Trasporto

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Trasporti

El trasporto la xe che l'atività umana, che ła permete el spostarse de łe persone, bestie e merse da on posto a che l'altro. El ga na forte rilevansa economega e sociale, parché el permete el scanbio de beni materiałi e co st'ultimi, el favorise la interasion tra esari umani.[1] El vocaboło el vien da ła latín trans, chel vol dir detraverso, e anca portar.

Modo de trasporto[canbia | canbia el còdaxe]

Trasporto personale sensa motore[canbia | canbia el còdaxe]

Par savèrghene de pì, vardarse ła voxe bicicleta.

El trasporto personale sensa motore l'è chel trasporto de esari viventi o merçi fato doparando forsa muscolare de l'omo, par exenpio caminare, corare o noare o anca co la forsa muscolar la njien doparada par uxar alguni tipi de veicoli. De fati, le tecnoloxie le ga fato tanti tipi de mexi e machine in grado de rendar pì sénplego el trasporto personale sensa motore, alguni exenpi xe la biçicreta, i patini a rodele, i sci da neve e da acua, le barche a remi e veivoli che se dopara co la forsa del vento o da la forsa muscolare de l'omo.

La carateristega del trasporto personale sensa motore, l'è na manjiera de trasportare a baso incuinamento e el ga na gran difuxion par motivi economeghi e de jestion, speçalmente inte le aree poco xvilupae del mondo e in chele andove no se ghe pole ndarghe drento in altre manjere. El njien preferìo in algune atività inte el tenpo perso e el costituise el ojeto de alguni sport.

Trasporto a trasion de le bestie[canbia | canbia el còdaxe]

El trasporto a trasion de le bestie, el xe la doparasion de bestie da laoro pal movimento de persone e merçi. I esari umani i pole cavalcar diretamente le bestie o dopararle come bestie da traino pal trasporto o sfrutarli, da soli o in grupi, par trainar veicoli.

Trasporti a guida vincolada[canbia | canbia el còdaxe]

Trasporti so sine (rodaje)[canbia | canbia el còdaxe]

Par savèrghene de pì, vardarse ła voxe tren.
El treno el xe uno dei mexi de trasporto piesé doparai par distanse mediolonghe

I trasporti so sina, i xe nasui a trasion del motore, el se ga xvilupà veloçemente inte el contenpo a la rivolusion industriałe, diventando el tipo de trasporto prinçipałe de la xente par le mèdie e grande distanse, dato che no existea oncora le auto e i aerei. A segonda del tipo de la domanda, el trasporto el se difarensia in: Trasporto so sina urban (par exenpio tram e metropułitana) e chelo so sina extraurban (ferovia e altri sistemi de alta veloçità come ła monosina).

In Itałia:

  • totale km sine: 19 394 km, fate da:
  • 18 071 km co scartamento stàndar de 1,435 m (11 322 ełetrifegae)
  • 112 km co scartamento riduxesto de 1 m e 1,211 m co scartamento de 0,950 m (153 km ełetrifegae)

L'axienda de łe Ferovie de Stato che la se ocupa del trasporto pasejeri in Italia la xe Trenitałia, anca se ghe xe difarenti altre axiende privae.

Trasporti a guida no vincolada[canbia | canbia el còdaxe]

Trasporti so goma[canbia | canbia el còdaxe]

Par savèrghene de pì, vardarse ła voxe Automòbiłe.

I trasporti so goma, faxendo parte de la categoria dei trasporti sensa vincoli, i xe el tipo de trasporto che ga senpre vuo pì suçeso e par sto motivo, sto tipo de trasporto ga vuo na granda difusion xà da la fin del Otoxento. Inte el Novexento, senpre la stesa motivasion la ga cavà el "monopolio" de trasporto a i mexi vincolai, propio par la granda flesibilità che el trasporto automobilistego garantise. Al masimo de la so difuxion, i trasporti automobilisteghi, i ga contribuìo a catarse inte le sità e no solo, on forte incuinamento chimego, incuinamento acustego, gravi problemi de trafego e tal 'olta anca inçidenti pì o manco gravi, faxendo diventar le strade pì pericoloxe. A sti problemi, se xe drio çercar de sistemar, lejiferàndoghe sora, riduxendo el trafego, speçalmente in çentri storeghi e col potensiamento dei trasporti publeghi in xeneral, incorajando la xente a dopararli.

Trasporto aereo[canbia | canbia el còdaxe]

I trasporti par via aerea i xe de do tipi:

  • Lejeri = Aerostati: mongolfiere, direxibili
  • Pexanti = Aereomobiłi: ełicotari, aereoplani

I se ga difuxesto inte el novexento, anca se no jera convienjente come trasporto, dato chel consumava tanto enerxedegamente e el fea forti rumori. Inte i ani, el xe diventà el trasporto pì seguro, segondo alguni, e ben jestio. La so jestion la xe baxada so aereoporti (par ndar in aria e aterar) e so linee aeree preçixe (aviolinee), l'asistensa de volo la xe permesa grasie a tecnoloxie de tipo eletronego che le permete la comunicasion intrà el personal iinte el aereo e cheli de tera e altri sistemi come chelo de localixasion.

Trasporti par vie de acua[canbia | canbia el còdaxe]

Par savèrghene de pì, vardarse ła voxe Nave.

El trasporto par vie de acua (fiumi, laghi, mari, canali artifiçali..) el se fa co natanti, par exenpio gondole, navi, barche e altri mexi. El trasporto par vie de acua el xe uno dei trasporti pì veci che existe, l'è nato inte la preistoria, disfrutando de le corenti de l'acua, de la forsa muscolare de l'omo e de altri fenomani nadurali come el vento. Xe dal setexento che se ga tacà doparare i primi motori, come el motore a vapore. Dal otoxento, se ga difondesto la navigasion co motori a combustion interna. El trasporto par vie de acua, l'è doparà par el trasporto in grande cuantità, dato chel xe convegnente rispeto al trasporto de tera e de aria.

Altri tipi de trasporto[canbia | canbia el còdaxe]

Altri mexi de trasporto par esari umani i pole esar in montagna le funivie o cabinovie, inte i edifiçi i asensori o le scale mobili o par merçi inte el stato licuido o gasoxo traverso condoti, come chele de l'acuedoto o del gas par le caxe. Altri mexi de trasporto, i pole esare cheli come i shuttle par esplorasion spasiali.

Notasion[canbia | canbia el còdaxe]

  1. Vocabolario Treccani, op. cit.

Varda anca[canbia | canbia el còdaxe]

Altri projeti[canbia | canbia el còdaxe]


Lingambi foresti[canbia | canbia el còdaxe]



Controło de autoritàLCCN (ENsh85137027 · GND (DE4062901-6 · BNF (FRcb13318486w (data) · NDL (ENJA00566818
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Trasporto&oldid=1116654"