Amy Macdonald

Da Wikipedia, l'ençiclopedia libara.
Amy Macdonald
Amy MacDonald-9546.jpg
SitadinansaRegno Unìo
Nasimento25 de agosto 1987, Bishopbriggs
MorteCànbia el vałor in Wikidata
Łéngue parlaeinglexo
Perìodo atività2007 Cànbia el vałor in Wikidata –
Ocupasion
Educà aBishopbriggs Academy
Discografia
Àlbun4
ZènareRock, Pop
StrumentoChitara e voxe Cànbia el vałor in Wikidata
Premi

Sito ufisiałe
IMDB: nm2744735
Facebook place: amymacdonaldmusic Twitter: Amy__Macdonald Instagram: amy__macdonald MySpace: amymacdonald Youtube: UC4bQSvfzqx4r3YmPw3Osx3g Last fm: Amy+Macdonald Musicbrainz: 6aa40207-fec8-43a7-991d-b872a42def05 Songkick: 398398 Discogs: 897395 Allmusic: mn0000728025


Amy Elizabeth Macdonald (IPA: [ˈeɪmi ɪˈlɪzəbəθ məkˈdɒnəld]; Bishopbriggs, 25 de agosto 1987) ła xe na cantaudora scosexa.

Ła se ga fata conoser dal publego intarnasionałe inte el 2008 grasie al sìngoło This Is the Life, traxesto da l'omonemo album in studio d'exordio. Inte ła so carièra ła ga publegà cuatro album e un greatest hits, e vendùo pì de 12 miłion de dischi in tuto el mondo.[1]

Biografia[canbia | canbia el còdaxe]

I exordi[canbia | canbia el còdaxe]

Scosexa de Glasgow, in xoventù łe so xornae xera pasae sognando pełegrinaxi ai vari vari festival muxicałi cofà el T in the Park, indove ła gavarìa vołesto scoltar ła mùxica de cantanti famoxi.

A dodexe ani, ispirà da l'abiłità de cantaudor de Francis Healy, frontman dei Travis, ła ga scominsià a uxar ła chitara del pare e ła ga inparà da so pòsta seguindo i tutorial de How to Play A Guitar so Internet pìtosto che seguindo łesion. A cuindexe ani, dopo un incontro a scòła co na music-community ciamada Impact Arts e conponesta da muxicisti łocałi, ła xe stà spenxesta a exibirse in spetacołi de l'area de Glasgow organixai da ła stessa comunidà e inte i cuałi, oltra a łe pròpie conpoxision, ła ga sonà anca cover come Everybody Hurts dei R.E.M. e na version łenta de Mad World dei Tears for Fears.

Grasie a sti spetacołi, Macdonald ga otegnesto ła posibiłità de exibirse in coffeehouse de ła Starbucks a Glasgow ed Edinburgo e, col suceso otegnesto, ła xe stà invità a seguir in un mini-tour scosexe pròpio i Travis (seguìi inte el steso periodo anca da Paolo Nutini), parteçipando anca a festival muxicałi come Glastonbury Festival, Hard Rock Calling, V Festival e T in the Park, che ła gaveva tanto sognà da toxateła.

El suceso co This Is the Life[canbia | canbia el còdaxe]

Amy Macdonald inte el 2008 ai Amadeus Awards

Grasie a ste parteçipasion ła se ga asicurà un acordo co ła Vertigo Records, xa parte de l'Universal Music Group e caxa discografega dei The Killers e dei Razorlight, e ła ga publegà i primo do sìngołi, Poison Prince, el 7 de magio 2007, na canson so ła torurada vita de Pete Doherty, inisialmente publegada in edision łimitada soło online, e Mr Rock & Roll, che ła ga portada tra łe prime vinti poxision de ła clasifega dei sìngołi del Regno Unìo.[2] Ła ga anca publegà na version in vivo (live) de Ła canson Mr. Brightside dei The Killers rejistrada al King Tut a Glasgow.

El so album de debuto, This Is the Life, el xe stà publegà el 30 de łujo 2007 e el ga ciapà ła segonda poxision inte ła clasifega album de ła Gran Bretagna inte ła prima setemana de vendite.[3] El disco ga drìoman ciapà ła sima de ła clasifega alcuni mexi pì tardi, inte el xenaro del 2008, grasie al suceso del sìngoło This Is the Life, usìo in chel periodo. L'album, cusì cofà el sìngoło omonemo, ga otegnesto un otemo suceso anca in diversi paexi europei,[4][5] raxonxendo łe prime poxision de diversi paesi come Svisera, Paexi Basi e Danimarca. In Europa e inte i Stati Unii d'America el so disco xe stà slansà inte l'utuno del 2008.

Inaxonta a staltri, da l'album xe stà estraxesti altri do sìngołi L.A. e Run, che ga parò riscontrà minor suceso. Dal 24 de magio 2007 ła ga inisià un tour che ła ga portada a exibirse in tante sità del Regno Unìo e in tanti grandi çentri nord-europei.

A Curious Thing[canbia | canbia el còdaxe]

Amy Macdonald inte el 2011 a l'I EM Music de Emmendingen

Inte i primi mexi del 2010 xe stà diramà, in radio e inte i negosi, el sìngoło Don't Tell Me That It's Over, che ga riscontrà un bon suceso in diversi paexi.[6]

El sìngoło ga antiçipà ła publicasion del segondo disco de ła cantaudora, A Curious Thing, publegà par l'eticheta discografega Mercury inte el mexe de marso, che ga ciapà el primo posto de łe clasifeghe de vendita in Xermania, Austria e Svisera e el segondo posto inte i Paexi Basi, Belzo e Gresia. In Inghiltera el se ga inveçe piasà al cuarto posto.[7] Come jera sucedesto col primo album, i vari sìngołi publegai drìo del primo (Spark, This Pretty Face, Love Love e Your Time Will Come) no i ga otegnesto un gran suceso i xe usìi ben presto da łe stasion radiofoneghe. Drìoman ła cantante ła ga intraprendesto un tour, denomenà Love Love UK Tour, che ła ga portada inte łe prinçipałi sità del Regno Unìo, tra cui Manchester, Glasgow, Newcastle, Łondra e Cambridge.

Life in a Beautiful Light e Under Stars[canbia | canbia el còdaxe]

Amy Macdonald agli Amadeus Austrian Music Awards 2017

Inte el 2011 ła cantante ła gaveva anuncià de esarse mesa a l'opera inte ła scritua de novi brani da inserir inte el prosimo łaoro, co data d'usida da destinarse. Inte i primi mexi del 2012 Amy ga comunegà ufisialmente sol so sito web l'usida del primo sìngoło del novo album, Slow It Down. L'usida del terso album, Life in a Beautiful Light, avien l'11 de xugno del steso ano.

Dopo 5 ani da l'ùltemo album, el 6 de xenaro 2017, ła cantaudora scosexa ła publega el novo sìngoło Dream On e drìoman l'album intitołà Under Stars el 17 de febraro. Ła otien un discreto suceso vegnendo premiada co un disco d'Oro. Su YouTube vengono pubblicati i video di Automatic e Down By The Water.

Woman Of The World e The Human Demands[canbia | canbia el còdaxe]

Inte el 2018 MacDonald publega ła so prima compilation, Woman Of The World (The Best Of 2007-2018), che include tuti i so preçedenti sìngołi e l'inedito Woman Of The World.

El 28 de agosto 2020 ła publega el sìngoło The Hudson che antiçipa el so cuinto album The Human Demands, in usida sol finir del 2020.

Stiłe e influense[canbia | canbia el còdaxe]

Ła voxe de Amy MacDonald ła vien clasifegà come contralto.[8] L'artista çita Travis, The Killers e Rammstein come so prinçipałi influense.[9][10][11]

Vita privà[canbia | canbia el còdaxe]

Dopo aver avùo na rełasion col xogador de bałon Steve Lovell inte el 2008,[12] ła ga spoxà un altro xogador, Richard Foster, inte el 2018.[13] Parlando senpre de calcio, MacDonald ła se ga definìa tifoxa dei Calcio Rangers.[14]

Discografia[canbia | canbia el còdaxe]

Album[canbia | canbia el còdaxe]

Racolte[canbia | canbia el còdaxe]

2018 – Woman of the World (The Best of 2007-2018)

EP[canbia | canbia el còdaxe]

  • 2007 – Amy Macdonald
  • 2007 – Live from Glasgow
  • 2008 – This Is the Life: Deluxe Edition

Sìngołi[canbia | canbia el còdaxe]

Notasion[canbia | canbia el còdaxe]

  1. (EN) Gregor Kyle, Go backstage with Amy MacDonald at her triumphant Glasgow homecoming showglasgowlive.co.uk, 1º settembre 2017. URL vardà il 28 agosto 2020.
  2. (EN) Amy MacDonaldchartstats.com.
  3. (EN) This Is the Life (Album)chartstats.com. URL vardà il 3 aprile 2010.
  4. (EN) This Is the Life (Song)italiancharts.com. URL vardà il 3 aprile 2010.
  5. (EN) This Is the Life (Album)italiancharts.com. URL vardà il 3 aprile 2010.
  6. (EN) Amy Macdonald - Don't Tell Me That It's Overacharts.us. URL vardà il 3 aprile 2010.
  7. (EN) Amy Macdonald - A Curious Thingacharts.us. URL vardà il 3 aprile 2010.
  8. (EN) Chasing Amy: Her songs may appear naive, but Scotland's latest sensation is firmly in charge of the Amy Macdonald Project, she tells Aidan Smithhighbeam.com, 5 novembre 2012. URL vardà il 28 agosto 2020 (archivià da el URL orixenale il 5 novenbre 2012).
  9. (EN) Amy's first millionheraldscotland.com. URL vardà il 28 agosto 2020.
  10. (EN) Guardian Staff, Playing the guitar: Amy Macdonald on what inspired her to pick up a guitartheguardian.com, 9 maggio 2008. URL vardà il 28 agosto 2020.
  11. (EN) Liverpool Echo: Latest Liverpool and Merseyside news, sports and what's onliverpoolecho.co.uk. URL vardà il 28 agosto 2020.
  12. (EN) Amy Macdonald: I'm not thinking about marriage yet because it would mean taking break from my careerdailyrecord.co.uk, 12 febbraio 2010. URL vardà il 28 agosto 2020 (archivià da el URL orixenale il 12 febraro 2010).
  13. (EN) John Dingwall, Amy Macdonald has revealed she's engaged to footballer boyfriendmirror.co.uk, 2 gennaio 2016. URL vardà il 28 agosto 2020.
  14. (EN) Nicholas Keyden, Amy Macdonald and football star Richard Foster tie the knot in Las Vegas weddingdailyrecord.co.uk, 4 giugno 2018. URL vardà il 28 agosto 2020.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN88583113 · ISNI (EN0000 0001 0655 4432 · Europeana agent/base/99105 · LCCN (ENno2008126187 · GND (DE135494222 · BNF (FRcb15589730d (data) · WorldCat Identities (ENno2008-126187
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Amy_Macdonald&oldid=1041215"