Transpadana Ferarexa

Da Wikipedia, ła ençiclopedia libara.

Ła Transpadana Ferarexa ła xe 'na rejon storica, costituia da 'na serie de łocałità sora ła riva sinistra del fiume Po, storicamente ligà ała zsità de Ferara, che ła se cata invezse so che ł'altra riva del fiume, esatamente de fronte a ste łocałità. Geograficamente, ła Transpadana ła gera conprexa tra el fiume Tartaro e el Po, e onquò ła corisponde ai comuni rivieraschi in provincia de Rovigo tra Mełara e Crespin.

Ntel medio evo tuto el Połesine el gera soto Ferara, ma presto el teritorio el ga scuminzsià a far goła ała Republica de Venezsia, che ła gheva ła necesità de controłar el bacino idrografico del delta del Po. Infati 'ntel 1482-1484 Venezsia e Ferara łe se ga fato ła guera par el controło del Połesine. Co' ła pace de Bagnoło del 7 de agosto 1484, Venezsia la gaveva el controło te tuto el Połesine con ł'ecezsion de la Transpadana Ferarexa.

Ła Transpadana ła ga fato parte prima del Ducato di Ferara e po' - dal 1598 - dało Stato deła Cexa fin ała riorganizsazion teritoriałe fata da Napoleon, che ntel 1796 el ga fato tegnere come confine el Po. Sto novo confin el xe sta mantegnù dal Congreso de Viena come confine tra el Lonbardo-Veneto austriaco e ło Stato deła Ciexa. Dopo l'unità d'Itałia el xe sta mantegnù come confine tra el Vèneto e l'Emilia-Romagna.

Ancora onquò el diałeto parlà nte ła Transpadana Ferarexe el xe, apunto, el diałeto ferrarexe.