Spinalonga
Spinalonga la xe na isola fortificà picenina de la Grecia situà di fronte a le coste de Creta. L'isola la xe sta de grande inportanza militare ai tenpi de la Republica Veneta e la conserva inponenti vestigia de l'epoca.
[canbia] Giografia
El forte de Spinalonga el se cata in posizion strategica a l'inbocadura del golfo de Mirabelo, ne la parte oriental de l'isola de Creta, e l'ocupa in realtà l'isoloto de Kalidon, mentre la sità de Spinalonga vera e propria la xe su la penisola vizina, de dimension pi grande. Dal punto de vista storico, par Spinalonga comunque se ga senpre inteso l'isola-forteza.
[canbia] Storia
Nel 1579 i venexiani i ga costruìo na possente serie de fortificazion su l'isola, su le rovine de na vecia acropoli, in maniera da tendar el trafico maritimo senza dar possibilità de aprodo. Co l'isola de Creta la xe cascà in man ai turchi nel 1669 dopo un longo assedio (la guera de Candia), Spinalonga el xe sta uno dei tri forti che i venexiani i ga podesto mantegner in so possesso par assicurarse le rotte comerciali verso el Levante.
La presenza venexiana la xe ndà vanti par altri 46 ani, fin a la capitolazion avegnùa nel 1715, quando durante l'otava guera turco-venexiana la Serenisima la ga dovesto conzentrarse su la difesa dei altri so posedimenti. L'isola la xe sta po trasformà in forteza otomana e sucesivamente in lebrosario.
