Acordo gramaticałe

Da Wikipedia, l'ençiclopedia libara.
Jump to navigation Jump to search

In lenguìstica l' acordo l'è un fenòmeno gramaticaƗe che serte propietà de un nome Ɨe se riflete sui verbi, i agetivi, i artìcoƗi o i pronomi coƗegài. L'acordo el se fa in modi difarenti, seben che normalmente sémo abituài sercarlo su Ɨe dexinense.

Par exenpio ghe xe l'acordo baxà sul xènare o su Ɨa clase:

  • in itaƗian i agetivi e i artìcoƗi i va d'acordo in xènare coi nomi, traverso Ɨa dexinensa: "l'uomo buono (masch.), la donna buona (fem.)"
  • in vèneto anca i verbi sènplisi i se acorda par xènare coi nomi-sogeti, traverso i clìtici: "l'omo el parla (masch.), Ɨa dona Ɨa parla (fem.)"

O l'acordo baxà anca sul caxo:

  • in Ɨatin i agetivi i se acordava coi nomi traverso dexinense: "bonus vir (nominativo), boni viri (genitivo), bone vir (vocativo)"
  • in basco anca i verbi i va d'acordo co sojeti e ojeti traverso prefisi, sufisi e dexinense: "Zuk guri liburua d-akar-kigu-zu" (sojeto ergat. -zu; dativo -(ki)gu-; ojeto asol. d-)
  • in vèneto i verbi i pol nar d'acordo col sojeto e'l dativo, traverso clitici: "Só pare de Ɨa Marìa el (ghe) ga scrito a l'avocato parché..." (soj. el =só pare; dat. ghe =a l'avocato)

L'acordo po el pol baxarse anca sul nùmaro:

  • in itaƗian, agetivi, verbi e art.: "gli uomini buoni, le donne buone, gli uomini parlano (plur.)"; "l'uomo parla (sing)"
  • in vèneto, agetivi, verbi e art.: "pori òmeni, pore done, i òmeni i parla, Ɨe done Ɨe parla (plur.)"; "l'omo el parla, Ɨa dona Ɨa parla (sing.)"
  • in tedésco, verbi e artìcoƗi: "der Mann sagt (sing.), die Männer sagen (plur.)"