Łinea dei albari

Da Wikipedia, l'ençiclopedia libara.
In sta vista de na łinea dei albari alpina, ła demarcasion l'apar pitosto neta. I albari i ga rami soło da un łato par via del vento.

Ła łinea dei albari l'è el nome atribuio a ła łinea imaginaria oltre ła cual łe condision anbientałi (in genere tenperature frede o mancansa de umidità) no łe parmete mia ła cresita dei albari e de altre forme de vita vegetałe xviłupè. Sta łinea, come altre łinee naturałi, l'apare ben definia da distante, ma a un'oservasion più acurata ła riveła na tranxision graduałe: i albari i se fa man man più basi fin a quando no i crese più. Ła łinea dei albari ła se cata in genare sui monti, marcando, par ogni łatitudine e condision climatica, l'altitudine masima de espansion dei albari e, par quanto riguarda łe rejoni połari, ła łatitudine più ełevà parmesa par i boschi. Se deduxe quindi che sta łinea no l'è mia stabiłe, ma l'è sogeta a variasion in baxe a ła rejon tolta in considerasion: par exenpio, in Himalaya, ła cadena montagnoza piasè granda al mondo, a cauxa del so clima rigido, ła se cata a 3600 m sul łivel del mar, quota oltre ła cual el pin, l'albaro più rexistente al fredo, no'l crese più. De sołito, i'è propio i pini a demarcar ła łinea dei albari.

Controło de autoritàLCCN (ENsh85135393 · GND (DE4188976-9
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Łinea_dei_albari&oldid=1053788"