Sant'Elena (Venesia)

Da Wikipedia, l'ençiclopedia libara.
Va a: navigasion, serca
L'Isoła de Sant'Ełena vista dal Lido de Venexia.
Stadio Pierluigi Penzo

Sant'Elena xé un quartier del centro storico de Venexia e el xé ea parte pì oriental dea cità. Fa parte de Casteo ma ea numerassion no segue quea del resto del sestier e ea xé indipendente par ciascuna całe. Co eo stesso nome se indica anca l'isoła (in realtà e xé do) dove che ghe xé el soborgo.

Carateristiche[canbia | canbia sorxente]

El toponimo na volta se limitava a l'isołoto dove ghe xé ła cesa de Sant'Elena, che da secołi custodisse łe reliquie deła santa, mare de Costantin. Sto posto sacro, co l'anesso convento dei Agostiniani, el ghe xé sta' sin ałe sopression napoleoniche e el xé deventà in seguito un magazzin (1810).

Gran parte deła zona ła xé però de origine recente, visto che ła xé sorta attorno ai ani vinti del XX secoło bonificando una sacca usada par adestramenti miłitari e che gà ciapà nel tessuto urban l'isola de Sant'Elena, prima de ałora staccada e completamente circondada dała laguna. El toponimo el xé sta' cossì esteso al moderno quartier residensial che el xé nato poco dopo. L'urbanisassion ła gà porta anca ała riconsacrassion deła cesa, da ałora affidada ai Servi de Maria.

L'isoła comprende anca ło stadio "Pierluigi Penzo"(el pì vecio stadio itałian ancora ativo inaugurà nel 1913, dove el Calcio Venexia zoga łe partie casałinghe), parte dei giardini publici, 'na darsena e ła scuola navale militare "Francesco Morosini".