Tippu Tip

Da Wikipedia, l'ençiclopedia libara.
Va a: navigasion, serca
Tippu Tip

Tippu Tip (1837 – 14 giunio 1905) xe stá el pi potente tra i marcanti de sciavi de l'Africa Oriental. El so vero nome xera Hamed bin Mohammed bin Juma bin Rajab bin Mohammed bin Said el Murgebi. Tippu Tip gavea sete grose piantagioni de ciodi de garofano en Zanzibar. A l'apice de la so potensa, el controlaa tute le carovane che partea da la costa de la Tanzania. El gavea vilagi fortificai en Malawi e Congo.

Vita[canbia | canbia sorxente]

Tippu Tip xera el fiol de Mohammed bin Juma bin Rajab bin Mohammed bin Said el Murgebi, un rico marcante Swahili, e de Bint Habib bin Bushir, fiola de na rica fameja de Muscat, ligá da parentela co la fameja dl sultan de Muscat. So bisnona materna, la mojer de Rajab bin Mohammed bin Said el Murgebi, xera la fiola de na fameja omanita ligá al sultan. Co ste entrature, Tippu Tip gha seguio so pare e so zio ne la trata de i sciavi e ne la produsion de ciodi de garofano, che esportava a Muscat, ne le Indie, e in Europa. Dotá de un bon fiuto politico, el xe rivá a controlare el Congo de l’est e la zona rente al Lago Niassa. Gha costruio vilagi fortificadi e montava la cacia a i sciavi. Quasi tuti i esploratori de l’Africa de l’Est gha seguio le so carovane quando i scopriva l’Africa par conto de le societá geografiche eoropee.

Durante i so viagi, gha speso aiutá esploratori e misionari inglexi che se gavea perso o che no gavea pi da magnare. Tra questi ghe Henry Morton Stanley, che xera andá in Africa par ‘salvare’ Livingstone. Nel 1887 fu eleto governatore de el Distretto de le cascate de Stanley en tel Congo. Nel 1891 gha lasá el distreto par ritirarse a Zanzibar, dove gha scrito la so autobiografia in swahili, usando l’alfabeto arabo. El so libro fu subito tradoto en todesco e dop anca en inglexe. Tippu Tip gavea on harem ben fornio, che visitava tuti i di, e diexemila sciavi che lavoraa ne le so piantagioni a Zanzibar. L’è morto ne la so casa de Stone Town, la cavedal de Zanzibar.