Tanoni

Tanoni

Tamus communis

Clasificasion sientìfega

Regno: Plantae Divixion: Magnoliophyta Clase: Liliopsida Órdene: Dioscoreales Fameja: Dioscoreaceae Gènare: Tamus Spece: T. communis

Nomenclatura binomiałe

Tamus communis L., 1753

Sinonimi

Dioscorea communis (L.) Caddick & Wilkin, 2002

I tanoni o baùxi o fruti del diavoło o łigabosco (nome sientifego Tamus communis) xe na pianta ranpegante deła fameja dełe Dioscoreaceae. Sta pianta ła se ranpega su pai bar e i albari e in primavera ła buta fora picołe perle rose (no magnarle: łe xe tosiche). Se tira su invese i buti, ke par i turioni dei spàraxi, ke se pol metare soto axedo o farghe insieme un rixoto o magnarli coti. I se pol anca cuxinare con aqua de bojo prima, e dopo i se pol desfrizare coł'ojo o metarli 'ntełe fortaje.

Perle de tanoni

Difusion

I tanoni i se trova in Europa, Nord Africa e Axia ocidentałe.

Habitat

I tanoni crese dal łiveło del mare ała montagna.

Sostanse drento i tanoni

Foje e perle de tanoni

I tanoni ga drento:

• osałato de calcio
• potasio
• saponine
• tanini
• na sostansa ke ghe someja ał'istamina