San Lorenso

Da Wikipedia, l'ençiclopedia libara.
(Rimando da San Lorenzso)
Va a: navigasion, serca
San Lorenso, particołare del Politico de Massa Fermana, dipinto da Carlo Crivelli

Lorenso (Laurentius in latin), el xe sta uno dei sette diaconi de Roma, martirizà 'ntel 258 durante ła persecusion scatenà da ł'inperatore Valeriano I 'ntel 257.

Vita[canbia | canbia sorxente]

Le notisie sora ła so vita łe xe scarse.

A se sa che 'l gera originario deła Spagna e più precisamente de Osca, in Aragona, visin ai Pirenei.

Ancora xovane, el xe sta mandà a Saragosa par completare i studi umanistiçi e teołogici; lì el ga conosesto el futuro papa Sisto II e tuti do i ga lasà ła Spagna par trasferirse a Roma.

Quando el 30 de agosto 257 Sisto el xe sta eleto vescovo de Roma, el ga afidà a Lorenso el compito de arcidiacono, cioè de responsabile dełe atività caritative 'nte ła diocesi de Roma.

Il martirio[canbia | canbia sorxente]

Ai scuminsi de agosto 258 ł'inperatore Valeriano gaveva emanà on edito, ordinando che tuti i vescovi, preti e diaconi i doveva esare copà: El 6 de agosto a xe sta copà Sisto II e quatro dì dopo a xe sta copà san Lorenso.