2024 YR4
 2024 YR4 | |
|---|---|
 | |
| Dezignasion provizionałe | 2024 YR4  |
| Tipo | Asteroide |
| Categoria pianeti | asteroide Apollo (it)  |
| Data descuerzimento | 27 de disenbre del 2024[1] , ATLAS–CHL[1] |
| Ojeto pare | Sołe |
| Època | 24 de febraro del 2025 |
Dati orbitałi  | |
| Apoàpside | 4,180231757 AU[2] |
| Periàpside | 0,85149996221 AU (arg (ω): 134,361365851)[2] |
| semiase major a | 2,51586586 AU |
| Esentrisità E | 0,6615479482[2] |
| Perìodo orbitałe P | 1 457,570767 d |
| Anomalia mezana M | 40,4026206 °[2] |
| Inclinasion i | 3,408173225 °[2] |
| Lonzitùdene nodo asendente Ω | 271,3656173827 ° |
| Caratarìsteghe fízeghe e astronòmeghe | |
| Diàmetro | 60 m[3] |
| Magnitùdene asołuta | 24,02[4] |
| Periodo de rotasion | 0,3244 h[4] |
| Cołore | indice di colore V-R (it) = 0,48 |
| Catàlegs astronòmics | |
| Identificador JPL | 54509621 |
2024 YR4 el xe un asteroide Apolo tra 40 e 100 metri de diametro, clasificà come ogeto near-Earth. El xe stà scoperto dal programa Asteroid Terrestrial-impact Last Alert System (ATLAS) el 27 de diçenbre 2024, co el jera a 0,00554 unità astronomiche da Tera.[5] El 27 de xenaro del 2025, ghe xe stà assegnà un vałor de 3 suła scała de Torin pa un posibiłe inpato el 22 de diçenbre 2032 ałe 14:10 UTC.[6] Al 7 de febraro 2025, ła probabiłità de inpato ła xe 1 su 45 (2,2%) e el so vałor su scała de Palermo el xe -0,32 secondo el sistema de prevision de l’inpato Sentry deła NASA . Ła scoperta ła ga scatenà el primo paso neła inisiativa de difesa planetaria, indove tuti i tełescopi disponibiłi i xe incorajài a rancurar dati su l’ogeto.
L’asteroide el ga pasà viçin de ła Tera el 25 diçenbre 2024 (do giorni prima deła so scoperta) e deso el se slontana dała Tera fin al prosimo pasajo, previsto pa el 17 diçenbre 2028. Entro febraro 2025, 2024 YR4 el sarà coxì lontan che el sarà masa fiaco pa esar oservà.
Caraterìsteghe
[canbia | canbia el còdaxe]
El diametro de 2024 YR4 no xe stà mixurà, ma el pol esar stimà dała so łuminosità (magnitudene asołuta) doparando un intervało de vałori plausibiłi pa ła so rifletività superficiale (albedo geometrico). Se 2024 YR4 el riflete tra el 5% e el 25% deła łuxe vixibiłe, el so diametro el xe tra el 40 e 100 metri. Ła NASA ła stima un diametro de 55 metri pa un albedo geometrico de 0,154. Ste stime łe rende l’asteroide pì o manco de łe stese dimension de queło che ga causà l’esploxion de Tunguska nel 1908 o de queło che ga creà Meteor crater in Arizona.
Periodo de rotasion e conpoxision
[canbia | canbia el còdaxe]Łe anàłisi spetroscòpiche preliminari del Gran Telescopio Canarias e del Lowell Discovery Telescope łe sujerise che 2024 YR4 el xe un asteròide de tipo S o L. Tuti e do i tipi i sugerise na conpoxision pietroza.[7]
Ris-cio de inpato co ła Tera
[canbia | canbia el còdaxe]
Co na oservasión de 33 jorni, al 27 zenaro 2025, 2024 YR4 el ga na probabiłità de 1 su 83 (1,2%) de inpatare so ła Tera el 22 de diçenbre 2032 (co na incertesa de 1,7 jorni). Par via de la grande dimension de 2024 YR4 (da 40 a 100 metri de diametro) ła probabiłità de inpato ła xe pi granda de l’1% e ła xe clasificà co el vałor 3 su ła scała de Torin. Sto qua el xe el secondo puntejo pi alto mai otegnùo da un asteroide su ła scała de Torin, dopo 99942 Apophis che el ga otegnùo un puntejo de 4.
Note
[canbia | canbia el còdaxe]- ↑ 1,0 1,1 ID Minor Planet Center: YR4 2024 YR4.
- ↑ 2,0 2,1 2,2 2,3 2,4 ID JPL Small-Body: 54509621.
- ↑ URL de refarensa: https://iawn.net/obscamp/2024YR4/gallery/YR4_memo_final_27mar25.pdf.
- ↑ 4,0 4,1 URL de refarensa: https://space.asu.cas.cz/~ppravec/newres.txt.
- ↑ voze de refarensaminorplanetcenter.net.
- ↑ voze de refarensacneos.jpl.nasa.gov.
- ↑ voze de refarensassd.jpl.nasa.gov.
Ligambi esterni
[canbia | canbia el còdaxe]- Imagini del 2024 YR4, scatàe da ATLAS nel zenaro 2025, su b612.ai