U2

Da Wikipedia, l'ençiclopedia libara.
Va a: navigasion, serca
U2
I U2: da l’alto a sànca in senso orario Bono, The Edge, Larry Mullen e Adam Clayton
I U2: da l’alto a sànca in senso orario Bono, The Edge, Larry Mullen e Adam Clayton
Informasion xenerałi
Paexe d'orixene Dublin
In atività dal 1976
Xenere muxicałe Alternative Rock, College rock, Pop rock, Post punk, Dance rock
Eticheta discografega
Conpoxision del grupo
Conponenti Bono - voze e chitara, rare volte armonica a boca, The Edge - chitara, piano/tastiere (tastadùre) e cori, rare volte voze prinsipałe, Adam Clayton - baso e (rare volte) chitara, Larry Mulen - bateria,percusion
Discografia
Àlbun publicai 27
Studio 12
Live 8
Racolte 7
Sito web

I U2 i xe on grupo rock irlandese, formà a Dublin inte'l 1976. I xe tra i artisti de major suceso 'nte ła storia de ła musega, sin da ła metà de i ani otanta. I gà venduo pì de 170 miłioni de dischi, e i xe anca i musiçisti rock co'l major numaro de vitorie ai Gramy Awards, co 22 premi rixevui. Fin da i exordi, i U2 i se ga ocupà de ła cuèstion irlandese e de'l rispeto pa' i diriti çiviłi, inprontando su sta ciave anca ła so atività artistega.

U2 al Madison Square Garden di New York

I scuminsi[canbia | canbia sorxente]

U2 'ntel 2005
Da i scuminsi a Dublino, a Dublino 2010.

Inte'l otobre de'l 1976 Larry Mulen Jr. el taca via so ła bacheca de ła Mount Tempe School, na scoła de Dublin, un mesajo par catare fioi co cui formar na band. Ghe risponde Adam Clayton (famoso ne ła scoła pa'l so atexamènto scanzonato e pa'l suceso co łe fiołe), David (The Edge) Evans, so fradeo Dick Evans e un fiol ribel e introverso dal nome de Paul David Hewson (soranominà Bono Vox, dal nome de na botega de apareci acustici). El grupo el gà ciapa cussì el nome de Feedback.

Dopo cuasi n'ano pasà a provar ne ła cuxina de ła casa de Larry, inte'l 1977 i Feedback i fa ła prima aparision dal vivo proprio a ła Mount Tempe School, prexentando on fià de cover (Show Me The Way de Peter Frampton, Jumping Jack Flash de i Rolling Stones e Suffragette City de David Bowie). Dopo un fià, el grupo el deçide de canbiar el nome in The Hype, ma da ła formasion va fora Dick Evans (che el gà crea insieme ad altri i Virgin Prunes): nase cussì ła formasion definitiva.

Nome[canbia | canbia sorxente]

Inte'l marso del 1978, el grupo el gà ciapa el nome U2. El nome par che sia stà sugerio dal cantante de i The Radiators, Steve Averill, ispirà al celebre aereo spia, ma che podea anca esar inteso col significato, sia de "you too" (anca ti), che de "you two" (vialtri do). Ła legenda ła dise che, indecisi se mantegner el vecio nome o dopàrar el novo, el grupo el gabia dełegà ła selta al publico de un concerto pa alzata de man, e che i gabia preferio el novo. Ła band ła partesipa cussì a un concorso a Limerick, vinzendo la posibiłità de poder registrar un demo co ła casa discografica CBS. A sto punto, durante un concerto al Project Arts Centre de Dublin, xe avegnù un incontro fondamentałe pa' ła band; prexentà dal xornałista de Hot Press Bill Graham, i U2 i conose Paul McGuinness, el cuàłe el deenta el manager del grupo, posizion che el ricopre 'ncora deso.

Primo Demo[canbia | canbia sorxente]

Verso ła fin del 1978, quindi, i U2 i registra el primo demo ai studi Keystone de Harcourt Street, contenente Street Mission, Shadows And Tall Trees e The Fool. El disco ł'inpresiona favorevolmente i responsabiłi de ła CBS, che i decide de publicar in 1000 copie numerae a man el primo singolo dei U2, un EP, dal titolo U2 Three. El disco contien tri brani: Out of Control, Boy-Girl e Stories for Boys, registrai nel disenbre del stesso anno. Le copie le vien esaurie in póche ore. I U2 i scuminsia a esar na realtà, almanco a Dublin.

Ne l'otobre del steso ano i U2 i fa anca el proprio esordio in televixion sul canal RTE sonando ben 9 brani.

El 1979 el xe anca ł'ano de ła prima tournée nei locałi de Londra. L'anno che vien i U2 i taca na tournée de sirca un mese in Irlanda e al steso tenpo i publica a febraro un novo singoło dal titoło Another Day. Paul McGuinness el riese a verghe un contrato co la Island Records (la casa discografica de Bob Marley) par 100 000 sterline, co łe quałi el gruppo el pol publicar el so terzo singoło dal titoło 11 O'Clock Tick Tock e ripartir par un tour in Gran Bretagna come spała dei Fashion.

A sto ponto un novo incontro segna ła strada dei U2: queło col produtor Steve Lillywhite, che cołaborarà ai primi tri album del grupo. Con Lillywhite la band publica un novo singoło dal titoło A Day Without Me, canson scrita in onor de Ian Curtis, el cantante dei Joy Division, morto suicidà da poco.

I primi album[canbia | canbia sorxente]

La band publica el primo album, Boy, che el vien fora ne le boteghe el 20 de otobre. L'album el xe stà registrà durante l'istà nei Windmill Lane Studios de Dublin. Vien fora anca un novo singolo: I Will Follow.

I U2 i parte par el so primo tour europeo, che łi portarà a sonar in Olanda e Belgio. In seguito, su proposta del manager, el gruppo intraprende na tournee nei USA, sonando in città cofà New York e Washington.

El 1981 dei U2 el taca co' na serie de concerti in Gran Bretagna, Svezia, Belgio, Olanda, Germania e Francia. Visto i boni resultadi de łe vendite, l'album el vien riłasià anca nei States, ma co' na covertina diversa par evitar le acuse de ałusion a ła pedofiłia che el gavaria posùo simentar nel continente merican. Par suportar l'album nei USA i U2 i taca na nova tournée, dove i quatro irlandesi i otien dei boni resultadi. Ormai i U2 i xe pi famosi nei States che in Europa.

Fire[canbia | canbia sorxente]

A giugno ła band publica cussì un novo singoło, Fire, registrà in un studio a łe Bahamas durante el tour merican. A fine istà el grupo el torna quindi in Europa par registrar el so secondo album e el se esibise cofà spała dei Thin Lizzy al festival del Slane Caste. A otobre el secondo laoro dei fioi el xe pronto e, preceduo de calche giorno da un novo tour in Inghiltera, Olanda e Germania, el vien fora el 12 col titolo de October. El rivarà a l'undisesima posision ne lłe clasifiche UK. La prima trasa estrata da ł'album sarà Gloria.

La band, quindi, riparte par un tour a ła volta dei USA. Ne ła seconda leg i quatro fioi irlandesi i fa na inportante conosenza: a New Oreans difati i cata Anton Corbijn, el quało el deventarà el curator storico de ł'imazene de ła band (covertine, video, ecc.)

A marso vien publicà un novo singoło inedito, dal titoło A Celebration. El grupo torna quindi in Europa par 'na serie de concerti durante l'istà, che portarà i U2 a far da spała ai Police.

Bono se sposa[canbia | canbia sorxente]

El 21 de agosto Bono se sposa co' Alison Stewart. A fine ano, durante naltra serie de concerti in giro par l'Europa, vien presentà alcuni brani novi: tra sti qua ghe xe ła çełeberima Sunday Bloody Sunday, Surrender e New Year's Day, che i antiçipa l'usìda del terso album.

Novo singoło[canbia | canbia sorxente]

A xenaro del 1983 vien fora el singolo New Year's Day, che antisipa de calche mese ł'usìda del terzo album War. Sto qua el vien fora ne łe boteghe el 28 de febraro; segue póco dopo lła seconda trasa trata da ł'album, Two Hearts Beat As One ed i concerti promosionałi. Durante la data de Denver (a Red Rocks) in un sugestivo anfiteatro vien registrà el video Under a Blood Red Sky. Dopo in istà la band torna in Europa e The Edge se sposa co' Aislinn O'Sullivan. Infine i U2 i se esibise in Giapon, e i publica el mini EP trato dal video.

I ani de ła salìa[canbia | canbia sorxente]

El 1984 el se verxe con un novo incontro che canbiarà la storia dei U2. El xe queo coi produtori Brian Eno e Daniel Lanois, coi quali i U2 i se mete a laorar al Slane Caste par la registrazion de un novo album. Al termine del laoro, la band la efetua na serie de concerti in Nova Zelanda e Australia. A la fine de sto tour vien publicà el primo singolo che antisiparà el novo disco: Pride. El brano el riese a rivar al terzo posto ne le chart inglesi. El 1° de otobre vien fora ne le boteghe The Unforgettabe Fire, che el se piaza diretamente al primo posto ne le clasifiche de vendita. Ormai i U2 i xe la rock band pi prometente del mondo. Co vien fora l'album i parte 'ncora na olta par un novo tour, durante el quale Bono e Adam i cata el tenpo de registrar insieme co altri artisti el singolo Do They Know It's Christmas par el projeto Band Aid a favor dei pitochi de l'Etiopia.

Milan[canbia | canbia sorxente]

Ai primi de febraro 1985 i U2 i se esibise par la prima olta in Italia par tri date: una a Milan e do al Teatro Tenda de Bologna.

Nel stesso periodo vien anca publicà, in formato VHS, Unforgettable Collection, indove xe presenti i video tratti da ł'album e alcune riprese fate durante la registrazion al Slane Caste.

La band, finio el tour in Europa, la riparte par na seconda olta par i Stati Uniti, publicando anca el mini LP Wide Awake in America, che el contien 2 brani dal vivo e 2 inediti. Intanto vien fora anca el singoło The Unforgettabe Fire.

Live Aid[canbia | canbia sorxente]

La consacrazion definitiva del grupo la riva el 13 de lujo: la band quel xòrno partesipa al Live Aid, concerto che rancura tuti i pi grandi artisti mondiali su 2 palchi a Londra e Filadelfia. I schei catà su i ghe va anca in sto caso al projeto umanitario Band Aid. Durante la so esibizion, i U2 i sona Bad e Sunday Bloody Sunday, co Bono che prolunga el primo brano par ben 15 minuti (tanto che ghe toca rinunciar a sonar Pride) e el se buta pi olte fra el publico.

Entro la fine de l'anno Bono el partecipa a n'altra inisiativa umanitaria, Sun City; se trata de un album con vari artisti ciamai da Litte Steven, chitarista de la celeberima E Street Band, par svejar le cosiense del mondo ne la lota contro l'apartheid in Sudafrica. Bono el scrive par l'ocasion el brano Silver And Gold.

El 17 de majo 1986 i U2 i partesipa al "Self Aid", un concerto che se tien a Dublin in solidarietà dei fioi irlandesi sensa laoro. I partecipa anca a giugno insieme co altri artisti (tra i quali Sting, Lou Reed, Peter Gabriel) al Conspiracy Of Hope Tour, fato da sié date nei USA a sostegno de Amnesty International.

Morte de Carroll[canbia | canbia sorxente]

El 3 de lujo capita un avenimento tragico che l'influenzarà profondamente el quarteto: in un incidente de moto a Dublin more Greg Carroll, el roadie de Bono. Sto toso jera ormai entrà in forte sintonia con tuta la band, che la decide de dedicarghe el futuro album, oltre a un brano de tale opera. I quatro, difati, i ga ormai pronto el so novo laoro e i se sera a agosto in studio insieme a Brian Eno e Daniel Lanois. Intanto, Bono el conpie na visita in Nicaragua e in El Salvador (l'influensa de sta visita lo portarà a scrivar Mother Of Disappeared), mentre Edge el scrive ea colona sonora del film Captive e Larry el sona nel brano Heroine de Sinead O'Connor.

The Joshua Tree[canbia | canbia sorxente]

The Joshua Tree.

El 9 de marso 1987 vien fora finalmente el novo disco: The Joshua Tree. L'album, la so opara forse pi çełebre, el porta i quatro irlandesi in sima a le clasifiche de tuto el mondo. A la fine sarà vendue pi de 15 milioni de copie. El xe el disco che tuti, critici e fans, i considera come ła sima de 'na cresita interior e musical. L'album el va diretamente al primo posto anca ne la clasifica italiana. Vien publicà come singolo el brano With Or Without You.

Senpre a marso la band la registra el video par el novo singolo, Where The Streets Have No Name, a Los Angeles. Par l'ocasion la band la se esibise su un cuerto su la 7th Avenue, ma la polizia la ferma le riprese par l'ecesivo afolamento simentà in strada. El tuto vien imortalà in un videoclip che pasarà a la storia.

La band la xe pronta a portar el novo album in giro. El tour (Joshua Tree Tour) el parte da Temple in Arizona e el portarà i U2 in tuto el mondo par ben 110 concerti.

La vertaùra del tour europeo xe a Roma, dove i U2 i sona el 27 de majo al Stadio Flaminio. In Italia i U2sona anca al Stadio Braia de Modena el 29 e 30 majo.

A lujo e agosto vien publicai rispetivamente i singołi I Still Haven't Found What I'm Looking For e Where The Streets Have No Name.

A setenbre, dopo 'na curta pausa, la band torna in tour nei USA e sta olta vien filmà tuti i concerti par un futuro projeto discografico. Tra ł'altro, a Indianapolis i U2 se presenta so'l palco in màscara, fasendo finta de esar un grupo spała de nome The Dalton Brothers, sonando cussì a l'insavùa dei fans alcuni brani.

L'11 de novenbre, inveze, i U2 inprovisa un concerto par le strade de San Francisco col titoło Save The Yuppies, e Bono col spray el strusia un monumento scrivendo la frase "Rock & roll stops the traffic jam". Bono sarà sucesivamente condanà par sto ato.

Nel 1988 i U2 i taca a laorar insieme col regista Phil Joanou sul material girà ne ł'ultima parte del The Joshua Tree Tour par l'usìda de un film. In un deposito abandonà de Dublin vien registrai alcuni novi brani e alcune interviste che farà parte del film. El local el sarà sucessivamente conprà dai U2 e el ciaparà el nome de Point Depot.

Film[canbia | canbia sorxente]

A setenbre el laoro el xe finalmente finio, e la band la decide de publicar insieme al film anca un disco, antisipà dal singolo Desire. El novo album, dal titolo de Ratte and Hum, el xe ne le boteghe el 10 de otobre, mentre la prima del film la avien al cinema Savoy de Dublin el 27 del stesso mese. La proiezion la xe precedua da un breve concerto acustico de la band. El film el xe un viajo in bianco e nero de la band ne la cultura mericana 'traverso el proprio tour, con varie canzon nove e altri sucessi in version dal vivo. Nel stesso mese, vien fora anca un omajo a Woody Guthrie e Eadbelly dal titolo Folkway - A Vision Shared a cui i U2 i partecipa con Jesus Christ. A la fine de l'anno vien publicà el novo singolo Angel of Harlem.

When Love Comes to Town[canbia | canbia sorxente]

Ad avril del 1989 vien fora n'altro singolo, When Love Comes to Town, seguio da All I Want is You, el cui video direto da Meiert Avis el vien girà su le spiaje romane de Ostia.

In Agosto, Adam el vien arestà al Blue Light Pub de Genculen con 19 grami de marijuana. Sucesivamente el vegnarà condanà al pagamento de 25 000 sterline de multa. El 12 de setenbre la band la torna in tour con el Lovetown Tour a cui partecipa anca el grande B.B. King. In sto periodo el gruppo el par soferente e in crisi, e taca a sircolar anca voci de un posibie siolimento. Se riva cussì a la vixilia de Capodano, dove i U2 i speta l'arivo del 1990 sonando al Point Depot in direta mondial.

Ea svolta artistica[canbia | canbia sorxente]

Nei primi mesi del 1990 i menbri del grupo se dedica a inisiative personałi, Bono e The Edge parteçipa aea rapresentasion teatrae de Arancia Meccanica a Londra, Adam cołabora a ł'albun dei Nevile Brothers, Larry promove un albun country.

Ea band sul scominsio de ł'istà, se suna par registrare el novo album: vien scelta Berlino, ea cità dove se gà verto un novo mondo dopo che xe cascà el muro. Intanto, i U2 partesipa aea compilation Red, Hot & Blue, i cui proventi xe devoeui aea lota contro l'AIDS, co' ea cover del brano de Frank Sinatra Night And Day, registrà pròpio a Berlin e co' el videoclip direto da Wim Wenders.

Novo albun[canbia | canbia sorxente]

Ai primi del 1991, durante ea registrasion del novo album, però, nea stansa de Bono, vien robài i demo registrài. Ciò naturalmente influise fiso so ła produsion, ła quała se trasferise par el mixagio ai Windmill Lane Studios de Dublin.

Durante łe łavorasion tanti xe stài i radeghi sbocià intra i fioi, co' Bono e Edge da ‘na parte che vołe convertirse ai novi soni britanici, mentre da cheł'altra Adam e Larry vol seguìr ła vecia strada rock: 'ntel mexo se cata Eno, el quało co' ła pròpia esperiensa riese a mitigare esperiense e difarense emerse.


El rexultado xe Achtung Baby, l'albun del rinovamento. I U2 co' l'album ormai pronto va a lujo in Maroco co' el somejàro Anton Corbijn par ea reałixasion del materiae grafego del disco. Anca l'imàxene ei U2 xe drìo canbiàr.

The Fly[canbia | canbia sorxente]

A setenbre vede ea luce el primo attesissimo singolo: The Fly. El video vien girà intra Dublin e Londra dal regista Ritchie Smith. El canbiamento xe forte, e un mucio de fans xe łeteralmente spiasà. Bono gà sbandonà el giet de pełe e se gà creà un pròpio personàxo ironico: Mr. The Fly, ea rockstar par eçelensa, ea figura che ea band gaveva tanto rifiutà nea prima parte de cariera.

El 18 novembre xe ea data de usìda de ł'albun. Vien publicada anca ‘na seconda trasa Mysterious Ways. Achtung Baby ga un otimo riscontro de critica e publico: Secondo ea critica, co' Achtung Baby i U2 se ga savùi reinventar, sensa desmentegàr ea pròpia orìxene, co' ironia ed un novo sound. E nove sonorità introdote se fonde perfetamente co' el vechio stìłe U2 e co' ea vena intimistica dee nove liriche de Bono.

Tour[canbia | canbia sorxente]

A xenaro del 1992 ea band tàca a pareciàre a Dublin el novo tour. Ea senografia vien fidà ad Eno e Peter Williams e se avae de vari schermi xiganti e de alcune Trabant artisticamente dipinte da Katherine Owens.

El 29 febraro, a Lakeland in Florida, tàca el ZooTV Tour, concepìo in un primo momento par svòlzerse in spazi serài e ristreti. El show puza ea so base eenografega so i messaji multimediałi e su i siménti, indove capegia el bomò (slogan) "Tuto queo che ti conosi xe sbałià". 'Ntel corso del tour, ad ogni sjerata, Bono teefona in direta a vari personazi pi o manco famosi del pianeta. El pi taca' xe el Presidente dei Stati Uniti par ea question Sarajevo. A marso, inaxonta, ese el singoło One, conpagnà da ben tre difarenti version del video, de cui uno, in particołar, girà a Berlin in cui i U2 xe vestìi da done.

Europa[canbia | canbia sorxente]

A majo el tour sbarca in Europa, ed in Italia dove i U2 sona el 22-23 majo al Forum de Assago. I biłieti par e do date va esaurìi in poco pi de 4 ore.

A giugno vien publicà el singoło Even Better Than The Real Thing. Par l'ocasion ea band inprovisa un concerto nea vetrìna de ła botega de abiłiamento Zoo in Carnaby Street a Londra.

Ad agosto, i quatro va su‘na picoła sitadina dea Pennsylvania, Hershey, par e prove del novo tour, ‘na version da stadio del presedente ZooTV, denominà ZooTV outside broadcast. El tour tàca el 12 agosto nei USA a East Rutherford par terminare in California el 14 novembre ad Anaheim. Segue alcuni concerti in America Centrae.

A ł'inisio del 1993 Paul McGuinness conferma che i U2 xe drìo laorare in studio a Dublin ad alcuni brani par un'eventuae mini-Lp. L'8 majo, intanto, riparte el Zoo Tv Tour nei stadi de tuta Europa.

In Itałia ea band riva in luio par ben 8 concerti. E proprio mentre el grupo xe in Itałia, vien publicà el novo album, Zooropa, che a rovèrso de quanto dichiarà precedentemente xe un vero e pròpio album co' 10 brani. Co' ‘sto disco ea band se spenze ancora pi in ea in teritori inesplorà, oltre anca Achtung Baby. El tour procede intanto con ea presensa de un stranbo personazo che se agira verso el finae dei concerti so'l palco: Mister MacPhisto. Bono gà infati creà‘sto alter ego che durante i concerti incarna l'icona dea vecia rock star, fruàda dai ecesi del rock'n'roll.

Emon[canbia | canbia sorxente]

Ad agosto ese el singoło Emon, mentre sempre a fin del mese el concerto a Dublin vien trasmeso in direta mondiae radiofonica. El mese seguente xe ea volta de Stay (Faraway So Close), che farà parte insieme a The Wanderer dea cołona sonora del novo film de Wim Wenders. El singoło - ‘na sorta de dopio singoło, in efeti - contien anca I've got you under my skin, vecia canzon scrita da Coe Porter par Frank Sinatra, in cui Bono dota con The Voice.

Dopo e fadighe de 2 ani de tour e 2 dischi, ea band decide de ciaparse un ano de riposo. Bono pubica comunque un doto co' Gavin Friday che farà da cołona sonora par el film In the Name of the Father. Inazonta A marso vien publicada ea videocaseta del concerto registrà a novembre del 1993 a Sydney.

Hold Me, Thrill Me, Kiss Me, Kill Me[canbia | canbia sorxente]

A luio de ł'ano seguente ese el singoło Hold Me, Thrill Me, Kiss Me, Kill Me che farà parte dea cołona sonora del film Batman Forever, inazonta ea band reałiza co' Eno el progeto dal nome Passengers.

El 12 setenbre Bono, Edge ed Eno parteçipa al Pavarotti International presentando in anteprima ea nova Miss Sarajevo.

Novo Album[canbia | canbia sorxente]

El 6 novembre, invese, ese l'album Passengers: Original Soundtracks 1, dove par Passengers se intende i U2 co' Eno, Luciano Pavarotti ed Howie B. L'album xe un mucio influenzà dale idee de Eno, e ea band gà pi volte dichiarà che ghe gà trovà posto tante canzon che no sarìa mai comparse in un album dei U2.

Nel 1996 Larry ed Adam se mete in mostra par el rifacimento del tema del film de Brian De Palma co' Tom Cruise, Mission Impossibe, mentre Bono continua a scrivare ea senezadura par el film The Million Dollar Hotel. El grupo taca a pensare al novo lavoro, par el quae decide de reméterse in Howie B, tentando ea via dea sperimentazion su ‘na strada ancora mai frontà daea band. El divorzio da Eno xe comunque qualcossa che sarà destinà ad influenzar fiso el sound dei U2.

Discothxeque[canbia | canbia sorxente]

The Edge.

L'11 febraro 1997, dopo mesi trascorsi in studio a Dublin, ese el novo singoło Discothxeque, mentre el video vien trasmeso in anteprima da MTV. Molti fan resta siocà da ‘sto lavoro dance dea band e dal look da Village Peope adotà dai 4 fioi nel video dea canzon.

Pop[canbia | canbia sorxente]

Ea conferenza stampa de presentazion avien al K-Mart de New York in cui, oltre ad esibirse in alcuni brani, vien svełài i piani dei U2. El 3 marso ese in tuto el mondo el novo album Pop. Nel disco ea band gà ormai estremizà e sonorità chemical e dance de Howie B.

Tour[canbia | canbia sorxente]

I U2 taca cussì a lavorare al tour promozionae, che parte da Las Vegas. El PopMart Tour xe mastodontico. El palco xe composto da uno schermo de 50 metri par 17, con 21 000 schede de circuiti, con un arco dorà alto 30 metri e un'ołiva inluminàda larga 4 metri inpałàda so' un stusega denti alto 30. Ghe jera anca 1000 rifetori, ‘na pedana da bało in pexiglas, un limon motorizà de 12 metri che se trasformava in ‘na paea de speci stìłe discoteca, otre a 100 luci stroboscopiche. El scopo xe queo de ironizare sul conceto del kitsch e del prodoto da supermarket, de carente quałità e da ł'utiłizo midiato. El risultato, no esendo a ł'altesa dee aspetative, costrenze ea band, ad intervegnir, riciapando in mano tanti brani contegnùi ne ł'album, smussandoghene e sonorità pi techno in altre pi consone al stìłe U2.

El tour vede tra ł'altro do tape itałiane, ea prima el 18 setenbre a ł'aeroporto Roma Urbe e davanti a 70 000 persone. ‘sta data purtropo xe funestà da ł'inprovisa morte de un spetador a causa de un małor. Ea seconda do giorni dopo a Reggio Emilia. ‘sto concerto xe un evento mondiae: el grupo gà infati rancurà ben 150 000 spetatori paganti, record asołuto par ‘na band. Durante l'esibizion Bono ghe dedica ea serata al fan decedùo a Roma, intonando par l'ocasion MLK. El 23 setenbre, può, finalmente Bono corona un sogno rincorso nei ultimi 5 ani: el PopMart infati desbarca a Sarajevo e pur se soto el tiro dei cechini ci xe 80 000 spetadori.

Nei primi 3 mesi del 1998 se conclude el PopMart Tour co' concerti in Mèrica del Sud ed Australia. A ‘sto ponto ea band decide de torse del tempo łibaro. Ma verso fine ano, vien publicà el primo The Best Of, che comprende i majori sucessi dal 1980 al 1990, ed a cui parteçipa novamente Eno e Lanois.

The Sweetest thing[canbia | canbia sorxente]

Conpagna l'insìda de ł'album el singoło The Sweetest Thing, el cui video vien girà par e strade de Dublin ed ałe cui riprese partesipa anca ea mojere de Bono, Ali, a cui ghe xe dedicà ea canzon. In efeti el toco xe ‘na b-side dei ani Otanta (par ea precision de Where the streets have no name), revedesta e coreta. Al steso tenpo, el grppo torna in studio par scomissiare i laori che portarà al novo album.

Jubilee 2000[canbia | canbia sorxente]

Nel 1999 Bono entra a far parte del movimento Jubiee 2000, che gà cofà scopo prinsipae dea propria atività queo de sensibiłizare i governi osidentałi a fin che i posa azerar i debiti dei Paesi del terzo mondo e dando cussì ea posibiłità a sti ultimi de poder creser economicamente. L'atenzion de Bono par el probema xe squasi maniacae, e porta el cantante a girare tuto el mondo ed a ventiłar co' tanti Capi de Stà e de governo, oltre a no perderse gnanca ‘na riunion del Fondo Monetario Internazionae. Par ‘sta so atività Bono vien anca tolto in considerazion par l'asegnazion del Nobel par ea pase, e se trova ad incontrare el Papa al Vaticano: el 23 setenbre el cantante xe risevùo co' ea so dełegazion da Giovanni Paolo II, a cui susura: «Ei xe un grande omo del spetacoło» e regała al Santo Padre un libro de poesie ed i so cełebri ociałi da sołe neri che el Pontefice no esita ad indosare. El Papa a so volta dona a Bono un crocifiso. Tuto ‘sto porta inevitabilmente a diłatar i tempi de reałizasion del novo albun, anca parché ea band xe impegnada nel completare ea cołona sonora de The Million Dollar Hotel, film scrito dal steso Bono e direto da Wim Wenders che sarìa insìo da lì a poco.

El novo milennio[canbia | canbia sorxente]

El 2000 se verze co' ea band che xe drìo oramai fenìr i łavori che portarà a ł'usìda del novo disco. Intanto a xenaro Bono parteçipa aea prima del film The Million Dollar Hotel a Sarajevo. El 26 febraro Bono e The Edge se presenta a Sanremo e reałiza ‘na version acustega All I Want Is You e The Ground Beneath Her Feet, canzon el cui testo xe stà scrito da Salman Rushdie. Nel mese seguente, el grupo insieme a Mc Guinness, riseve a Dublin el storego premio "Freedom Of The City" davanti a 70 mila dublinesi.

El quarteto intanto prosegue nea preparazion del novo łavoro discografico e vien efetuàda a Parigi ea registrazion par el video del primo singoło Beautiful Day. El 30 otobre vedarà el ciaro l'album All That You Can't Eave Behind, el cui titoło riciapa un verso de Walk On. Prima de ‘sta data, però, ea band se esibise in vari brani dal vivo in un mucio de ocasion: a Top Of The Pops, so'l coerto del Clarence Hotel, al Manray de Parigi, nei studi dea BBC a Londra ed a Los Angeles. Altre aparizion seguirà dopo l'usìda del novo cd, come ai MTV European Music Awards de Stoccarda, a Rio de Janeiro. Se taca ormai a parlare de un novo tour mondiae, e ea band intanto se esibise a disembre in un miniconcerto all'Irving Plaza de New York.

Novo singoło e novo Tour[canbia | canbia sorxente]

Bono neła turnê Elevation Tour

A xenaro 2001 ese el novo singoło "Stuck In A Moment...", mentre in direta web el quarteto anuncia l'inizio de un novo tour che partirà dai U.S.A. e che se desvolzarà in picołe arene. In febraro, inazonta, i U2 riseve 3 Grammy Awards par el novo album e publica el singoło Walk On soło che par el mercà canadese.

El 24 marso inizia l'Eevation Tour da Miami, tournexe che portarà ea band in giro par i USA co' un suceso incredibiłe de publico. Bono riusirà anca a trovare el tempo de partesipar aea colonna sonora del film Moulin Rouge!. Vien in seguito publicà el singoło Eevation, mentre i U2 xonxe in Europa con el novo tour ed in Itałia par el concerto de Torin del 21 lujo davanti a setantamiła spetadori.

Ad agosto mor el pare de Bono, Bob Hewson, małà da longo tempo. Nea stesa sera, Bono decide de no scansełare el concerto previsto a Londra, dedicandoghe al pare el toco Kite. A ła fin del mese ea band se esibise in un apuntamento storico, el ritorno dopo 20 ani al Slane Caste. El sucesso de prevendite xe talmente grando che se decide de replicar el 1 setenbre, concludendo ea serie de concerti in Europa.

El 10 otobre, dopo alcuni dubi par i gravi fati nati l'11 setenbre a New York, i quatro irlandesi decide de riprender el tour da novo nei States. I U2 sarà ea prima band ad aver el coragio de tornare ad esibirse in USA dopo i atentati ałe Tori Zemełe. Sarà date inevitabilmente un mucio influenzàe da questi fati, come quełe sentitisime al Madison Square Garden de New York. Va 'vanti intanto ea promosion de ł'album co' l'usìda del singoło Walk On e DVD Dal vivo From Boston.

Superbowl[canbia | canbia sorxente]

A febraro 2002 ea band se esibise al Superbowl, mentre el mese sucesivo vinse 4 Grammy Awards a Los Angees. Intanto el tour riva al termine, infati el previsto ritorno in Europa vien inspiegabilmente revocà, Bono riciapa a pien regime ea propia atività a favor dei Paesi del Terzo Mondo, incontrando el Presidente George W. Bush aea Casa Bianca e andando in Africa co'l Segretario de Stàdo 'merican Paul O'Neil.

Gangs of New York[canbia | canbia sorxente]

Fratanto el grupo irlandese gà fenìo e registrazion de un novo brano, The Hands That Built America, che sarà contegnùo 'ntel disco che vien nea cołona sonora del film Gangs of New York de Martin Scorsese. A novembre xe ormai pronto el The Best Of 1990/2000 che vien precedùo dal singe Eectrical Storm, el cui video vien girà so ła spiagia de Nice davanti aea casa de Bono.

El 2003 se verze co' The Hands That Built America che vinse i Golden Globe Awards, ma fałise l'asalto all'Oscar, vinto da un brano de Eminem. I U2, inazonta, partesipa al disco We're Are A Happy Family in tributo ai Ramones, co' el toco Beat On The Brat.

A majo par ea seconda volta Bono partesipa al Pavarotti & Friends, fasendo One, Miserere co' Zucchero e ‘na tocante Ave Maria. A fine ano un regało speta i fans nei negozi, l'usìda del DVD U2 Go Home, Dal vivo In Slane Caste 2001 che imortała ‘na dee performance dal vivo pi bełe dea band. Intanto el grupo xe al lavoro a Dublin par l'insìda del novo disco prevista nel 2004.

Nei primi mesi del 2004 Bono continua i propi viagi atraverso el mondo par sostegnìr ea propria campagna a favor dei Paesi africani, mentre a marso ese ea publicazion del libro par bambini "Peter & The Wolf" curàda proprio dal steso Bono co' ł'amigo de senpre Gavin Friday.

Vertigo[canbia | canbia sorxente]

In istà xe conpletà el novo album. Vien anca girà in Spagna el videoclip de queo che sarà el primo estrato. El singoło, dal titoło Vertigo, che vien presentà el 24 setenbre durante ‘na registrazion par ea trasmision Top Of The Pops.

Al singoło seguirà ł'album, par ea precision el 22 novembre, dal titoło "How To Dismante An Atomic Bomb", ma za da pi de un mese l'album vien reso reperibiłe in version definitiva atraverso i canałi de internet. ‘sto fato però no frena el sucesso de vendite e con ‘sta opara i U2 se conferma intra i gruppi rock pi amà.

El steso xorno de insìda de ł'album, ea band se trova a New York e pasa ea xornàda so un camion par e strade dea metropołi esibendose ed incontrando i fans, fin a zonzer al tardo pomerigio soto el ponte de Brooklyn par un miniconcerto in cui vegnarà presentà al publico el novo cd.

Vertigo Tour[canbia | canbia sorxente]

Bono e The Edge a Auckland durante la turnê Vertigo Tour

El 2005 scomisia co' l’anuncio dee date del novo Vertigo Tour, che partirà dai States par po' trasferirse in Europa. Intanto a febraro ea band se azudega ben 3 premi Grammy par ea soła Vertigo, ł'unico brano candidabiłe de How To Dismante An Atomic Bomb (l'album jera infati insìo dopo i termini stabiłìi par ea candidatura), nełe categorie "Best Rock Performance By A Duo Or Group With Vocal", "Best Rock Song (Songwriters Award)" e "Best Short Form Music Video".

El grupo irlandese però riçeve un altro prestigioso riconosimento: el 14 marso vien infati introdoto nea Rock & Roll Hall of Fame, l'onor dea presentazion spetarà a Bruce Springsteen, el quało tra ł’altro ghe rendarà el piaser a Bono, che a so volta gaveva introdoto ani prima propio el Boss. Par l’ocasion ea band se esibise in 4 brani, tra cui I Still Haven’t Found What I’m Looking For propio co' el Boss.

Ea prima data del tour xe el 28 marso in quel de Miami. Un tour che farà segnare un record de presenze e de vendite dei tałiandi, polverizài nel giro de poche ore. In Europa i U2 riva el 10 giugno co' l’esordio a Bruxeles.

Dopo vari concerti xe ea volta dell’Italia, co' tre indesmentegabiłi serade: el 20 e 21 lugio a lo Stadio San Siro de Milano e do giorni dopo a ł ’Ołimpico de Roma. Durante ‘sta parte del tour, ea band parteçipa el 2 lujo al Dal vivo8 esibendose in 3 brani a ł’Hyde Park de Londra. A Bono e compagni speta addiritura ł’onor de verzer ‘sto mega evento esibendose co' Paul McCartney in Sgt. Peppers Lonely Hearts Club Band. Ea segonda parte dea tourne se concludarà ad agosto, e nel steso mese in cui Bono reałiza ea canzon Don`t Come Knocking assieme ad Andrea Corr par ea cołona sonora del prosimo film de Wenders. ‘na tersa eg del tour se concludarà a Portland. ‘sto 2005 gà quindi visto ea band esibirse dal vivo par ben 110 volte. Intanto l’11 novenbre ese so'l mercà el dvd U2 Vertigo 05 Dal vivo From Chicago.

5 Grammy Awards[canbia | canbia sorxente]

El 2006 se verze co' ea consegna, avegnùa l’8 febraro Los Angees de ben 5 Grammy Awards dove Bono e soci vinse in tute e sinque categorie a cui partesipava, tra cui "miior album de ł'ano", "mejo rock album" e "mejo canson de ł'ano" co' ea struzente e poetica Sometimes you can't make it on your own, premi che va a somarse co' i 3 de ł'ano precedente de Vertigo. Ad anco' ea band połe vantare ben 22 Grammy in cariera!

Ea band se esibise par l’ocasion in do brani dal vivo: Vertigo e One, quest'ultimo in ‘na vibrante version cantà da Bono in doto con Mary J. Blige. Tałe version, publicà po' cofà singoło daea Blige stesa, restarà al top dee clasifeghe 'mericane ed eoropee par tanti mesi, segnando anca numarosi novi record infra e canzon pi "scaricate" (descargà) dal web.

Riparte po' el Vertigo Tour, che torna intra el rescaldo xenerałe in Mèrica del Sud, dove ea band no se esibiva da quasi 10 ani. Al momento però de spostarse in Austrałia e Giapon, el tour vien sospeso par problemi personałi e privai dea band. In ‘sta pausa, Bono profita a majo par conpìr un novo viagio in Africa par controłar i progresi fati in favor de questi popołi.

Al ritorno da ‘sto viazo, ea band dichiara de aver tacà i laori so'l materiae par un novo album in usìda 'ntel 2007 e vien infinamente anuncià e date del Vertigo Tour in Australia, Nova Zelanda, Giappone ed Hawaii che xe sta sospese ad inizio ano e che se svolzarà nel periodo tra novembre e disembre.

A setenbre ese invese el dvd U2 ZooTv Dal vivo From Sydney rimasterizazion de ł'omonema VHS publicada 'ntel 1994, mentre nel steso mese vien publicada ea biografia uficiae e completa U2 by U2 scrita in parte dai stesi U2.

Cołaborasion co' Green Day[canbia | canbia sorxente]

Nel fratenpo i łavori so'l novo materiae prosegue e ea band se sposta a Londra nele prime setimane de setenbre dove se sera nei mitici Abbey Studios co' produtore Rick Rubin e fa ‘na cołaborasion co' i Green Day par l'incision de The Saints Are Coming, un vecio sucesso del 1978 dei The Saints, i cui recavadi vien devoeui in beneficensa e che vede e do band esibirse dal vivo el 25 setenbre a New Oreans. El brano, oltra ad sortìr cofà singoło, fa parte anca de U218 Singes, el greatest hits publicà a novenbre.

L'album contien 18 canson, 16 intra e pi conosùe dea Band, pi do inediti de cui xe proprio The Saints Are Coming e l'altro Window In The Skies. Nea version deluxe l'album contien anca un DVD Dal vivo co' 10 canson trate dal concerto del 21 lujo 2005 a Miłan del Vertigo Tour. Aea fin del 2006, inazonta, vien riciapàda ea fase conclusiva del Vertigo Tour precedentemente sospeso, recuperando e date in Austrałia, Nova Zełanda, Giapon e che porta ea band a ł'apuntamento finae co' el concerto ad Honolulu el 9 disembre.

Bono Cavaliere[canbia | canbia sorxente]

A ł'inisio del 2007 Bono vien nominà daea rexìna Elisabetta cavalier in vertù dei meriti in campo musicae nonché del so impegno a favor dee cause umanitarie. Tutavia el cantante irlandese no podarà fregiarse del titoło de Sir, in quanto ‘sto utlimo xe riservà soło ai sitadini inglesi.

El 19 Majo, ea band al completo presenta a Cannes durante el Festival ea prima mondiae del novo film U2-3D, ripreso durante e tape sudamericane del Vertigo Tour, che sarà disponibiłe nei cinema de tuto el mondo che sfruta ea tecnołogia i-max da fin 2007. Ne ł'ocasion i U2 se esibise in ‘na performance dal vivo sonando do brani: Vertigo e Where The Streets Have No Name.

Da Zugno sarà invese disponibiłe el dvd de "Popmart Dal vivo From Mexico City", rimasterizazion de ł'omonema VHS publicada nel 1998.

Ea band intanto ha tacà i primisimi łavori so'l materiałe par ea incision del novo album, prevista atualmente par ea segonda metà del 2008.

Curiosità[canbia | canbia sorxente]

In una intervista contegnùa nel dvd dea serie Classic Albums "U2 - the Joshua Tree" (in itałia in ałegà a ‘na testata del grupo Editoriae L'Espresso; l'orixinae xe edito nel 1999) Bono dichiara che no arivarà mai pi co' ea voze dove ch'el rivava ai tenpi de The Joshua Tree, no par l'età ma parché par colpa del fumo el gà perso ea capaçità de razonzer el registro alto.

Formazion[canbia | canbia sorxente]

  • Bono - voze e chitara, rare volte armonica a boca
  • The Edge - chitara, piano/tastiere (tastadùre) e cori, rare volte voze prinsipałe
  • Adam Clayton - baso e (rare volte) chitara
  • Larry Mulen - bateria, percusion

Discografia[canbia | canbia sorxente]

Album in studio[canbia | canbia sorxente]

  • 1980 - Boy
  • 1981 - October
  • 1983 - War
  • 1984 - The Unforgettabe Fire
  • 1987 - The Joshua Tree
  • 1988 - Ratte and Hum
  • 1991 - Achtung Baby
  • 1993 - Zooropa
  • 1997 - Pop
  • 2000 - All That You Can't Eave Behind
  • 2004 - How to Dismante an Atomic Bomb

EP[canbia | canbia sorxente]

  • 1985 - Wide Awake in America
  • 2002 - 7even - Publicà soło nei Stati Unìi. Disponibiłe foravìa soło de importasion
  • 2004 - The Compete U2 - Apple iTunes Music Store e i U2 gà strenzesto un acordo par publicar su iTunes (sircuìo de musica a pagamento de Apple par iPod) tuta ea discografia completa dei U2 dałe prime demo a How to Dismante an Atomic Bomb e alcuni dal vivo e concerti.

Dal vivo EP[canbia | canbia sorxente]

  • 1983 - Under a Blood Red Sky
  • 1997 - Hasta ea vista Baby - Popheart Dal vivo EP - Riservà ai soci iscriti al fan club Propaganda
  • 2005 - U2Communication - Riservà ai soci del fan club del sito U2.com
  • 2006 - Zoo2Dal vivo - U2 Dal vivo In Sydney - Riservà ai soci del fan club del sito U2.com

Racolte[canbia | canbia sorxente]

  • 1998 - The Best of 1980-1990
  • 2002 - The Best of 1990-2000
  • 2006 - U218 Singes (in version deluxe comprensivo anca del Dvd U218 Vertigo//05 Dal vivo From Milan)

Singoli[canbia | canbia sorxente]

  • 1979 - U2 3
  • 1980 - Another Day
  • 1980 - 11 O'Clock Tick Tock
  • 1980 - A Day Without Me
  • 1980 - I Will Follow
  • 1981 - Fire
  • 1981 - Gloria
  • 1982 - A Ceebration
  • 1983 - New Year's Day
  • 1983 - Two Hearts Beat As One
  • 1984 - Pride (In the Name of Love)
  • 1985 - The Unforgettabe Fire
  • 1987 - With or Without You
  • 1987 - I Still Haven't Found What A Looking For
  • 1987 - Where The Streets Have No Name
  • 1987 - One Three Hill (publicà solo Australia e in Nova Zelanda)
  • 1987 - In God's Country (publicà solo nei USA)
  • 1988 - Desire
  • 1988 - Angel Of Harem
  • 1989 - When Love Comes To Town
  • 1989 - All I Want Is You
  • 1991 - The Fly
  • 1991 - Mysterious Ways
  • 1992 - One
  • 1992 - Even Better Than The Real Thing
  • 1992 - Who's Gonna Ride Your Wild Horses
  • 1993 - Numb (VHS)
  • 1993 - Emon
  • 1993 - Stay (Faraway, So Close!)
  • 1995 - Hold Me Thrill Me Kiss Me Kill Me
  • 1997 - Discothxeque
  • 1997 - Staring At The Sun
  • 1997 - Last Night On Earth
  • 1997 - Pease
  • 1997 - Mofo
  • 1997 - If God Will Send His Angels
  • 1998 - The Sweetest Thing
  • 2000 - Beautiful Day
  • 2001 - Stuck In A Moment You Can't Get Out Of
  • 2001 - Eevation
  • 2001 - Walk On
  • 2002 - Eectrical Storm
  • 2004 - Vertigo
  • 2005 - Sometimes You Can't Make It On Your Own
  • 2005 - City Of Blinding Lights
  • 2005 - All Because Of You
  • 2005 - Original Of The Species (Publicà solo in USA e UK come promo)
  • 2006 - The Saints Are Coming
  • 2007 - Window In The Skies

Videografia[canbia | canbia sorxente]

VHS/DVD[canbia | canbia sorxente]

  • 1987 - The Joshua Tree Colections - VHS
  • 1984 - U2 Dal vivo From Red Rocks - VHS
  • 1985 - The Unforgettabe Fire Colection - VHS
  • 1988 - Ratte And Hum - VHS&DVD
  • 1992 - The Achtung Baby Colection - VHS
  • 1994 - Zoo Tv Dal vivo From Sidney - VHS/DVD
  • 1998 - Popmart Dal vivo From Mexico City - VHS
  • 1999 - The Best Of 1980-90 - VHS
  • 2001 - The Making Of "The Joshua Tree" - DVD
  • 2001 - Eevation Tour Dal vivo From Boston - VHS/DVD
  • 2002 - The Best Of 1990-2000 - VHS/DVD
  • 2003 - U2 Go Home: Dal vivo From Slane Caste - DVD
  • 2005 - Vertigo Tour Dal vivo From Chicago - DVD
  • 2006 - ZooTv Dal vivo From Sydney - DVD
  • 2006 - U218 Videos - DVD

Bibliografia[canbia | canbia sorxente]