Sergio Cofferati
Sergio Gaetano Cofferati (Sesto ed Uniti (CR), 30 de genaro 1948) el xe on sindacałista e politego italian. El xe atualmente sindaco de ła sità de Bołogna.
El se ga diplomà perito industriał e, da semplice operaio deła Pirelli de Miłan e da semplice iscritto al sindacato FILCEA (CGIL), che rancura i dipendenti del comparto chimico, el ga corso tuta ła scała del sindacato, fin a arivare 'ntel 1988 a dirigere ła FILCEA, diventandone el segretario generałe.
El xe sta nominà 'nte ła segreteria nasionałe deła CGIL 'ntel 1990, e 'ntel 1994 el ciapa el posto de Bruno Trentin 'ntel ruoło de segretario nasionałe.
Durante el periodo de ła so segreteria a vien fata la riforma de łe pension 1995, ciamà riforma Dini e el se bate contro ła modefega de ł'articolł 18 del Statuto dei lavoratori, par el quale el 23 marso 2002 al Circo Massimo de Roma el parla davanti a sirca tre miłioni de persone.
El 21 de setenbre 2002 el finise el mandato de segretario 'nte ła CGIL e riciapa el posto di łavoro ała Pirelli.
Poco tempo dopo aceta ła proposta de candidarse come Sindaco a Bołogna, dove el vien eleto 'ntel giugno 2004 col 57% dei voti, batendo el vecio sindaco Giorgio Guazzaloca.
[canbia] Cołegamenti foresti
| Predecesore: Bruno Trentin |
Segretario deła CGIL (1994-2002) | Succesore: Guglielmo Epifani |
| Predecesore: Giorgio Guazzaloca |
Sindaco de Bologna (2004-2009) | Sucessore: - - - |
