Sima

Da Wikipedia, l'ençiclopedia libara.
Va a: navigasion, serca

Ła parola sima (pron. zhima, zima o sima) l'è ła parte piasè alta de na roba. In particołar ła se riferise al pónto pi alto de un mónte, ma in modo figurà se pol intèndar anca ła parte piasè alta de na scała sociale, de na gerarchia o de na clasìfica.

Uxo pi comune[canbia | canbia sorxente]

Normalmente in vèneto l'uxo piasè comune l'è 'nte ła fòrmuła in sima (a) che vol dir sóra a calcosa: de sòłito se intende che ghe xe contato co ła parte alta de ła roba in question, come par exenpio "in sima ła mura" vol dir méso sóra ła mura (sentà, in pie o comunque postà). In serti caxi se pol anca doparar in sénso piasè figurà come "n'aereo che vóła in sima łe montagne" dove xe ciaro che no ghe xe mìa contato.

Montagna[canbia | canbia sorxente]

Par quanto che riguarda ła montagna, łe sime le è senpre stae al séntro de ła storia de l'alpinismo. Par rivar in sima un mónte pol èserghe diverse strade, ciamae vie normałi o anca vie de ranpegada, che łe ga diversi gradi de fadiga, un nome e de sòłito el nome di chi che l'à verto ła strada par primo, queło che par primo l'à fato propio queła strada lì par rivar in sima. Łe vie piasè difìsiłi e manco frequentàe łe ga puchi ciodi e piantai małe: par 'sto motivo qua serve doparar anca friends e nut. Ła sima pi alta de Europa, queła del Monte Bianco l'à un toco itałian e un toco fransexe e ła xe a 4.810 metri slm (in realtà i è 4.807).