Telecomando

Da Wikipedia, ła ençiclopedia lìbara.

El telecomando el xe un dispositivo eletronico che permete de comandar a distanza un altro dispositivo, come na televixion, un inpianto stereo, un cancel automatico, na machineta o n'aeroplanin radiocomandà e tante altre robe. De solito el xe un ogeto 'bastanza picenin, che se pol portar in giro facilmente, e el xe alimentà da na bateria. El xe comodo asè parché par esenpio se pol vardar la televixion tranquilamente sentà, senza bisogno de alzarse ogni tanto par canbiar canal; opure quando te rivi casa in machina, se te ghe el porton eletrico basta che te machi el boton e lu el se verze da solo, senza che te desmonti. El funziona mandando un segnal eletromagnetico che vien ricevùo dal dispositivo da comandar. A seconda dei casi, el segnal el pol esar de vari tipi: se la distanza la xe curta (pochi metri) e no ghe xe ostacoli in mezo, come nel caso de la televixion, se dopara le onde infrarosse, in altri casi se dopara le onde radio.