Alvaro Vitali

Da Wikipedia, l'ençiclopedia libara.
Jump to navigation Jump to search

Alvaro Vitali (Roma, 3 de febraro 1950) xe un ator itałian

Biografia[canbia | canbia el còdexe]

Nato a Trastevere, nel cuor de Roma, Alvaro xe de sièra particołàr, baso co' ła dopia sbèsoła e co' un vòlto comico; łe so orìxeni łigàe a ła tradision romana e "romanesca" e ła so sinpatìa formarà el so personaxo che, co' Lino Banfi, Renzo Montagnani e tanti altri, caraterixarà ła comedia sexy tra i ani '70 ed '80. Spoxà, separà, co' un fìo, el vive a Roma co' l'atuałe conpagna, ła cantante Stefania Corona.

El suceso[canbia | canbia el còdexe]

Co'l gera ancora studente, co' na pasion pa'l canto e 'l bało, xe stà scoverto da Federico Fellini che durante un provìn el xe restà colpìo da l'aspirante ator e 'ntel 1969 ło gà fato exordìr nel sinema co' 'na picołisima parte in Satyricon. El mestro riminexe in seguito ło gà vołesto ne I clowns (1971), Roma (1972 - dove interpreta un bałarìn de tip tap d'avanspetacoło - e in Amarcord (1973).

Ła fama de Alvaro Vitali xe łigàda a ła comedia erotica a l'italiana che par alcuni ani gà costituìo un fenomeno sinematografego comerciałe un mucio de rimàrco. Dopo aver interpretà La poliziotta co' Mariangela Melato, Vitali vien rimarcà par 'na gag co'ła pistòła (dove el sbalia sistematicamente ogni colpo) dal produtor Luciano Martino. Da qui Alvaro taca laorare co'ła Dania film.

A partìr da ła segonda metà dei ani setanta, Alvaro Vitali gà interpretà un gran nùmaro de film (veri e pròpi cult par i pasionà del xenere) 'conpagnando atori protagonisti cofà Lino Banfi e Renzo Montagnani, par po' pasàr a dei ròłi de prima fiła interprentando el personaxo de Pierino, eroe popołàr de łe barxełéte, co' Pierino contro tutti (1981) e Pierino colpisce ancora (1982), entranbi direti da Marino Girolami, e in Pierino medico della Saub (1981) de Giuliano Carnimeo. Segue 'na sorta de spin off de ła serie, overosìpia film dove Vitali propone personaji simiłari, Gian Burrasca, Giggi il bullo, e Paulo Roberto Cotechiño centravanti di sfondamento.

El declino al sinema[canbia | canbia el còdexe]

Ła stagion de ła comedia erotica gà durà poco e co' staltra xe finìa anca ła fortuna de l'ator; 'ntel 1990 el tentativo de slansarlo da nòvo co' un ulterior film deła serie Pierino torna a scuola, direto da Mariano Laurenti se gà revełà infati un fałiménto. Do sucesivi film Pierino Stecchino del 1992 e L'antenati tua e de Pierino del 1996 no xe rivài gnanca ne łe sałe, dopo aver perso 'na cauxa co'l comico Martufello.

El risłanso e ła tełevixion[canbia | canbia el còdexe]

Dopo un decenio de conpleto dimenticatoio, ła fegura de Vitali xe stà rislansà, squaxi sensa vołerlo, da Striscia la notizia dopo che, in un servisio che tołeva in xiro 'na "gaffe" de Jean Todt, gera stà aconparà el diretor xeneràl de ła Ferrari de quel tenpo al personaxo de Pierino, sotołieandoghe 'na efetiva e divertente somegiansa fixica. Co' l'imitador Dario Ballantini gà fato debutàr la so cargaùra de Luca Cordero di Montezemolo nei so servisi, Antonio Ricci gavea pensà pròpio de afiancarghe Vitali nei pani de Todt, fasendoło tornàr cussì so' łe sène pa'l picoło schermo (salvaneła). Senpre ne łe gag de Striscia 'rénte a Ballantini, gà imità personaxi cofà ła mare de l'avocato Giulia Bongiorno e ła prinsipésa Marina Ricolfi Doria de Savoia ne ła trasmision. El personajo de Pierino xe stà utiłixà dal 2004 in avanti da Vitali pa'łe publicità de ła botéga de forniménto Mas destinàe al sircuìo de łe tv privàe de Roma e provincia.

'Ntel 2006 el gà partesipà a ła tersa edision del reality La fattoria, ma drìo un puóco de setimane el gà dovesto sbandonàr el reality show, pa'l fato che ghe gera ricresùo l'asmo, małatìa ch'el gà senpre avùo.

Curioxità[canbia | canbia el còdexe]

  • El primo tìbio de Alvaro Vitali xe queło de ełetricista, minsonà pròpio da eło steso 'ntel film Roma de Federico Fellini.
  • El xe el soło ator ad eser stà scriturà quatro volte consecutive da Federico Fellini.
  • 'Ntel film I Clowns el xe dopià.
  • 'Ntel film Che? de Roman Polanski, no'l parla. Nel ròło de un inbiancador el depénxe d'axuro 'na ganba de Sydne Rome.
  • Par ani l'è stà testimonial de 'na publicità tełevixiva de gran magaxen de Roma, trasmeso da łe prinsìpałe TV locałi romane.
  • L'ator xe stimà ed apresà anca da critici autorevołi come Enrico Ghezzi.
  • Alvaro Vitali se segnała cofà bałarìn in Roma - anca s'el riseve un gato morto come omagio da un publico de teatro daseno malsestà - e in Gigi Bullo, e anca cofà acrobata in Pierino colpisce ancora in un incontro di boxe un mucio comico.
  • El xe un tifoxo de ła Roma
  • Alvaro Vitali xe conparso ne l'epixodio de Avanti un altro! de l'11 novenbre 2012.


Alvaro Vitali e i so "Pierini"[canbia | canbia el còdexe]

Existe do serie de "Pierini", ła serie uficiałe e ła serie apocrifa. Eco i titołi de entranbe łe serie interpretàe da Vitali e non :

Serie uficiałe:

Serie apocrifa:

Questa xe una vera e pròpia serie parałeła a queła uficiałe interpretàda da Vitali. Xe stài sielti altri atori diversi da łù parché łe caxe sinematografeghe non gà vosùo spetàr che fenìse el contrato co' ła Medusa Film. No ła xe gnancora finìa, nei ani 90 s'a proà a rislansàr Pierino nel panorama del sinema itałian co' dei titołi che xe restài scriti soło so' łe pise dei film; no xe stài mai distribuìi nei sìnema. Eco i titołi:

  • Pierino Stecchino, co' Alvaro Vitali (1992) - El film gera stà fenìo ma mai distribuìo.
  • L'antenati tua e de Pierino, co' Alvaro Vitali (1996) - Mai distribuìo. El xe un prodòto semi-amatoriałe, se dixe ch'el sia che sia sircołà soło che in Siciłia.

Filmografia[canbia | canbia el còdexe]

Cołegamenti esterni[canbia | canbia el còdexe]