Tor del Rełogio (Venesia)

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Tor del Rełogio


Ła Tor del Rełògio in Piasa San Marco

Ła Tor del Rełògio xe un edificio rinasimental situà in Piasa San Marco a Venesia.

L'edificio consta de na tor sentral, costruìa intra el 1496 e el 1499 da l'architeto Mauro Codussi, e do a łe lateràne, xontàe indriomàn. Ł'arco che ghe xe soto cołega ła Piasa cołe Marserìe.

El quadrante del rełògio xe in oro e smalto blu; segna ora, dì, faxi łunari e xodiaco. Un primo restàuro xe stà reałixà inte el 1757. El restàuro moderno , scominsià inte el 1997, xe stà finìo inte el maxo del 2006 e inaugurà a ła mexanote del 27 magio[1].

El rełògio ga anca un mecanismo a carillon, ativà tradisionalmente inte el dì de ła Pasquéta. A ogni bater d'ora, el paneło lateràn de łe ore se verxe par łasàr pasàr un caruxel de statue in legno raprexentanti i personàxi de ła Natività e i Re Maji. Łe statue, strasinàe da un mecanismo a binario łongo ła piataforma semisircołar pósta sora al quadrante, rientra po' inte ła Tor atraverso el paneło lateràn dei minuti situà dal lai oposto del Rełògio.

I Mori[canbia | canbia el còdaxe]

Famoxi xe i cussìditi Mori de Venesia, soranominài cussì par el so cołór bruno dai Venesiani, posti in sima a na teràsa, xe do statue de bronxo rafegurànti do pastóri che bate co na masa łe ore su na granda canpana. I xe un mucio simiłi ma difarenti in un particołàr, uno ga ła barba l'altro no xe cussì che vien desferensià el moro vecio da quel'altro xóvene. Infati ła canpana sona ben 2 volte : ła prima do minuti 'vanti de l'ora exata, ad òpara del moro vecio che raprexenta el tenpo che xe pasà, mentre el moro xovene sòna l'ora exata par raprexentàr el tenpo che vegnarà.

Linganbi foresti[canbia | canbia el còdaxe]

  1. (IT) Renato e Franco Zamberlan, Un restauro controverso, Horological Journal del Febbraio 2001

Altri progeti[canbia | canbia el còdaxe]


Łigamenti foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tor_del_Rełogio_(Venesia)&oldid=1091580"