Vicensa Calcio

El Vicensa Calcio, fondà inte'l 1902, el xè la squadra de calcio de Vicensa e 'l xùga in Serie B 'tałiana. Prima de ciamarse co'l nome de deso la scuadra la se ciamava Lanerossi Vicensa dal 1953 al 1990.

Storia

El Vicensa el gà xugà in Serie A par 30 volte, rivando secondo inte'l 1911 e 1978, vinsendo la Copa Italia inte'l 1997 e rivando a łe semifinałi de ła Copa de łe Cope inte'l 1998.

Serie A

El gà xugà par vinti ani de fila en Serie A, dal 1955 al 1975 e inte'l 1978 par poco no'l ga vinto el scudeto: saria stà la prima volta par na squadra pena vignù su da la Serie B.

Rosa 2010/2011

N. Ruolo Xugador 1 P Alberto Frison 4 D Marco Zanchi 5 D Michelangelo Minieri 6 A Gianvito Misuraca 7 P Danilo Russo 8 A José Carlos Alemão 9 A Mattia Minesso 10 A Elvis Abbruscato 11 A Giacomo Tulli 12 P Paolo Acerbis 13 D Nicolas Giani 14 D Raffaele Schiavi 15 C Matteo Paro 16 A Alain Pierre Baclet 17 C Amidu Salifu

N. Ruolo Xugador 18 C Fausto Rossi 19 D Daniele Martinelli 20 C Edoardo Braiati 22 C Luca Di Matteo 23 C Nicola Dal Bosco 25 D Felipe Henrique Da Silva 30 C Diego Oliveira Santos 32 D Denis Tonucci 33 D Alessandro Bastrini 39 C Evans Soligo 77 C Stefano Botta 79 A Davide Gavazzi 92 P José Guzman Rocchi 99 A Rachid Arma

Ajiornà al 6 de diçenbre 2010

Staff tecnico

Alenador:	Luigi Cagni
Alenador in seconda:	Daniele Adani
Responsabiłe area tecnica:	Paolo Cristallini

Ła mascotte

Gatton Gattoni.

El Vicenxa Calcio el ga na pròpia mascote ufisiałe: Gatton Gattoni. Ła so storìa ła parte inte'l canpionado de Serie B 1994-1995 co n'agienxia publisitarià vixentina la ga desixo de crèare n'imagine da asociar a ła squadra de calcio: se ga pensà cussì de sieliere un parsonajio fumetistego che'l savese riasumere n'imagine rapresentativa pa' i vixentini insième a fiducia e sostegno par i cołori biancorosi. I ga cuindi sielto on gato personificà in un xocador co'tanto de majieta vixentina.

Pordafortuna

A fine campionà el Vicenxa el vien promoso in Serie A e par questo Gatton Gattoni el deventa suito el portaforduna de ła squadra e anca de i tifosi. Se inixialmènte l'agenxia ła ga sielto de dar a ła mascotte na veste esclusivamènte cartaxea (el apariva sol jiornałe de ła squadra e so i vołantini de i tifosi) e cartełonistega, se xe rivai infine a ła reałixaxion de na mascotte alta do metri e mexo che a ogni partia ła intrategneva i spetatori pasejiando par el campo da jiogo; poco tempo dopo in ogni inixiativa del Vicenxa Calcio sè dimandava ła presenxa de ła mascotte ufisiałe. Ła "pasejiata" del pupaxo ła continua ancòra desso prima de ogni partia xugà al "Menti".

Prodoti

Gatton Gattoni uncò xè anca na linea de prodoti de merchandising del Vicenxa Calcio. Ła so popołarità inte'l mondo del calcio ła xè romai naxionałe oltre a esere stà el primo exenpio de mascotte ufisiałe de na società de serie A.