Strada dełe Gałerie

Da Wikipedia, l'ençiclopedia libara.
Va a: navigasion, serca
Ł'ultimo toco deła Strada dełe Gałerie, coi resti deł'oservatorio miłitare e Sima Palon suło sfondo

Ła Strada dełe Gałerie ła xe na mułatiera scavà 'nteła piera, longa sie kiłometri e mexo, con 52 gałerie, durante ła prima guera mondiałe. I Tałjàn ghe ga laorà, par farla in sie mesi, dal febraro ał'agosto del 1917 (ma la xe sta finia solo en novembre), co 600 operai e ła trentatreesima Conpania Minadori del 5° Genio della prima Armada , soto el comando del tenente Giuseppe Zappa prima e il capitan Corrado Picone (nomen omen) dopo. Xe sta necesario farla parkè i Austriaci i gaveva ocupà Monte Majo e de łì i sparava coł'artijeria suła Strada dei Scarubi. Ła mułatiera ła scuminsia a Bocheta Canpìłia, suła Strada dei Scarubi, a 1210 m, dove ke xe sta fata 'n'entrata monumentałe a inpiria, suła sinistra deła caresada. El troso el taca subito co na pontara a tornanti a montar su pał versante deła Val Leogra, finke no'l riva ała prima gałeria, 'ndove ke ghe xe na łapide a ricordo dei operai e dei soldà ke ga fato sta strada.

Pasagio 'nteła 15. gałeria

Dopo, el troso el continua drento e fora par na gałeria drio ł'altra, con finestroni ke varda na volta in Val Poxina e na volta in Val Leogra, senpre montando de quota. Ła gałeria pi longa de tute ła xe dicianovesima, ke ła misura trexentoventi metri, con diversi finestroni verti suła Val Leogra.

Inboco de sora deła 20. gałeria (gałeria a spirałe)

Ła ventesima gałeria ła xe scavà a spirałe drento na guja de piera. Dała ventunesima ała ventinovesima gałeria xe tuto 'n alternarse de gałerie e de trati de troso streti come viaz, tajà su profondi buroni. Pi vanti se traversa ła Val Camosara; fra ła 32. e ła 34. gałeria se cata ła parte finałe dei trosi ke vien su dal Vajo del Pino, dal Vajo del Moto e dal Vajo de Mexo. Fra ła 38. e ła 45. gałeria se riva al Paso de Fontana d'Oro, 'ndove ke sboca el Troso dei Ronle, del Vajo del Ponte e el troso deła Val Fontana d'Oro. Dopo ła 45. gałeria, ła strada core alta suła Val Canałe finke no ła riva al punto pi alto, a domiła metri pi o manco, co na beła vista sul Sojo Roxo, ła Guja del Frate e ła Pria Faveła. Pi vanti, pasando rente i resti de opere miłitari, ła se sbasa pian pianeło e ła salta fora, dopo ła 52. gałeria, proprio de fianco al Rifugio Papa.

Ultime gałerie prima del Rifugio Papa

Consiłi par l'escursion[canbia | canbia sorxente]

Ła montà ła dura 3 ore e mexa. Xe indispensabiłe portarse via na piła par vedarghe drento łe gałerie [1]. Ocio in primavera coł'ultima neve, ke ła strense el viaz e xe fasiłe sbrisiarghe sora. Mejo far de manco col bruto tenpo parkè ła piova fa cascar xo sasi e marugołoti sul troso. El tenpo mejo par far ła strada xe inisio o fine stajon parkè d'istà piena xe masa caldo. No se pol in nisuna maniera doparar ła mountain bike.

Łe Gałerie[canbia | canbia sorxente]

Número Nome Łonga Foto
1 Cap. Giuseppe Zappa 17 metri Galleria n. 1.JPG
2 Gen. D'Havet 65 metri Galleria n. 2.JPG
3 Rovereto 14 metri Galleria n. 3.JPG
4 Cesare Battisti 31 metri Galleria n. 4.JPG
5 Guglielmo Oberdan 10 metri Galleria n. 5.JPG
6 Trieste 17 metri Galleria n. 6.JPG
7 Gen. Antonino Cascino 35 metri Galleria n. 7.JPG
8 Gen. Antonio Cantore 23 metri Galleria n. 8.JPG
9 Gen. Gaetano Zoppi 78 metri Galleria n. 9.JPG
10 Nazario Sauro 12 metri Galleria n. 10.JPG
11 Magg. Giovanni Randaccio 28 metri Galleria n. 11.JPG
12 Cap. Motti 95 metri Galleria n. 12.JPG
13 Cap. Fabio Filzi 27 metri Galleria n. 13.JPG
14 Cap. Melchiori 61 metri Galleria n. 14.JPG
15 Tortona 45 metri Galleria n. 15.JPG
16 Reggio Calabria 74 metri Galleria n. 16.JPG
17 Bergamo 52 metri Galleria n. 17.JPG
18 Parma 46 metri Galleria n. 18.JPG
19 Re 318 metri Galleria n. 19.JPG
20 Gen. Luigi Cadorna 86 metri Galleria n. 20.JPG
21 Gen. Carlo Porro 20 metri Galleria n. 21.JPG
22 Breganze 8 metri Galleria n. 22.JPG
23 Gen. Luigi Capello 18 metri Galleria n. 23.JPG
Número Nome Łonga Foto
24 Bologna 16 metri Galleria n. 24.JPG
25 L'Aquila 11 metri Galleria n. 25.JPG
26 Napoli 24 metri Galleria n. 26.JPG
27 Cap. Corrado Picone 98 metri Galleria n. 27.JPG
28 Genova 14 metri Galleria n. 28.JPG
29 La Spezia 31 metri Galleria n. 29.JPG
30 Miss 10 metri Galleria n. 30.JPG
31 Gen. Achille Papa 72 metri Galleria n. 31.JPG
32 Palazzolo dello Stella 48 metri Galleria n. 32.JPG
33 33ª minatori 57 metri Galleria n. 33.JPG
34 Gen. Giustetti 132 metri Galleria n. 34.JPG
35 Trani 10 metri Galleria n. 35.JPG
36 Gen. Peppino Garibaldi 12 metri Galleria n. 36.JPG
37 Giovanni Battista Perasso Balilla 26 metri Galleria n. 37.JPG
38 Torino 29 metri Galleria n. 38.JPG
39 Mantova 53 metri Galleria n. 39.JPG
40 Trento 10 metri Galleria n. 40.JPG
41 26ª minatori 24 metri Galleria n. 41.JPG
42 Macerata 19 metri Galleria n. 42.JPG
43 Polesine 55 metri Galleria n. 43.JPG
44 Zappatori Liguria 22 metri Galleria n. 44.JPG
45 Plotone 25ª minatori 83 metri Galleria n. 45.JPG
46 Piceno 65 metri Galleria n. 46.JPG
47 Pallanza 22 metri Galleria n. 47.JPG
48 Cesena 14 metri Galleria n. 48.JPG
49 Soldato italiano 19 metri Galleria n. 49.JPG
50 Cavalieri di Vittorio Veneto 27 metri Galleria n. 50.JPG
51 Plotone minatori sardo 66 metri Galleria n. 51.JPG
52 Sardegna 86 metri Galleria n. 52.JPG

Note[canbia | canbia sorxente]

  1. (IT)Itinerari trekking sulle piccole dolomiti. URL consultà el 26 aprile 2013.


Cartografia[canbia | canbia sorxente]

Bibliografia[canbia | canbia sorxente]

  • (IT)Claudio Gattera, Il pasubio e la strada delle 52 gallerie, Valdagno, Gino Rossato Editore, 2007. ISBN 978-88-8130-017-4

Varda anca[canbia | canbia sorxente]

Ligadure foreste[canbia | canbia sorxente]