Siviltà

Da Wikipedia, l'ençiclopedia libara.
Va a: navigasion, serca

Ła paroła siviltà (pron. zhiviltà, ziviltà o siviltà) ła vien dal latin civilitas, che l'era cołegà co l'agetivo civilis e 'l nome civis (osia "sitadin"). Par 'sto motivo qua a l'inisio ła servìa par indicar łe quałità tìpiche de chi che vivéa rento na comunità sitadina e ła vegnéa anca doparà in opoxision a rusticitas cioè el modo de far de chi che vivéa in canpagna.

Rinasiménto[canbia | canbia sorxente]

Verso el Rinasiménto ła paroła ła ga tacà ciapar un senso de superiorità par indicar che el propio modo de vìvar el xera mejo de quel de altri pòpołi e altre culture.

Insieme[canbia | canbia sorxente]

Deso come deso invese, 'sta paroła qua ła ga praticamente el stéso senso de "cultura" e ła se riferise a tuto l'insieme de idee, vałuri, tradision e organizasion sociopołìtica de un pòpoło sensa aver par forsa na diferensa de vałor fra chi che xe mejo e chi che xe pezo: se pol parlar de siviltà industriałe, siviltà contadina e.v.c.

Progreso[canbia | canbia sorxente]

Drio el contesto che ła vien doparà, ła paroła "siviltà" ła pol anca riferirse in senso xenerałe al progreso de tuta l'umanità oben al sviłupo artìstico e sientìfico de na società particołar.