Ġiava Oriental

Ġiava Oriental (ID) Jawa Timur
provincia
Imaxene da sateƚite: ƚa provinsia se vede in baso a drita.
Dati aministrativi
Stato	Indonèxia
Cavedal	Suràbaia
Goernador	Soekarwo (Partai Demokrat) dal 12/02/2009
Data de istitusion	1950
Teritorio
Coordinae de ła Cavedal	7°45′S 108°00′E
Superfise	47 921,16 km²
Abitanti	37 476 757 (2010)
Densità	782,05 ab./km²
Regense	38
Distreti	573
Vilaji	8574
Altre informasion
Fuxo orario	UTC+7
ISO 3166-2	ID-JI
Bomò	(JV) Jer Basuki Mawa Béya
Locałixasion
http://jatim.bps.go.id/
Sito istitusionałe

Ġiava Oriental ƚa xe na provinsia de ƚa Indonexia sentro-meridional.
Ƚa se cata inte ƚa ìxoƚa de Ġiava, inte ƚa banda oriental; ƚe fa parte de el teritorio provinsial anca ƚa ìxoƚa Madura e al arsipeƚago de ƚe ìxoƚe Kangean a nordest.

Ƚa costa setentrional ƚa se afasa so el Mar de Ġiava e el Mar de Baƚi, cheƚa meridional so el Osèano Indian.

Giografia fixega

Inte ƚa banda setentrional se cata na pianura e de ƚi riƚievi ixoƚai; cheƚa meridional ƚa xe montagnoxa. Ƚa sima pi' alta el xe el Semeru.
El fiume pi' inportante el xe el Brantas.

El clima el xe tropegal co istà umeda a est, influensà da ƚa altesa inte ƚi riƚievi.
Ƚa xe in bona parte coltivada, ma a nord e a Madura se cata xone de foresta.

Giografia umana

Ƚa sità pi' inportante ƚa xe el cavologo Suràbaia, se ricorda anca Malang, Madiun, Jombang, Kediri, Pasuruan e Probolinggo.

Se estrae petroƚio inte ƚa pianura setentrional. Se desfruta ƚe foreste par el ƚegno de tek. Se coltiva rixo, cana da sucaro, cauciù, cochi, tè, cafè, tabaco, bagigi e granturco. Ƚongo ƚe coste de el osèano ƚa xe difuxa ƚa pesca.
Ghe xe industrie aƚimentari,tesiƚi, chimeghe, mecaneghe e perolchimeghe.