Aparato degerente

Da Wikipedia, l'ençiclopedia libara.


Desegno de le parte del'aparato degerente, col canale alimentare e le giàndole tacae. El verso tolto dal magnare inte la so trasformasion che lo fa deventare caga, vien ciamà ab orale. A partire dal' trato de esòfago mostrà drio del figà, tuto l'aparato degerente se cata inte la cavità adòmino-pèlvica e'l vien in granda parte querto dal peritoneo.

L'aparato degerente xe l'insieme de le struture co la funsion de processar el magnare butà drento par cavarghe fora i nudrigamenti e i conponenti alimentari miga nudrigativi, come aqua, sali minerali e vitamine, destinai tuti a sostegnere el metabolismo. Sto processo xe graduale, co le difarenti parte del magnare che le vien desconposte manman che le va più in fondo, fin co che quelo che el poe èssare assorbio traverso la parede vien tolto su, mentre quelo che el resta el se zonta a le secresion che le riva in te'l intestin a formare la caga.

I òrgani che i definisse l'aparato degerente i xe divisi in:

Par trato gastrointestinale o gastroentèrico' se intende quel toco del canale degerente formà da esòfago, stómego e intestin, de particolare intaresse dei doturi ciamai gastroenteròlogi.

El canale alimentare xe na strutura par longhi trati elàstega e co vari gradi de mobilità respeto ai piani che i ghe sta intorno, par conseguensa del schema de parede, che la se modìfega a seconda del sìngolo òrgano, ma la mantien costante l'inpostasion definia da quatro strati, che i xe:

  • Mucosa, vegnendo dal lume, che el xe la cavità drento al tubo, che la va in contato col contegnuo del'òrgano e la xe la più inportante par l'assorbimento de le sostanse. La xe formada da epitelio, làmina propia e muscularis mucosae.
  • Sotomucosa, catada soto la muscularis mucosae, la xe de tessudo conetivo lasso e cussì come la làmina propia la contien vasi e nervi, in serte zone anca giàndole intramurali.
  • Tònega muscolare, formà da tessudo muscolare lisso desposto inte na parte interna trasversale e n'altra esterna longitudinale.
  • Tònega aventissia, formà da tessudo conetivo fibroso; inte i òrgani catai in adome la vien ciamada tònega sierosa co che el peritoneo el gira intorno a la parede del vìssere.

El trato degestivo superior, fin a la faringe, la xe de orìzene ectodèrmica, cussì come in fondo el canale anale inte i so do tersi finali. Tuto el resto el deriva dal'endoderma che el carateriza l'intestin primitivo del'enbrion, conpagno al mesoderma che ghe sta intorno. Le giàndole esòcrine acessorie al canale alimentare (salivari, figà co le vie biliari, pàncreas) le salta fora da estroflesion de la mucosa endodèrmica a vari liveli, propio come che se forma l'aparato respiratorio.

La descrision de la funsion dei sìngoli òrgani la poe èssare fata par separà; parò tolendo l'aparato tuto conpagno, roba che la vale anca par le sìngole parte, se individua quatro funsion fondamentali, che le se verìfega al stesso tenpo:

  • Motilità, che la taca co la mastegassion in boca, la deglutission intrà boca e faringe (moviminti mezi volontari spenti da mùscolo strià) e la peristalsi, movimento a onda spento dal mùscolo lisso che el caratariza l'aparato dal'esofago al'intestin crasso. A la fin, in intrà reto e ano, se ga la defecassion, operasion conplessa co conponenti involontarie e volontarie.
  • Secression, co vari suchi (salivare, gàstrico, entèrico, biliare, pancreàtico) de deversa conposision chìmega e enzimàtica.
  • Degestion, che la dal nome al'aparato, xe la rotura de le grande molècole del magnare.
  • Assorbimento, processo ativo soratuto, ma miga solo, in te'l intestin tenue.





Controło de autoritàGND (DE4078786-2 · BNE (ESXX525162 (data) · NDL (ENJA00572083
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Aparato_degerente&oldid=1160353"