Ìndigo (cołorante)

Da Wikipedia, l'ençiclopedia libara.
Ìndigo
Indigo skeletal.svg
Sostansa chìmegaconposto chìmego e colorante
Masa262,074 u
Fòrmuła bruta o mołecołareC16H10N2O2
Faxesto da
Nùmaro CAS482-89-3
Nùmaro EINECS207-586-9
PubChem5318432
SMILES
C1=CC=C2C(=C1)C(=O)C(=C3C(=O)C4=CC=CC=C4N3)N2


El ìndigo el ze un cołorante, pì precizamente un pigmento, derivà prinsipalmente da l'Indigofera tinctoria che el vien doparà par ténzar i tesudi (anca jeans inte ła so orìzene). La mołècoła che l'ìndigo detien ła se ciama indigotina.

Istòrego[canbia | canbia el còdaxe]

Zà i antighi ezisi i doparava sto cołorante. Inte el Medioevo el zera tanto difondesto un cołorante blu tanto arente de cueło ìndigo, el blu de Prùsia, che el zera de orìzene minerałe.

Inte el 1882, Adolf von Baeyer e Vigo Drewsen i ghra proponesto el primo mètodo de sìnteze chìmega de l'indigotina da 2-nitrobensaldeide e aceton.

Propietà fìzego-chìmeghe[canbia | canbia el còdaxe]

L'indigotina ła se prezenta soto forma de pólvare cristałina che ła sublima intrà i 390°C e 392°C. El ze insołùbiłe in àcua, etanoło o ètere, ma el ze sołùbiłe in clorofòrmio, nitrobenzene o àsido solfòrego consentrà e el ze altamente sołùbiłe in DMSO (dimetilsolfòsido).

La deconpozision de l'ìndigo el połe prodùzar aniłina e àsido pìcrego, intrà chełi altri.

L'ìndigo tratà co àsido solfòrego el conferise un cołore blu-verdo; sto cołore el zera parvesto inte el XVIII secoło e in franseze el zera ciamà bleu de Saxe o carmìnio d'ìndigo.

L'ìndigo el ga na strutura cuazi idéntega al vioła del Tiro, un clàsego cołorante otegnesto dal sguso de łe limeghe de mare.

Produsion e sinteze[canbia | canbia el còdaxe]

La sostansa ła se cata naturalmente inte l'indigan, na sostansa incołora e sołùbiłe in àcua. L'indigan el połe vegner fasilmente idrołizà a β-D-glucòzio e indosiłe. Un'osidasion, par ezénpio par sénplega espozision a l'ària, trasforma l'indosiłe in ìndigo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ìndigo_(cołorante)&oldid=1081408"