Steve Jobs

Da Wikipedia, l'ençiclopedia libara.
Va a: navigasion, serca
Steve Jobs.

Steven Paul Jobs (San Francisco, 24 febraro 1955[1] - Palo Alto, 5 otobre 2011) xè stà n'iprèndìtor e enformàtego statunitènse.

Biografia[canbia | canbia sorxente]

Xè stà aministradòr dełegà de Apple Inc.. Xè stà cofondàtòr de Apple Inc. e proprìetàrio de NeXT Computer (po acuisìa da Apple al momènto de'l so ridòrno dopo çircà 12 ani), nònché aministradòr dełegà de Pixar Animation Studios prìma del'acuìsto da pàrte deła Walt Disney Company. On cò, òltre a esar aministradòr dełegà de Apple Inc., xè stà mènbro de'l consiłio d'aministraxìon deła Walt Disney Company, de cui xè ła persòna fisèga co'l majior nùmaro de axioni. Xè nòdo par gavèr fato prodùre e conosère al grando publigo el prìmo conpùter co mouse e interfaçia a icòn. Dopo el lanso de Macintosh, el sodałixio Jobs-Wozniak (Steve Wozniak xèra staltro fondator de Apple, insième a Jobs) se scìòlse. In te' 1985 Wozniak lasò Apple Conpùter par canbìar atividà; Jobs a so vòlta entrò in ròta de cołixion co John Sculley, ł'aministradòr dełegà che lui stèso gavèva nominà, e anca lo usì dała Apple. In te' 1996 ła Apple Conpùter a xèra en crìsi; el sistema operativo Mac OS, montà sołe machìne Apple, xèra ormài obsòlèto e l'azìenda gavèva neçesità de canbiar e ofrir calcòssa de novo sol mercà. Ał'età de trènt'ani deçise de rivàrtir da capo, fondàndo na nova conpagnìa, ła NeXT Computer, co l'obìètivo de aviar na nova rivołuxion tegnołoxèga. En segùito, ła Apple Conpùter contàtò Steve Jobs e iù xè tornà a Apple.

Jobs xè stà clasifigà al prìmo posto tra i 25 omìni d'afàri pì podènti de'l mòndo in te'anuałe graduàdorìa stiłata dała rivìsta 'merican Fortune par el 2007, stacàndo de 6 posixiòn el so rivàłe storègo Bill Gates, fondatòr de Microsoft.[2]. Inòltre Jobs xè stà nòminà, in te' 2010, òmo del'ano dal Financial Times[3].

Nàto da mare 'mericàna (Joanne Carole Schieble) e da pare sirìan (Abdulfattah "John" Jandali, no studènte che sarìa divègnuo pì tardo profesor de sciense politìghe), Steve no fu educà dai soi xenitòri naturałi, ma xè stà dà en adòxion 'pèna nàdo. Xè sta adòtà da Paul e Clara Jobs, residènti a Mountain View, in te' contèa de Santa Clara, en Całifornia. Steve gà na soreła biołoxèga pì xòvane, Mona Simpson, scritrìçe de sucèso.[4]

Xè on sostènitòr de'l Partìo Democratègo statunitènse[5]. In te' majo 2007 propòxe Al Gore cofà presidènte dełi Stati Unìi de Merica.[6]

Lu, gavèva xà avuò on prołema al pancreas, e xè sta scoverto che lu gavèva on cancro al pancreas. Cussì afidàndo pì volte ła guida de Apple, al viçeaministrador Tim Cook, in te' 2005, novàmènte el 17 xenaro 2011, xè sta diàgnostega n'altra małatia[7].

Xè morto el 5 otobre 2011.

Ła firma de Steve Jobs.

Ła morte[canbia | canbia sorxente]

Steve Jobs riseve el premio "Entrepreneur of the Year"

Dopo che Steve el gà scoerto 'nte 'l 2004 na rara forma de tumor maligno al pancreas, nò tanto cussì agresiva de ła forma pì comun, sviłupatoxi inte i 9 mexi presedenti aparentemènte sensa sintomi, el vien fato operar a duodenocefalopancreatectomia pa' ła rimosion del cancro. A causa de ła malatia, a Jobs gli vien el diabete de tipo α, e incaricò cussita Tim Cook cofà aministradòr dełegà Apple.

Inte 'l 2009 parò vien divulgae notisie contrastanti so ła sałute de Steve Jobs, a causa anca de ła so anunsata asensa al Macworld Conference & Expo de genaro. El 20 giugno 2009 vien fora on articoło sol sito internet del Wall Street Journal 'ndove vien spiegà che inte 'l corso del mexe de apriłe 2009, el ghèva subio on trapianto de fegato 'inte ła nasion del Tennessee, e che łe so condisioni de sałude łe jera bone. Apple Inc. ła conferma el so rientro pa' ła fine del mexe de giugno 2009.[8]

Par tuto sto periodo Steve Jobs nò'l xè mai sałio sol palco del Moscone Center de San Francisco a prexentar novi prodoti par ben do 'olte. Ła prima el 6 de genaro en ocaxion dell'ultema partesipasion de Apple al MacWorld Trade Show de ła caxa editrise IDG, ła seconda l'8 de giugno pa' ła WWDC 2009. En tuti e do i caxi sol palco xè sałio Phil Schiller, vice-presidènte pa' 'l product marketing a liveło mondiałe, par prexentar tra gli altri, i novi pachèti iLife e iWork, el novo iPhone 3GS e el rinovo de ła linea de MacBook Pro. El 9 de setenbre 2009 Steve Jobs el torna sol palco a prexentar el rinovo dell'intera gama de iPod.

El 17 de genaro 2011 Apple ła dixe chiaramènte che Steve Jobs el ghèva dimanda on novo conxedo medigo, dixendo che Jobs el saria rimasto CEO de Apple, continuando a ocuparse de łe prinsipałi question stratexighe, ma sostituìo pa' łe question de tuti i zorni da Tim Cook, el COO de Apple.[9] El 2 de marso 2011, en ocaxion dell'evento de prexentasio dell'iPad 2 el conpare sol palco a sorprèxa.

El 24 de agosto 2011 se dimixè (sta 'olta definitivamènte) da aministrador dełegà de Apple dixendo de vułer dimandare al Consijo de Aministrasion ła conferma de Tim Cook cofà so sucesor e novo CEO de Apple.[10][11].

Ła Apple a sto punto ła rilascia na sentita dichiarasion afermando che Jobs el jera morto in seguito a 'n aresto respiratorio cauxà da on ataco cardiago, a Palo Alto, en California, el 5 de otobre 2011, a 56 ani, ricordandoło cofà briłante inovadòr.

Na marea de person famoxe 'nte i USA i gà riłasià na dichiarasion soła morte de Steve Jobs, fra cui el Prexidente de i USA Barack Obama, el fondator de Microsoft Bill Gates, Bob Iger de ła Walt Disney Company, el fondator de Facebook Mark Zuckerberg, Sergey Brin e Larry Page, fondatori de Google, Tim Cook, CEO de Apple, Meg Whitman, prexidente e CEO de HP, Steve Ballmer, CEO de Microsoft, Choi Gee-Sung, CEO de Samsung, Peter Chou, CEO de HTC Co., Shantanu Narayen, prexidente e CEO de Adobe System, Jong-seok Park, prexidente e CEO de LG Electronics.

De altro tenor łe dichiarasion de Richard Stallman che el gà afermà che «nisun el merita de dover morir, [...] ma tuti se meritemo ła fine del'influensa maligna de Jobs sol computing» e 'l gà definio Jobs «el pionier del computer intexo cofà prixon tranquiła, proxetà par separar i stolti da ła propria libertà».[12][13]

Notaxion[canbia | canbia sorxente]

  1. (EN) Smithsonian Oral and Video Histories: Steve Jobs
  2. 25 most powerful people in business, Fortune, dicembre 2007
  3. macity: El Financial Times nominà Steve Jobs personałità del'ano
  4. Mona gà descrìto el fradèło cofà on vejetarìan asoçiałe.
  5. (EN) NEWSMEAT - Steve Jobs's Federal Campaign Contribution Report. URL consultà el 20-08-2007.
  6. Jonny Evans. «Steve Jobs proposes Al Gore for president», 23 majo 2007. URL consultato in data 20-08-2007.
  7. Novi prołemi de sałute
  8. Jobs Had Liver Transplant. WSJ.com. URL consultà el 25 agosto 2011.
  9. (EN)Press Release: Apple’s Jobs to Go on Leave
  10. Federico Rampini. Apple, Steve Jobs el se dimete e lasa el so incarico de Ceo. la Repubblica, 25 agosto 2011. URL consultà el 25 agosto 2011.
  11. (EN)Letter from Steve Jobs. Apple Press Info. URL consultà el 25 agosto 2011.
  12. Dal sito ufisałe de Richard Stallman.
  13. Jobs, el pare del software libaro «Contento che 'l se ne sia andà» In Repubblica.it. URL consultà el 7 ottobre 2011.

Varda anca[canbia | canbia sorxente]