Theodoros Katsanevas

Da Wikipedia, l'ençiclopedia libara.
Va a: navigasion, serca

Theodoros Katsanevas (in grègo: Θεόδωρος Κατσανέβας; Atene 13 de marso 1947) el xe un puƚitego grègo.

El xe sta presidente de l'Organixasion grèga par 'l inpiego de manodopara (Οργανισμός Απασχόλησης Εργατικού Δυναμικού, OAED) dal 1981 al 1985 e del Istituto de Sicuresa Sociaƚe (Ίδρυμα Κοινωνικών Ασφαλίσεων, IKA) dal 1985 al 1989. El xe sta anca deputà pa'l PASOK (Movimento Sociaƚista Panelenego) dal 1989 al 2004.

Biografia[canbia | canbia sorxente]

Dopo esarse laureà in economia a l'Universidà del Pireo, Katsanevas el ga fato un master in Reƚasion industriaƚi a l'Universidà de Warwick e un Ph.D. in economia del laoro a ƚa London School of Economics and Political Science. El ga partesipà a ƚa rexistensa contro el rexime dei coƚoneƚi e 'l xe sta infrà i fondatori del PASOK.

Inte'l 1981 el xe sta infrà i estensori del programa del Goerno Papandreou I e 'l ga otegnùo ƚa nomina a l'ente statal pa'l inpiego, l'Organixasion grèga par 'l inpiego de manodopara, par pasar po al Istituto de Sicuresa Sociaƚe inte'l 1985. Inte'l 1989 el xe sta eleto deputà inte ƚa seconda circoscrision de Atene pa'l PASOK, che'l ga raprexentà fin al 2004. In chel ano, ƚu e altri oto parlamentari i xe stai escluxi da ƚe candidaure dal partìo steso[1].

Fin al divorsio, avegnùo inte'l 2000, Katsanevas el xe sta spoxà co Sofia Papandreou, fioƚa del fondator del PASOK Andreas Papandreou. Co na postila al so testamènto, vèrto inte'l setenbre 1996, Papandreou el ga definìo el xenero «ƚa vergògna de famèja»[2][3][4].

Inte'l 1998 'l editor Spyros Karatzaferis el ga publicà, so ƚa prima pàgina del xornal Athinaiki (Αθηναϊκή), na somèja de Katsanevas pròpio co ƚa didascaƚia «Vergògna» (Όνειδος, òneidos); par sto motivo, inte'l 2003, Karatzaferis el xe sta condanà par difamasion da un tribunal ateniexe a un rixarsimento de 10 milioni de dracme (sirca 30 miƚa euro)[5][6].

El 1º de majo 2013 el ga fondà un novo movimento, Dracma - Movimento Democratego Grègo Sincue Steƚe (ΔΡΑΧΜΗ, Ελληνική Δημοκρατική Κίνηση Πέντε Αστέρων), che se ispira al italian Movimento 5 Steƚe[7][8].

El 26 de genaro 2014, Katsanevas ghe ga fato cauxa a un aministrador de ƚa Wikipedia in lengua grèga, dimandando ƚa condana a un rixarsimento de 200.000 euro e a un ano de recluxion, par no 'ver cavà da ƚa voxe a ƚu dedicà ƚa parte rivardante el testamènto de Andreas Papandreou, da Katsanevas ritegnùa difamatoria[6].

Note[canbia | canbia sorxente]

  1. (EL) «Εκτός ψηφοδελτίων ΠΑΣΟΚ οι «εννέα» που υπέγραψαν την τροπολογία για το Πόρτο Καρράς». In.gr, 23 de genaro 2004. URL consultato in data 13 de febraro 2014.
  2. (IT) Antonio Ferrari. «Atene: il fattore Mimi' s'abbatte sul voto». Corriere della Sera, 21 setenbre 1996, p. 11. URL consultato in data 14 de febraro 2014.
  3. (IT) M. M.. «I veleni di Dimitra» (pdf). La Stampa, 23 setenbre 1996, p. 9. URL consultato in data 16 de febraro 2014.
  4. (EN) Katsanevas Papandreou. The Baltimore Sun, 29 de setenbre 1996. URL consultà el 15 de febraro 2014(archiviato in data 15 de febraro 2014)
  5. (EL) «Συνέλαβαν τον Σ. Καρατζαφέρη για χρέος στον Κατσανέβα». enet.org, 17 majo 2003. URL consultato in data 14 de febraro 2014.
  6. 6,0 6,1 (EN) Κώστας Εφήμερος. «How a Greek politician is attempting to rewrite history by suing Wikipedia, the online encyclopedia he doesn't understand». ThePressProject.net, 13 febraro 2014. URL consultato in data 14 de febraro 2014.
  7. (IT)Ettore Livini. [http://www.repubblica.it/economia/2013/05/08/news/grillo_fa_proseliti_in_grecia_via_al_partito_dracma_5_stelle-58342608 «Grillo fa proseliti in Grecia: via al partito "Dracma 5 stelle"»]. repubblica.it, 6 majo 2013. URL consultato in data 14 febbraio 2014.
  8. (IT)Gabriele Vallin. Grecia: nasce Drachma Movimento democratico Cinque Stelle, il Beppe Grillo greco: "Basta austerità, torniamo alla nostra moneta". 20 de majo 2013. URL consultà el 15 de febraro 2014(archiviato in data 15 de febraro 2014)

Ligamenti foresti[canbia | canbia sorxente]