Torino Football Club
| Torino FC Bałon  |
||||
|---|---|---|---|---|
| 140px | ||||
| El Toro; I Granata | ||||
| Segni distintivi | ||||
Maje
|
||||
| Cołori sociałi | 10px Granata | |||
| Sinbołi | Toro | |||
| Ino | Core Toro Statuto |
|||
| Dati societari | ||||
| Çità |  Torino |
|||
| Paexe |  Itałia |
|||
| Confederasion | UEFA | |||
| Federasion | FIGC |
|||
| Canpionato | Serie B | |||
| Fondasion | 1906 | |||
| Presidente | Urbano Cairo |
|||
| Ałenador | Giampiero Ventura |
|||
| Stadio | Stadio Olimpico (27.994 posti) |
|||
| Sito web | torinofc.it | |||
| Palmarès | ||||
  |
||||
| Scudeti | 7 | |||
| Trofei nasionałi | 5 Cope Itałia |
|||
| Trofei internasionałi | 1 Copa Mitropa | |||
| Se invita a seguir el schema del Projeto Spor | ||||
El Torino Football Club (conosesto cofà el Toro) el xe un club de bałon itałian, de ła çità de Torin. El xe stà fondà inte'l 1906 e el ga xugà scuaxi senpre in Serie A.
Inte i ani '40 del '900 el Toro el ga visuo uno de i so momenti mejo vinçendo çincue scudeti consecutivi, ma el 4 de majo 1949 el reoplan che el riportava a Torin ła scuadra, dopo na amichevołe a Lisbona, el xe ndà doso a ła Baxełega de Superga. In sto inçidente, conosuo cofà ła tragedia de Superga, xe morti tuti i xugadori de cueło che ancora deso el vien ciamà el Gran Torin. Sto tragico evento el vien ricordà ogni ano, co na sorta de pełegrinajo a Superga, da i tifoxi de'l Toro.
Indice |
Istòria[canbia]
Ła fondasion[canbia]
El xugo del bałon el riva a Torin verso ła fine del otosento, pa' inisiativa de industriałi svisari e inglexi. Xà inte'l 1894 ghe jera almanco do scuadre: 'l Internasionałe Torin e 'l Football Club Torinexe. Inte'l 1900 el Football Club Torinexe el asorbe 'l Internasionałe Torin.
El 3 de diçenbre del 1906, inte ła bireria Voigt de via Pietro Micca, un grupo de disidenti de ła Juventus, guidai dal svisaro Alfredo Dick, che no i condividea ła svolta verso el profesionismo de ła soçetà bianco-nera, i se alea co'l FC Torinexe. Nase cusita el Football Club Torin. El primo presidente el xe el svisaro Hans Schönbrod. Ła nova soçetà ła adota el granata cofà cołore sociałe, al posto del xało-nero a striche verticałi del FC Torinexe. Canpo da xugo, fin al 1910 el xe el vełodromo Umberto I.
I primi pasi[canbia]
El primo incontro uficiałe el vien xugà el 16 de diçenbre del 1906 a Versełi contro ła Pro Versełi e 'l vien vinto 3 a 1 dal club torinexe. El primo derby co ła Juve el vien xogà inte'l vełodromo Umberto I el 13 de xenaro del 1907: el Toro el vinse par 2-1. Un mexe dopo i granata i vinse anca ła rivinsità par 4-1.
Inte'l 1912 entra a far parte del staf tenico Vittorio Pozzo. Inte'l 1914 i granata i va in turnè inte ła Merica del Sud, su sie partie xogae el Toro ghi ne vinse sie. Co'l inisio de ła Guera Granda vien sospexo el canpionato co manca na partia a ła fine: el scudeto el va al Genoa, el Torin el riva secondo a do ponti, e ghe mancava propio ła partia de ritorno co i xenovexi (andata vinta da i granata par 6 a 1).
Finia ła guera el canpionato el riscomisia inte'l otobre del 1919. Inte ła stajon 1920/1921, co no existeva gnancora el giron ugnoło ma na serie de gironi rejonałi seguìi da cuatro gironi de semifinałe, el Torin el xe rivà, inte'l so giron de semifinałe, parimerito co'l Legnan e xe sta cuindi neçesario un sparejo. Finìi i tenpi regołamentari 1-1 se ga dovesto ndar vanti co i suplementari (do e da mex'ora). Finìi i suplementari łe scuadre łe jera ncora in parità, 'l arbitro el ga cuindi fato scuminsiare un terso suplementare, ma dopo oto minuti łe do scuadre, de comun acordo, łe ga sielto de no proseguir e anca de no ripeter ła partia. Pare che sta partia ła sia ła pì longa mai xogà in Itałia.
El primo scudeto[canbia]
Inte'l 1924 vien eleto presidente del Torin el conte Enrico Marone Cinzano. Da suito Cinzano el taca operar so'l mercà pa' far na scuadra conpetitiva. Inte ła stajon 1926-27 vien inprimà el Stadio Filadelfia. Inte ła 'stesa stajon el Torin el vinse el so primo scudeto, ma el titoło el vien revocà pa' un tentativo de corusion de un tersin de ła Juve avegnuo in ocaxion del derby. Ła stajon sucesiva, 1927/1928 el Toro el se conferma canpion, e stavolta ghe vien asegnà el titoło.
A ła fełisità par ła vitoria del scudeto segue ła dełuxion pa'l abandono del presidente Cinzano. Inisia cusita un periodo de instabiłità co numaroxi canbiaminti de presidente e prestasion sportive no entuxiasmanti. Anpò da ła stajon 1936-36 taca na rinasita, co un terso posto in capionato drio de i canpioni del Bołogna e de ła Roma, ma co ła vitoria inte ła prima edision de ła Copa Itałia. Inte ła stajon 1936-37, par inpoxision del regime fasista, che no ghe comodava łe parołe foreste, el canbia el nome da Football Club a Asociasion Calcio.
El Gran Torin[canbia]
 |
Par saverghene de pì, varda ła pajina Gran Torin. |
Inte ła stajon 1939-40 el Torin el riva cuinto, ma 'l ano el vien ricordà pa'l arivo del presidente Ferruccio Novo che'l cronpa ła soçetà dal inxegner Cuniberti e che in pochi ani el costruise chel che'l vien ricordà come el Gran Torin. Inte ła stajon 1942-43 el Toro el riese a vinsare scudeto e Copa Itałia.
Par colpa de ła seconda Guera Mondiałe el canpionato del 1944 el vien divixo in do gironi. El Canpionato Alta Itałia el vien vinto da i Vixiłi del Fogo de Ła Spesia. Finia ła guera el canpionato el torna a ła normałità e 'l Toro el vinse cuatro scudeti drio fiła, rivando cuindi a sincue scudeti consecutivi (el canpionato del 1944 no'l ga un valor uficiałe). El Gran Torin el dominava i canpionati e i xogadori che i vestiva ła maja granata i jera 'l ase portante de ła nasionałe itałiana de bałon: se xe rivai diritura a 10 granata insieme in canpo co ła maja axura.
Capitan e leader de ła formasion torinexe el jera Valentino Mazzola. Ła formasion tipo ła jera: Bacigalupo; Ballarin, Maroso; Grezar, Rigamonti, Castigliano; Menti, Loik, Gabetto, Mazzola, Ossola. Ła serie de vitorie ła finise inprovixamente el 4 de majo del 1949 cuando che el reoplan che el riportava ła scuadra a Torin, dopo de na amichevołe a Lisbona, el xe ndà doso, a cauxa del całigo e de un guasto al altimetro, a ła Baxełega de Superga. In sto inçidente, conosuo cofà ła tragedia de Superga, xe morti tuti i xugadori (titołari e riserve) i tenici, do dirixenti, tri giornałisti che gheva seguio ła scuadra pa'l amichevołe e i menbri del ecuipajo. Pa' finir ła stajon 1948-49 mancava cuatro partie, e ła formasion granata łe ga xugae, e vinte, co łe giovaniłi (anca i aversari pa' rispeto i mandava in canpo i toxati) vinsendo cusita el canpionato.
I ani '50 - '60[canbia]
I ani sucesivi a ła tragedia i xe stai difisiłi pa' ła scuadra torinexe. Inte'l 1959 ghe xe sta ła prima retrocesion in Serie B. Ła scuadra ła gheva ciapà el nome Talmone Torin, pa' motivi de sponsor. 'L ano dopo, co un novo presidente (che fra łe altre robe el cava el sponsor dal nome de ła scuadra), el Torin el torna suito in Serie A.
Inte ła stajon 1964-65 el Toro riva terso in canpionato, guidà da Nereo Rocco. Idoło de i tifoxi l'ała de drita Gigi Meroni. El 15 de otobre del 1967 però Meroni el vien tolto soto da na machina mentre el traversa ła strada in Corso Umberto I a Torin. A risolevar un fià i animi de ła scuadra e de i tifuxi riva ła vitoria de ła tersa Copa Itałia.
I ani '70 - '80[canbia]
Inte ła stajon 1971-72 el Toro el riva secondo in canpionato. 'L ano prima el gheva vinto da novo ła Copa Itałia (ła cuarta).
Vintisete ani dopo de ła tragedia de Superga, inte ła stajon 1975-76 i granata i torna a vinsare el scudeto co do ponti de vantajo so ła Juve, dopo na gran rimonta. Xe 'l ano de i xemełi del gol Pulici e Graziani. Inte i do ani sucesivi el Torin el riva tute e do łe volte secondo.
Inte i ani '80 ła scuadra no ła disputa canpionati al vertise, a parte cheło del 1984-85 che ła vede seconda drio del Hellas Verona. A la fine del canpionato 1988-89 el Torin el retrosede pa' ła seconda volta in serie B.
I ani '90 e 'l fałimento[canbia]
Dopo na rapida risałita in Serie A co el tenico Fascetti, el Torin el se afida, pa' ła stajon 1990-91 al novo alenador Emiliano Mondonico che'l porta ła scuadra al cuinto posto, otegnendo cusì ła cuałificasion a ła Copa UEFA. 'L ano dopo el Toro el riva terso in canpionato e in copa el riva a xogarse ła finałe contro 'l Ajax, dopo ver batuo in semifinałe el Real Madrid. Vinse i olandixi grasie a ła regoła de i gol in trasferta in caxo de parità: a Torin infati ła jera finia 2 a 2, el ritorno invese el xe sta un 0-0. 'L ano dopo i granata i vinse ła cuinta Copa Itałia, contro ła Roma. Anca in sto caxo decixiva ła xe stata ła regoła de i gol in trasferta (andata a Torin 3-0, ritorno a Roma 5-2 pa' i xało-rosi).
I ani sucesivi i xe de crixi pa' ła scuadra torinexe: sia par cuanto rivarda el lato sportivo che pa'l lato economico (se riva scuaxi a ła bancarota). Inte'l 1995-96 el Toro retrosede pa' ła tersa volta in serie B. Stavolta no'l riusirà a tornar su suito ma ghe tocarà farse tri ani de B. El ritorno in A el riva inte ła stajon 1998-99 grasie al secondo posto in Serie B, 'l ano prima el Toro el gheva perso a i rigori el sparejo promosion contro el Perugia. Ma xà 'l ano dopo el tornarà da novo in B.
Dopo calche ano de "su e xò" tra la Serie A e ła Serie B, inte ła stajon 2004-05 i granata i torna in A dopo un novo sparejo contro el Perugia. Ma el Toro no'l podarà iscrivarse a ła masima serie pa' colpa de i debiti fati da łe ulteme gestion. Dopo na serie de ricorsi a ła justisia sportiva e aministrativa el Torin el vien dichiarà fałio. Nase cuindi na nova soçetà che la dimanda 'l amision al Lodo Petrucci, che'l garantise el trasferimento a ła nova soçetà del titoło e de i meriti sportivi, in modo da evitar de dover ripartire da canpionati no profesionistisi, e ła invia łe pratiche par l'iscrision al Canpionato de Serie B (el lodo el prevede che se posa iscrivarse al canpionato pena soto de cheło che se gavaria dovesto xugar). Ła nova soçetà la vien suito riłevà da un novo presidente: Urbano Cairo, che 'l ano dopo el cronpa a l'asta łe cope e i cimeli de ła vecia soçetà.
L'era Cairo[canbia]
El novo Toro el riusirà a risałir suito in Serie A, vinsendo i play-off de ła serie B (batindo Cesena e Mantova. Segue tre stajon consecutive in Serie A e po tre stajon in Serie B, co continui canbi de ałenador.
Cronistoria[canbia]
| Cronistoria del Torin Football Club | ||
|---|---|---|
|
|
|
Palmarès[canbia]
Trofei uficiałi[canbia]
Canpionato itałian: 1 (revocà)
Copa Mitropa: 1
Trofei xovaniłi[canbia]
Sponsor[canbia]
Statisteghe[canbia]
Record[canbia]
Tifuxi[canbia]
Note[canbia]
- ↑ A seguito de łe decixion del Diretorio Federałe in merito a i fati rivardanti el Caxo Allemandi, el scudetto vinto dal Torin inte'l Canpionato 1926-1927 el xe sta revocà e no pì asegnà.
.png){kind=small}
_con_croce_Rosso_e_Giallo.png){kind=small}
_con_Pallone.png){kind=small}
.png){kind=small}
_e_Rosso_e_Nero_(Strisce).png){kind=small}
_e_Blu_e_Giallo_(Strisce).png){kind=small}
_con_croce_di_San_Giorgio_Bianca_e_Rossa.png){kind=small}
.png){kind=small}
