Tenpo Coordenà Universałe
Da Wikipedia, ła ençiclopedia libara.
El Tenpo Coordenà Universałe (engl. Universal Coordinated Time, UTC -- fr. Temps Universel Coordonné) l'è na mixurazsion de tenpo stàndard atòmica a alta precixion. In póche parołe el xe el fuxo oràrio de riferiménto par calcołar tuti i altri fuxi orari.
El xe fato da secundi uniformi definìi dal Tenpo Atòmico Internazsionałe (TAI), zontando o cavando dei secundi a intervałi iregołari par conpensar el rałentaménto de ła rotazsion terestre e altre difarenzse pi cee. Cavar o zontar secundi serve par tegner l'UTC in lìnea col Tenpo Universałe (Universal Time, UT), un stàndard de tenpo baxà su ła rotazsion angołar de ła Tera invezse che sul pasajo uniforme dei secundi.
I fuxi orari del móndo i vien calcołai e espresi come spostaminti poxitivi o negativi rispeto l' UTC. El tenpo locałe l'è l'UTC pi ła difarenzsa de tenpo par ła locałità considarà, pi n'altra difarenzsa (de sòłito +1) par l'óra legałe, se ła xe in vigor. L'UTC el ga sostituìo el Tenpo Medio de Greenwich (Greenwich Mean Time - GMT) dal 1 de Zenaro del 1972 come baxe par el cónto del tenpo in varie region.[1]
L'UTC el vien anca ciamà Óra Zulu (Z) da varie e aviazsion miłitari e zsiviłi del móndo.
