Three's Company
  | |
 | |
| Paeze | Stati Unii de ła Amèrica |
|---|---|
| Ano | 1977-1984 |
| Tipo fiction | serie TV |
| Zènare | sitcom TV statunitensa |
| Spàsio d'anbientasion | Los Angeles |
| Caraterìsteghe tècneghe | |
| Forma d'imàzene | 4:3 |
| Forma d'àudio | mono |
| Forma cołor | cołore |
| Ecuìp tècnega | |
| Creador | Don Nicholl Michael Ross Bernie West |
| Atori |
|
| Conpangnia produtora | Three's Company Productions, The NRW Company, DLT Entertainment Ltd. |
| Destribudor | Donald L. Taffner (en)  |
| Łéngua orizenałe | inglezo |
| Canałe orizenałe | ABC |
| Durada dei capìtułi | 25 min |
| Primo epizòdio | 15 de marso 1977 |
| Ùltemo epizòdio | 18 de setenbre 1984 |
| Stajon | 8 |
| Epizodi | 172 |
| Lista epizodi | list of Three's Company episodes (en) |
| Òpare audiovizive ligae | |
| Sèrie orizenària | Man About The House |
| Spin-off | Three's a Crowd The Ropers |
| Altre | |
| Pì informasion | |
| Sito web | threescompany.com |
| |
Three's Company ła ze na sit-com 'mericana trasmetesta par oto stazon da'l 1977 a'l 1984 so'l canałe ABC. La serie l'è el Remake de ła serie ingleze Man About The House. La serie dopo un mucio de ani, ła vien replicà so'l canałe Frisbee 'rento el programa "Seratissima" tute łe sere a łe ore 22.00
Trama[canbia | canbia el còdaxe]
I protagonisti de ła serie i ze do toze, Janet Wood e Christmas "Chrissy" Snow[1] (na fiorèra e na segretaria), e Jack un tozo che'l studia par deventàr chef. Jack el se trasferise in carbona de Janet e Chrissy parchè ła incuiłina che ghe gera prima ła łasa e ła va via anca parchè ła se gà spozà. Parsonazi recorenti i ze el siòr e ła siora Rooper, propietari de cueła caza dove vive i tozi. El sior Rooper no'l parmete ła convivensa de fiòłi che i ga seso difarente, donca Janet ła ghe dize che Jack el ze gay e in 'sto modo el tozo el otien el parmeso de poderse stabiłìr łà anca łu. Durando el segondo epizodio ła siora Rooper ła scoverze che Jack in realtà el ze normałe, ma no ła ghe ło dize a só marìo stando tante volte da ła parte dei fiòłi. I tre tozi de frecuente i va al pub de'l cuartièr, L'Arcobaleno (The Regal Beagle inte ła varsion orizenałe). El zènare de'l tełefilm el se pol definìr de segùro comedy e łe batùe łe ze frecuentemente łigàe a ła sesuałità pensìłe de Jack, a l'inpotensa sesuałe de'l siòr Rooper e ai momenti de "Barbie bionda" de Chrissy.
Da ła cuarta stajon fin 'vanti po' el cast el subise revołusion łigàde a ła fegura bionda: Chrissy ła parte e po' ghe tòca a só zermàna Cindy ciapàr el só posto (un uragàn-spacatuto pì alta de Jack) e po', cuando Cindy ła parte par l'univarsità, l'infermiera Terry. Da ła cuarta stazon al grupo A se zontarà Larry, un visin de caza strasafémene che'l se inamorarà de ła beła Terri , sensa venjir corespondesto.
Parsonazi e interpreti[canbia | canbia el còdaxe]
Parsonaji prensipałi[canbia | canbia el còdaxe]
Jack tripper (173 epizodi, 1976-1984), intarpretà da John Ritter. Dopo eser stà catà da Chrissy inte ła vasca da banjo de'l partaménto suo e de Janet e, dopo aver strénzesto conosensa co łe do tozàte, el vien siełesto cofà novo coincuiłìn, in modo cusì da podér spartìrse l'afìto de'l partaménto in modo pì guałìvo, Jack el se mostra èsar un tozo amighévołe, da ła batùa senpre pronta e màsime cortezanon, altra carateristega de'l parsonajo ła consìste inte łe só vełeità de playboy, durando ła serie el zmoroza de frecuente co Janet, Chrissy, Cindy e Terri venjendo parò suìto respénzeto da łe concuiłine. El só sonjo el ze cueło de aver un ristorante, che'l riusirà a reałizàr co ła vertùra de'l Jack's Bistro, restorante franseze de só propietà. Durando l'ùltemo epizodio, el łasarà el partaménto pa' ndar a vìvar co Vicky Bradford, hostess conosùa durante un zvòło in aereo par cui Jack el se inamorarà.
- Janet Wood (171 epizodi, 1976-1984), intarpretà da Joyce DeWitt. Jenet ła se prezenta cofà na toza asenà e coi pié par tèra, contraponendoła de fato a ła só amiga Chrissy. 'Sta só aparente fredesa patòca óa vien a mancàr danansi a situasion potensialmente parigołoze, deventando inpulsiva e irasionałe, ła só profesion de fiorera ła ze màsime navegà de botànega, come se połe rimarcar (osarvar) da ła granda rata de piante che ła gà inte'l partaménto. Durando l'ùltema stajon ła incontrarà Philip Dawson, co'l cuało ła se maridarà durando l'ùltemo epizodio de ła serie.
- Larry Dallas (116 epizodi, 1977-1984) intarpretà da Richard Kline. Larry el vive inte'l partaménto che'l ze de sòra ai tre. El se mostra come un playboy sensa scrùpołi e moràłe, rivando ad uzàr subdołi truchi par remurciàr (in una pontàda el dize de èsar el somejàro nùmaro 1 de Playboy). Ma siben el sia cusì, el se mostra come un amigo fedełe e tanto protetivo inte i confronti de ła só sorèłina. Larry el ga orìzene greghe (el só conjome vero l'è Dalliapoulos, ma el ło gà canbia parchè no'l gera bon de scrivarlo), fenìa ła serie el s'a trasferìo a Bakersfield.
- Ralph Furley (113 epizodi 1979-1984), intarpretà da Don Knotts. Dopo ła partensa de Stanley e Helen Roper, Ralph Furley el deventa el nòvo propietario de'l condominio indove abitava i protagonisti. Mr Furley el zeun omo de meza età, che'l se vede in modo parisénte e da'l carater rico de sfasetadure difarenti. El vanta na granda spetansa in tanti canpi (anca se no'l ze bon de zvòlzer nisun de st'altri). El ama proponerse cofà un playboy, siben no'l gabia tanto suceso co łe donne. El par èsar scuazi spaventà da só Bart, rivando a stremìrse al soło sentirlo mensonàr.
- Chrissy Snow (89 epizodi, 1976-1981), interpretà da Suzanne Somers. Ła prima de łe tre "fegure bionde" de ła serie. Na segretaria savariàda, inzenua e da ła làgrema fàsiłe. A cauza de ła só fonda rełiziozità de ła só fameja ła tende a no capir i dopi sensi de łe batùe e ła se vede refudàr pì volte dei omeni inte'l corso de ła serie. Ła łasarà el partaménto par tonàr a Fresno (só sità de nasita), par badàr só mare małà, continuando comunque a far curte aparision tełefonando a Jack o a Janet. Anpo', cuando el posto de coincuiłina el vien ciapà da Terri, ła moła definitivamente de aparìr, sénjo che , fursi, Chrissy ła ga desidesto de tajar i contati co i do coincuiłini.
- Terri Alden (70 epizodi, 1981-1984), intarpretà da Priscilla Barnes.
- Helen Roper (57 epizodi, 1976-1982), intarpretà da Audra Lindley.
- Stanley Roper (56 epizodi, 1976-1981), intarpretà da Norman Fell.
- Cindy Snow (29 epizodi, 1980-1982), intarpretà da Jenilee Harrison.
Parsonazi segondari[canbia | canbia el còdaxe]
- Lana Shields (13 epizodi, 1979-1980), intarpretàda da Ann Wedgeworth.
- Frank Angelino (12 epzodi, 1979-1983), intarpretà da Jordan Charney.
- Jim the Bartender (11 epizodi, 1977-1980), intarpretà da Paul Ainsley.
- Mike the Bartender (10 epizodi, 1981-1983), intarpretà da Brad Blaisdell.
- Dean Travers (6 epizodi, 1977-1981), intarpretà da William Pierson.
- Felipe Gomez (6 epizodi, 1981-1982), intarpretà da Gino Conforti.
- Linda (5 epizodi, 1978-1982), intarpretàda da Anne Schedeen.
- Gimbel (5 epizodi, 1978-1982), intarpretà da Mickey Deems.
- Marge Andrews (5 epizodi, 1978-1984), intarpretà da Sheila Rogers.
- Phillip Dawson (4 epizodi, 1984), intarpretà da David Ruprecht.
- Reverendo Snow (3 epizodi, 1978-1979), intarpretà da Peter Mark Richman.
- Arlene Price (3 epizodi, 1977-1984), intarpretàda da Sondra Currie.
- Roland Wood (3 epizodi, 1979-1983), intarpretà da Macon McCalman.
- Chauffeur (3 epizodi, 1980-1984), intarpretà da Joe George.
- Didi (3 epizodi, 1981), intarpretàda da Shell Kepler.
- Barbara Howard (3 epizodi, 1979-1984), intarpretada da Taaffe O'Connell.
- Chuck (3 epizodi, 1981-1984), intarpretà da Britt Leach.
- Mrs. Alden (3 epizodi, 1981-1983), intarpretàda da Mina Kolb.
- Dottor Phillip Greene (3 epizodi, 1981-1982), intarpretà da Jeffrey Tambor.
- Vicky Bradford (3 epizodi, 1984), intarpretàda da Mary Cadorette.
- James Bradford (3 epizodi, 1984), intarpretà da Robert Mandan.
- J.C. Braddock (2 epizodi, 1978-1979), intarpretà da Emmaline Henry.
- Dottor Prescott (2 epizodi, 1979-1980), intarpretà da Joel Brooks.
- Compton (2 epizodi, 1977-1978), intarpretà da J.J. Barry.
- Elliott (2 epizodi, 1979-1980), intarpretà da Daniel Trent.
- Rita (2 epizodi, 1977-1982), intarpretà da Jenifer Shaw.
- Uomo (2 epizodi, 1978-1983), intarpretà da Paul Barselou.
- Michael (2 epizodi, 1978-1981), intarpretà da Michael Bell.
- Bill Martin (2 epizodi, 1979-1983), intarpretà da Rod McCary.
- Marsha Whitewood (2 epizodi, 1979-1982), intarpretà da Ruta Lee.
- Bobby Trilling (2 epizodi, 1980-1983), intarpretà da Joanna Kerns.
- Katy Williams (2 epizodi, 1978-1981), intarpretà da Lois Hamilton.
Epizodi[canbia | canbia el còdaxe]
| Stajon | Epizodi | Prima TV USA | Prima TV Itałia |
|---|---|---|---|
| Prima stajon | 6 | 1977 | 1984 |
| Segonda stajon | 25 | 1977-1978 | |
| Tersa stajon | 22 | 1978-1979 | |
| Cuarta stajon | 25 | 1979-1980 | |
| Cuinta stajon | 22 | 1980-1981 | |
| Sesta stajon | 28 | 1981-1982 | |
| Sètema stajon | 22 | 1982-1983 | |
| Otava stajon | 22 | 1983-1984 |
I ùltemi 2 epizodi de ła sesta stajon i ze na rancura de tòchi dei mejo momenti de ła serie, prezentài da ła star tełeviziva Lucille Ball.
El zlanso del spin-off I Roper el gera stà fato ła sera stesa de l'epizodio Fuori Campo (che'l ze rezultà el pì vedesto de l'intièra serie). Dopo 'sta pontàda, la tersa serie de Tre cuori in affitto ła ze stà intaronpesta par trazméter ła prima stajon de ła nòva sitcom.
Spin-off[canbia | canbia el còdaxe]
|
Par savèrghene de pì, vardarse łe voxe I Roper e Tre par tre. |
So'l fenìr de de ła tersa stajon, inte'l 1979, Helen e Stanley Roper i vende el stàbiłe ndove ch'A ze anbientàe łe aventure de Tre cuori in affitto, i se trasferise in un quartièr de alto liveło, dando cusì vita a'l spin-off I Roper (The Ropers), remake de ła sitcom britànega George e Mildred (a só volta spinoff de Un uomo in casa).
Audra Lindley e Norman Fell, i atori che i raprezentava i coniuzi Roper, titubanti de ła sielta dei produtori, domanda e otien na una clauzoła che ła prevedeva el so reintegro ne ła serie orizenàl inte'l cazo de scansełasion de ła nova sitcom entro el primo ano de vita. Daspò un bon suceso inte ła prima stazon (8º posto inte ła clasifega dei ascolti), ła segonda stazoon ła paga el spostamento inte'l palinsesto e el confronto co ła serie NBC CHiPs e ła vede cascar i ascolti fìn a'l 52º posto. Pasà un ano da'l scominsio de I Roper ła ABC ła anunsia che ła sitcom ła ze serà, anca se ghe ze stà un bon recuparo inte i ascolti (25º posto) grasie a un novo orario de programasion. Norman Fell el ga dà bataja, sensa suceso, par èsare reintegrà in Tre cuori in affitto, acuzando i produtori de aver vołutamente atendesto el scader de ła clauzoła 'vanti de comunegar ła seràda decisidesta da tenpo. I coniuzi Roper i ga fato n'altra aparision, in cuałità de guest star, inte l'epizodio Notte d'argento inte'l córar de ła quinta stajon.
Drìo ła seràda de Tre cuori in affitto, inte'l 1984, el parsonajo de Jack Tripper (John Ritter) el ga seità łe só aventure inte ła nova sit-com Tre par tre (Three's a Crowd), remake de Il nido di Robin, serà daspò na ùnjoła stajon a cauza dei scarsi ascolti.
Ascolti[canbia | canbia el còdaxe]
| Stajon | Clasifega scolti[2] |
|---|---|
| Prima stajon | 11 |
| Segonda stajon | 3 |
| Tersa stajon | 2 |
| Cuarta stajon | 2 |
| Cuinta stajon | 8 |
| Sesta stajon | 4 |
| Sètema stajon | 6 |
| Otava stajon | 35 |
Note[canbia | canbia el còdaxe]
- ↑ Il nome Christmas viene svelato nella puntata della seconda serie Fiacco Natale
- ↑ TV Ratings, in ClassicTVHits.com. entrada il 26 marzo 2021.
Linganbi foresti[canbia | canbia el còdaxe]
- (inglezo) Sito ufisałethreescompany.com. Sconosesta: inglezo (juto)
- (EN) Three’s CompanyEnçiclopedia Britannica, Encyclopædia Britannica, Inc.
- Three's CompanyIl mondo dei doppiatori, AntonioGenna.net.
- (EN) Three's CompanyInternet Movie Database, IMDb.com.
- (EN) Three's CompanyRotten Tomatoes, Flixster Inc.
- (EN) Three's CompanyMetacritic, CBS Interactive Inc.
- (EN) Three's CompanyTV.com, CBS Interactive Inc.
Scheda su Three's Company de l'Internet Movie Database