Vicensa

Da Wikipedia, l'ençiclopedia libara.
(Rimando da Vicenzsa)
Va a: navigasion, serca
Vicensa
comun
Vicensa – Stema
In senso orario da sora a sanca: la Rotonda, el tenpieto monoptero de Parco Querini, Piasa dei Siuri verso la cexa de San Vincenso, la Baxelega Paladiana e na vixion de ła sità dal piasale de la Vittoria de Monte Berego
In senso orario da sora a sanca: la Rotonda, el tenpieto monoptero de Parco Querini, Piasa dei Siuri verso la cexa de San Vincenso, la Baxelega Paladiana e na vixion de ła sità dal piasale de la Vittoria de Monte Berego
Dati aministrativi
Stato bandiera Itałia
Rejon Veneto – stema Veneto
Provincia Vicensa – stema Vicensa
Sìndico Achille Variati (PD) dal 28/04/2008
Lengue ufisiałi itałian
Lengue veneto (var. vixentina)
Teritorio
Coordinae 45°33′N 11°33′E / 45.55, 11.55Coordinate: 45°33′N 11°33′E / 45.55, 11.55
Altitudine 39 m s.l.m.
Superfise 80,54 km²
Abitanti 115 853[1] (31/05/2011)
Densità 1 438,45 ab./km²
Frasion Anconeta, Bertexina, Bertexineła, Bugan, Canpedeło, Caxałe, Deba, Longara, Madałene, Ospedałeto, Polege, San Piero Intrigogna, Santa Croxe Bigołina, Tormeno
Comuni confinanti Altaviła Vixentina, Arcugnan, Bolxan, Caldogno, Costabisara, Creaso, Doviłe, Longare, Monteviałe, Montexeło Conte Oto, Cuinto, Łe Tori, Viłaverla
Altre informasion
Còd. postałe 36100
Prefiso 0444
Fuxo orario UTC+1
Còdexe ISTAT 024116
Còd. catasticałe L840
Targa VI
Cl. sismega 3
Cl. climatega xona E, 2371 GG[2]
Nome abitanti vixentini
Patrono San Vincenzo di Saragozza e Madona de Monte Berego
Dì de festa 8 de setenbre
Locałixasion
Italy location map.svg
Vicensa
Italy relief location map.jpg
Vicensa
Poxision del comun de Vicensa inte la provincia de Vicensa
Poxision del comun de Vicensa inte la provincia de Vicensa
Sito istitusionałe

Vicensa ła xe na sità del Veneto e ła ga sirca sentoventimiła abitanti, trexentotrentamia co la cinta urbana. La xe capologo de provincia e sede del vescovo.

I abitanti de Vicensa (Vixentini) i xe famusi par èsare soranomenà "Magnagati"; soranome che se cata anca nel famoso proverbio:

"Venessiani gran signori, Padovani gran dotori, Vixentini magnagati, Veronesi tuti mati!"

Vicensa ła xe sta nominà patrimonio de l'umanità da l'UNESCO, par i pałazzi costruìdi dal Paladio.

Evołussion demografica[canbia | canbia sorxente]

Abitanti censii[3]

I giardini Salvi

Storia[canbia | canbia sorxente]

Par la so arte la se una dele sità pì importanti de la Venessia (e de l'Italia). Le so orijni le xe antiché asà, pare che la sia sta fondada dai Veneti atorno l'VIII secolo a.C., difati xe sta catà, soto la Standa in corso Paladio, i resti de on tenpio veneto e de le plachete votive. Fasilmente la so orijine, come tute le çità venete, xe al'età de bronxo o prima ancora. El so nome, come testimonià da documentasion del 135 a.C., jera Vicetia.

Dopo el desfamento de l'inpero roman vien ocupà e sotomesa in tenpi diversi dai Goti, dai Longobardi e dai Franchi e la resta soto l'influensa dei feudatari, dei re e dei inperadori germanici fin al 1000-1200. On poco a la olta dal 1000, el comun ciapà forsa e se svincola dal poder dei feudatari germanici, pur esendo coesti ancora forti e prexenti fra i nobili de la çità. Vicensa in te el medioevo deventa preda dei diversi potentadi feudali visini che i se la contende: i scalijeri, i Exelin da Roman, i Cararexi, e i Milanexi (tuti o cuasi di orijine germanica). Par non esar pì preda de le mire espansionisteghe dei diversi potentadi, Vicensa deçide de sotometarse a la Republica Veneta, a ch'el tenpo na potensa economega e militar e goernà da on rejime çivile che gavaria garantio, paxe, benesare e libartà de comerçar. Unico periodo de goera xe stà el 1509-1517, la Guera de Cambrai, indove Vicensa xe stà diverse olte ocupà da Austrìasi o da Venesiani.

On altro momento tragico xe sta la calada dei Lanzichenechi tedeschi a Mantoa del 1630, che ga portà la peste in tuta la Venesia, e a cauxa del coale xe stà costruia la baxilica de Monte Berico. El tempo de la paxe e del benesare finise co l'arivo de le orde napoleoniche in t'el 1797 e dopo co l'ocupasion francexe del 1809-1815. Difati i francexi i ga invadesto la Venesia, e i ga sacheja e spolià conpletamente le çità venete prima de consegnarla ai Austrìasi. E dopo, dal 1809 al 1815, i ga ocupà la Venesia, mandando via i Austrìasi e inponendo tase enormi e leva obligatoria par finansiar le canpagne militari (p. ex. canpagna de Rusia). 'Ntel 1848 Vicensa ła se ribela ai Austrìasi e i li buta fora dała sità. Dopo na disperata rexistensa, el diexe de giugno, però, la vien ocupà naltra volta dał'esercito austriaco (par sto fato d'arme Vicensa la ga avudo ła so prima medaja de oro al valor militare, ł'altra la ga avuda dopo ła Rexistensa 'nteła seconda guera mondiałe: difati ła xe ł'unica sità d'Italia ad aver do medaje de oro al valor miłitare).

I italiani i ocupa Vicensa in t'el 1866 e dopo puchi ani scumisia la granda emigrasion che ga colpìo tuta la Venesia fin a la fine de la seconda goera mondiale a ondà sucesive.

La prima goera mondial segna asà Vicensa, che esendo in te le retrovie del fronte deventa on çità de smistamento de soldai, armamenti e de ospedai, con grave dano par la so economia.

Anca co la seconda goera mondial Vicensa la subise pesanti bonbardamenti che cauxa la morte de tanti çivili e gravi dani al patrimonio imobiliare e cultural(duomo e baxilica paladiana distruti), Vicensa e 'a so provincia 'e jera anca n'importante sentro par la rexistensa partijana, che 'a ga conbatù molto anca inte la città. Solo dopo la ocupasion anglo-mericana Vicensa la otien la paxe che ghe consente de tornar a esare in poche dexine de ani na potensa economega e industrial.

In quasi tuto el mese de novenbre 2010, a Vicensa (e anca nei dìntorni), ghè xe stata n'alluvion potente, che gà ricòperto de aqua, quasi tuta Vicensa e i so monumenti.

Cultura[canbia | canbia sorxente]

Flag of UNESCO.svg Bene proteto da l'UNESCO
Patrimonio de l'umanità
Sità de Vicensa
City of Vicenza and the Palladian Villas of the Veneto
Vicenza-di notte.jpg
Piaza dei Signori, de note
Tipologia Architetonico
Criterio C (i) (ii)
Pericolo Nisuna indicazion
Anno 1994
Scheda inglese
francese
Patrimoni de l'umanità in Italia

Monumenti[canbia | canbia sorxente]

Progeti del Paładio[canbia | canbia sorxente]

Vicensa - Piazza Casteło

Opera deł'architeto Valle[canbia | canbia sorxente]

Muxei[canbia | canbia sorxente]

Schei[canbia | canbia sorxente]

Intorno a Vicensa ghe xe fabriche che le laora el fero e i altri metałi, che produse sostanse chimiche e medisine, che fa la carta e che ghe stampa de sora. Pì importante de tuto par l'artigianà xe el setore de l'oro, dove che Vicensa xe considerà la capitałe de l'Italia. La pì grosa esposision de artiginà de l'oro xe VicenzaOro, che ła ga na posision de importansa mondiałe par el setore. Suito dopo l'oro, la roba pì importante par Vicensa xe la pełe, che vien laorà soratuto a Arzignan e a Ciampo, e che la vien spedìa in tuto el mondo. El giornałe più groso de ła provincia, el "Giornale di Vicenza" (Giornałe de Vicensa), el ga la so sede in te la cità de Vicensa.

Roba da magnar[canbia | canbia sorxente]

Vicensa la xe importante pal vin, che il ghen produse un fraco de queo bon. Dei meio in tuta la produsion ghe xe i vin dełe xone D.O.C. (Denominasion de Origine Controłà): ła xona D.O.C. Cołi Berici, col Tai, ła xona D.O.C. Breganze, col Bianco, el Roso, el Cabernet, el Sauvignon, el Cabernet Sauvignon, el Pinot Nero, el Marxemin, el Pinot bianco, el Pinot grixo, el Vespaioło (Chardonnay e Sauvignon, kuando ke i ga almanco dodexe gradi, i pol aver ła qualifica agiuntiva superiore; Roso, Cabernet, Cabernet Sauvignon, Pinot nero, Marxemin e Torcołato, dopo almanco do ani de inveciamento, a partire dal primo novenbre deł'ano de produsion, i pol avere anca ła xonta deła qualifica riserva), ła xona D.O.C. Ganbełara, coi Ganbełara, Ganbełara Recioto, Ganbełara Vin Santo e Dureło (vitigno Garganega, da soło o coła xonta de altri vitigni a perla bianca no aromatici, al masimo el 20%). A tuta sta produsion de vin ghe xe da xontarghe anca łe robe da magnare tipiche, che i łe conose anca in giro pal mondo:

Cuartieri[canbia | canbia sorxente]

Vicenza ga sete circoscrissioni, divisi in vari quartieri:

  • Centro Storego: Xe el core de cità, dove i xe tuti i monumenti pi famosi, tute le opere Paladiane, ei edifisi pi importanti dela infrastruttura vixentina
  • Monte Berego: Xe el quartiere pi elegante, ciamado anca la "Beverly Hills vixentina" xe pien de ville dea xente pi agiata dea cità, e so la so sommità i ga el piassale dea vitoria, chel xe sta inaugurà dopo a fine dea prima goera mondiae, e che offre na vista mozzafià de tuta Vicenza, pi tute e montanje de le prealpi vixentini, xo fin la vae del Pasubio.
  • San Pio X: Xe 'n moderno rione che xe nà inte i ani setanta, xe 'n quartiere afeto da gravi forme de microcriminaita, i ga anca na bruta fama par la so vixinansa co la gebbia de San Pio X e a base Mericana
  • Bertesina e Bertesinella: Do bei quartieri adiaxenti, che i xe famosi par le do be vile realixa dal Paladio chei sorxe inte łe imediate visinanse, la vila Ghislanzoni e chea Marcello - Curti.
  • Borgo Casale: Un quartiere che se inserisce tra el Bacchiliòn e la stassiòn, xe bea l'oasi naturalestega realisà da chei del WWF
  • San Pietro Intrigogna: Xe un quartiere de venassion agricola, situà tra el Bacchiliòn e a Tesina, de importanssa culturale ghe xe la vila Rubini e a ciesa al so interno
  • Cattane: Xe el quartiere pi grande e popolare, dea cità, i xe presenti molti imigrati, anca molti meridionai, chei fa de sto quartiere molto misto, xe un quartiere chei presenta i problemi dei grandi quartieri popojari de la periferia, co episodi de crimenalità e difissiè intergassion dea xente chi vien abitar ca.
  • San Lazzaro - Pomari: do quartieri contigui, San Lazzaro xe sorta inte i ani sessanta, Pomari inte i ani otanta, el quartiere de San Lazzaro jera famoso par el alto taso de crimenalità dea xente del quartiere, specialmente spaccio e fabricassion de l'eroina, na droga che ga copà o ga fato copare massa vixentini de sta zona, la zona xe drio mejorare, con edifissi pubblichi come la sede de TVA ed el Giornale de Vicenza, ma ga ancora da curarse, i xe ancora alti i liveli de degrado, prostitussion, presenza de clandestini, e spaccio intela zona.
  • Vilajo Del Sole: Xe un rione popolare nato inte i ani sesanta, nei ani setanta, otanta, la jera considerà come el "Bronx Berico" par l'alta crimenalità presente intela zona causata soratuto dal'avento del'eroina in chei ani, desso el quartiere ga molti imigrati, soratuto africani, chei i vive bastanza ben tuti imbacuca insieme, anca se el quartiere ga anco qualche problema de degrado, ghe xe anca na cagnara notevoe causa dal fito trafego sul Viale del Sole che pasa traverso el quartiere
  • San Bortolo: Storega zona del centro cità dove ghe xe l'ospedae del medesimo nome, xe sta massa rengata da el bombardamento Anglo - Mericano dea Seconda Goera Mondial,xe anca sede de Gendarmeria Europea.
  • San Paolo: El quartiere "sportivo" de Vicenza dove i ga tute le pissine, el patinodromo ed el palasport
  • Laghetto: Xe el quartier pi a nord, la xe ciamà cossi, perche lè sopra na zona che un tenpo jera tuta aquitrinosa, intel quartiere tute e vie xe ciamà dopo i laghi del'italia, xe forse el pi tranquio rione dea cità, per la totae assenza de trafego
  • Ferrovieri: Xe un quartiere a Sud - Ovest, incuneà tra el fiume Retròn e la linea Venessia - Milàn, a prima xente de sto rione jera operai de l'arsenàl de le Ferrovie delo Stato che ga donà el nome de la zona, la ghe jera anca el Lanificio Rossi, cossi che la xente de chel quartiere jera tuti operai, ed el quartiere gaveva un senso spicà del "popolare" che ga ncora deso, intel quartiere ghe xe anca el Parco del Retròn, posto de retrovo dei xovani

Scole e università[canbia | canbia sorxente]

Vicensa xe sede destacà de l'Università de Padoa: par Ingegneria ghe xe le lesion de Ingegneria gestionale, ingegneria mecanica, ingegneria mecatronica; par medisina veterinaria ghe xe el corso de sicuresa de la roba che se magna. Se anca sede destacà de l'Università de Verona, che la ga meso su i corsi de economia del comercio internasionałe e Economia e ministrasion dele imprese e de Siense infermieristeghe.

Zénte inportante che xe nada a Vicensa o dintórni[canbia | canbia sorxente]

(par ordene alfabedego)


Bała a canestro[canbia | canbia sorxente]

La squadra dele femene de bala a canestro la ga na tradision bela longa, co 12 scudeti, 5 cope dei campioni, na "Coppa Ronchetti" che la ga vinto.

Ricordemo che anca Schio gà una squadra de bala a canestro che gà vinto du scudeti, du "Coppa Ronchetti", tri "Coppa Italia" e una "Supercoppa Italiana".

Bala a volo[canbia | canbia sorxente]

La squadra de bala a volo dele femene, parà su in serie A1 in te la staion 1997-98 ga vinto na "Coppa Cev", 2 scudeti de beach volley 4x4 e 4 "Coppa Italia" de beach volley 4x4. Nel 2003 la ga vinto lo scudeto par le fiole che ga manco de 19 ani.

Xemełagi[canbia | canbia sorxente]

Note[canbia | canbia sorxente]

  1. Dato ISTAT - Popolasion rexidente al 31 de marso 2011
  2. (IT) D.P.R. 26 agosto 1993 n. 412 In efficienzaenergetica.acs.enea.it. URL consultà el 27 settembre 2009.
  3. Statisteghe I.Stat - ISTAT;  URL consultà in data 28-12-2012.
Sta qua ła xè na voxe en vetrina. Struca qua par major informasion
Crystal Clear action bookmark.svg
Sta qua ła xè na voxe en vetrina, identificà come una de łe mejo voxe prodote da ła comunidà.
Naturalmente te pui far ben sujerendo e modifegando en mejo.

Voxi de quałidà en altre łengue