Sant'Anbrosio
Anbrosio da Miłan o Aurelio Ambrogio (Trevere, 339 - Miłan, 397), el xe venerà come Santo dała Ciesa Catolega che ło mete tra i quatro masimi Dotori deła Ciesa insieme a San Girołamo, Sant'Agostino e San Gregorio I.
Insieme a San Carlo Borromeo el xe patrono de ła sità de Miłan, 'nte ła quałe a xe presente 'na basełega a lu dedicà, che xe sta catedrałe prima della costruzione del Duomo.
Biografia [canbia]
Aurelio Ambrogio, el faxeva parte de do inportanti fameje senatorie romane (ła fameja Aureliana, da parte materna, ła fameja Simmaco, da parte paterna), el xe nato 'ntel 339 a Treviri (Germania), dove so pare el gera prefeto del pretorio par ła Gallia, e, esendo destinà ała cariera aministrativa, el ga frequentà le mejo scołe de Roma.
Dopo sinque ani de magistratura a Sirmio, 'ntel 370 el xe sta mandà a Miłan come governatore de ł'Italia setentrionałe, 'ntel 374, ała morte del vescovo ariano Ausenzio de Miłan, Anbrosio el xe sta aclamà vescovo anca se no 'l gaveva ancora ricevù el batezo. 'Ntel giro de 'na setimana el xe sta batezà e consacrà.
Anbrosio el ga influensà ła politega rełigioxa de Teodosio I. 'Ntel 380 con l'edito de Tesałonica el cristianesimo el xe sta proclamàto relijon de Stato. 'Ntel 381 el concilio de Aquileia se ga pronuncià contro ł'arianesimo.
