Architetura

Da Wikipedia, l'ençiclopedia libara.
(Rimando da Architeto)
Jump to navigation Jump to search
Ray e Maria Stata Center

L'architedura l'è na disiplina che la ga come fin l'organixasion del spasio a calsiasi scala, ma prinçipalmente chela andove che vive l'omo. Par senplifegare, se pole dire che la se tien prinçipalmente a la projetasion e costrusion de on imobiłe o de l'anbiente xà costruio. In sta materia i concore aspeti tecneghi e artisteghi. L'artitedura, insieme a la scultura, la fa parte del grupo de le cusì ciamae arti vixuałi plasteghe.


Co l'omo ga tacà ver le capaçità cognitive cusì da poderse organixarse in çiviltà, l'achitedura la ga tacà vegner fora e la xé senpre restada in vita. L'architedura l'è nata soratuto par conpensare a le neçesità bioloxeghe de l'omo, come la protesion da i axenti atmosfereghi, e proprio par sto motivo cua, l'è intrà le materie pì prexenti in tute le çiviltà. Solo so on segondo momento, col xvilupo de la divixion del laoro, n'te la soçetà, a la funsion primaria ghe jera sta xontà na funsion secondaria in numaro senpre pì cresente.


Co la vegnua fora de le carateristeghe esteteghe se ghea vuo anca la nasita de l'architedura anca come arte vixuale, dotada parò de propie carateristeghe particolari. Saria caxi ridutivo parlar de valori esteteghi parché na strutura ga na bela architedura, parché el xé caxi senpre el rixultà de valori eteghi e de on studio antropoloxego.


Dar na ciara definision de l'architetura xé tanto difiçile, basta vardare che el fenomano architetonego l'è senpre stato on valore n'te la cultura de l'omo, vegnendo senpre pì rico de carateristeghe, definision, funsion, aspeti de spasio e de costrusion caxi senpre difarenti o par fin in contrasto da çiviltà a çiviltà o da epoca a epoca.[1]

Derivasion[canbia | canbia el còdaxe]

"Architetura" deriva da architeto, e st'ultimo derivà n'te le lengue oçidentali dal latino architectus, che a so volta el ga na orixane greca: ἀρχιτέκτων (pronunçà architéktōn), parola conponesta dai termini ἀρχή (árche) e τέκτων (técton) che signifega "inxegnere", "capo costrutor" o proprio "architeto"[2].

El primo termine, ἀρχή – che l'è coneso a ἀρχειν (árchein), “prinçipiare”, “comandare” –, el esplega in greco antico el signifegà de "inprexa", "partensa", "orixane", "fondasion" o "guida". N'te la Metafixega de Aristotele, la xé posibile catar la prima e pì granda definision. Aristotele el ghea dato do signifegai prinçipali a ἀρχή, osia primo par importansa o primo in ordine temporale. Co el primato valoriale e primato temporale i xé conpagni e che ἀρχή el parla anca de la divinità: Dio come el pì grando valor e cauxa de tute le robe.

El segondo termine, τέκτων (técton), riciama difarenti significai, tra sti cua ghe xé "inventare", "crear", "costruire": el fare tecnego ma anca l'artistego, el fare manuale ma anca l'artixanal.

L'union intrà i do termini (ἀρχιτέκτων) la se cata par la prima olta da Erodoto, chel vole domandarse chi che pole dar na norma rasional a la costrusion de calcosa. El riferimento a l'edilisia o a le abitasion no l'è colegà, ansi l'ἀρχιτέκτων serve par dire de cuanto che xé costruibile in xeneral. Altro aspeto interesante l'è fato da cuanto che sta parola la resta fonetegamente, grafegamente e leteramente la se someja in tute le lengoe eoropee e no solo, architecture in fransexe, architecture in inglexe, arquitectura in spagnolo, architektur in todesco (che parò st'ultima la xonta la parola baukunst che tradoto significaria "arte del costruire").


Descrision[canbia | canbia el còdaxe]

Fatori de l'architetura[canbia | canbia el còdaxe]

Una de le definision pì vecie de l'architetura la njien fora da Marco Vitruvio Pollione, l'architetura la xé on insieme de tre categorie:

  • firmitas (rexistensa);
  • utilitas (doparabilità);
  • venustas (belesa).


Architetura e soto-profesion[canbia | canbia el còdaxe]

  • Design esterno : la xé la speçalixasion che la laora n'te la projetasion de parchi, jardini e piase.
  • Design interno: speçalixasion n'te la creasion de design dei interni, sia par esar doparae da on publego o on privà.
  • Dixegno industriałe : speçalixasion n'te la creasion de ojeti da doparar tuti i dì.
  • Urbanismo: speçalixasion n'te la pianificasion del sistema urban.

Storego[canbia | canbia el còdaxe]

Antichità[canbia | canbia el còdaxe]

El primo vero tratato de architetura l'è el De architectura di Vitruvio, andove njien dada la prima definision de sta disiplina e njien creada la speçalixasion de l'architeto e de chelo chel ga da saver. El De architectura el ga influensà in manjiera particolar l'architedura dal secolo XV al secolo XIX.

Medioevo[canbia | canbia el còdaxe]

N'tel Medioevo l'architetura la njien somejada a le artes mechanicae[3] da filosofi come Scoto Eurigenia e Ugo di San Vittore. N'tel periodo romanico e chelo gotico la figura pì somejantea chela de l'architeto, la jera chela del capomastro, on magister operis che dopo ani de esperiensa el rancurava la projetasion de l'edifiço e de l'andamento del cantiero.[4][5]

Rinasimento ed Umanexemo[canbia | canbia el còdaxe]

N'tel contenpo che n'tel resto de l'eoropa el gotico el restarà el stile che predominava par on longo tenpo, n'te le rejon italiche el rinasimento mete l'architetura soto on novo modo de pensar. Uno dei tratati pì inportanti el jera par exenpio el De re aedificatoria de Leon Battista Alberti chel se refà a la triade Vitruviana (firmitas, utilitas, venustas). N'tel secoli XV e XVI se xvilupava el conçeto de çità ideal, par la prima olta l'architetura la se interesava a la çità e a la andove che ndava meso le robe in manjiera justa[6]. Xé sta n'tel contenpo del umanesimo che l'architeto el pasava da esar on artista-artijan a artista-siensià[7]. Particolarmente inportante la xé sta anca la figura del Vignola che la ga contribuio a fare on galepin unico de l'architetura co la catalogasion dei ordeni architetoneghi claseghi.[8]

El Siexento[canbia | canbia el còdaxe]

L'antropocentrismo del rinasimento el xé sta sostituio da na indajine ghe la ghea el fin de ver na sintexi de la contrapoxision tra el infinio e la çentralità. Grasie anca a la nasita de nove tecneghe e matemateghe, njien fati novi idealo architetoneghi baxai so la riscoerta de la naura come elemento de scena, sol dinamismo e sol moestamento. I schemi claseghi i xé stai modifegai da cuando che xé sta tacà doprar linee curve e se taca a tore solusion che le verse nove porte a la modernità.[9]

El Setexento[canbia | canbia el còdaxe]

N'tel ndar del secolo XVIII ghe xé sta la nasita del conçeto de estetega e de on grando pensamento so sto termine da farte de filoxofi e storeghi del tenpo (Giambattista Vico, Immanuel Kant). Carlo Lodoli e Giovanni Battista Piranesi i ghea teorixà par primi che on artitetura la ga da esar sensa nisun paribon, sensa nisun rivardo al gusto vixivo, ma solo co na granda atension a la doparabilità e al fin funsional[10]. Anca grasie a la rivolusion industrial, i architeti i vegneva ciamai a projetar ojeto da realixar in serie, xé el caso de la manifatura Etruria de Josiah Wedgwood, primo caxo de dixegno industriale che n'te l'eta moderna l'è sta capio.

El Otoxento[canbia | canbia el còdaxe]

Xé n'te l'Otoxento che se ga ufiçalmente diferensià la profesion de l'inxegnere e chela de l'architeto, in pì, algune materie de l'inxegneria le ndarà formandose in Eoropa n'te le università, l'architetura la vegnarà confinada n'te le academie de bele arti, restando in alguni caxi on solo exerçisio artistego, distante da cuestion prateghe e funsionali..[11][12] N'tei Stati Uniti d'America nase invese la scola de Chicago, andove l'architetura la se catarà a confrontarse co edifiçi tanto pì alti e co on novo materiale da doparar par costruirli: el calestruso armà. In Fransa, grasie al contributo de Viollet-Le-Duc, nase el restauro e on forte discorimento tuto torno a sta disiplina che la se xlargarà anca in Inghiltera (John Ruskin e William Morris) e dopo in Italia (Camillo Boito e Luca Beltrami).

El Novexento[canbia | canbia el còdaxe]

Na serie de teorie, tra ste qua anca chela del 'einfuhlung de l'Art Nouveau e chela de la pura vixibilità de Konrad Fiedler, la cuestion de le abitasion popolari nata da la prima guera mondiałe, i radeghi intrà le clasi sociali, le ga portà a la nasita in architetura de on movimento de projeto e teoria ciamà rasionałismo.

L'architetura la farà soa tuta na serie de disipline par poder permetarghe ai architeti de rivar a projetar dai elementi pì cei a cheli pì grandi, e se ndarà verso l'eliminasion che calsiasi idea artistega dal conçeto de architetura par ndar verso a opare fate n'te l'unica idea de la doparabilità e al servisio de la xente. Intrà i grandi teoreghi e autori de sto movimento ghe xé sta Le Corbusier, Walter Gropius, Ludwig Mies van der Rohe, Frank Lloyd Wright. Intrà i altri grandi maestri del Novexento se se ricorda de Alvar Aalto, Oscar Niemeyer e Kenzō Tange.

N'te la penixola Italica ga vuo tanta inportansa el futurismo de Antonio Sant'Elia e Mario Chiattone.

L'architetura n'te le Venesie[canbia | canbia el còdaxe]

Varda anca[canbia | canbia el còdaxe]

Lingambi foresti (Multilengua)[canbia | canbia el còdaxe]

  1. architedura - Sapere.it (Lengua Italiana)
  2. Giacomo Devoto, Dizionario etimologico
  3. architedura - Sapere.it (Lengua Italiana)
  4. Gothic Architects
  5. magister - Sapere.it
  6. Rinascimento: città ideale
  7. Dizionario della critica d'arte, L. Grassi, M. Pepe, Torino 1978
  8. Manuale di Disegno architettonico, Giuseppe A. Boidi, Torino 1876
  9. Gianfranco Gritella. L'architettura barocca e le nuove sfide del costruire. Treccani, 2013. Lingambo vardà el 5 gennaio 2016.
  10. Architettura e critica, Raffaele Mormone, Napoli 1992
  11. Nuovo-43
  12. Storia dell'architettura contemporanea, Renato De Fusco, Laterza, Roma-Bari 1992


Controło de autoritàLCCN (ENsh85006611 · GND (DE4002851-3 · NDL (ENJA00565563