bepi Pillon) el gavese "svejà fora" na s-cianta ła squadra. Dopo sié stagion in A, el Ceo el torna cosita in serie B. Inte la stagion 2007/08 el Ceo el ga vinto el campionato de Serie B e l'è sta promoso in A.

Cołegamenti forèsti[canbia | canbia el còdaxe]

Controło de autoritàVIAF (EN248291493 · GND (DE4701454-4 · WorldCat Identities (EN248291493
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Asociasion_Calcio_Ceo&oldid=1035613"