Rotaẑion de le colture

Da Wikipedia, l'ençiclopedia libara.
Va a: navigasion, serca
Sto articol el é scrit par primieròt uxando łe convension de scritura de ła GVU
Dei campi a cui l'é stata aplicađa la rotaẑion

La rotaẑion dele colture l'é en mètođo de coltivar. El consiste te 'l canbiar ògni an el pòsto a 'n camp, semenando ogni òlta na semènẑa divèrsa (ma nò a caxo). Se 'l fa parché el taren el se impoveris de manco, dando così na rexa pì granda, parché asando la stesa pianta par tanti ani el taren el pèrẑ ẑèrte sostanẑe, e intant ghen rèsta altre bòne par altre piante. Tra l'altro, se ghe n'é dei batèri cativi, rotando le colture i gèrmi no i pòl continuar a sopraviver, parché ghe poderie capitar na pianta che no il li cen. Se pò se met dele leguminoxe, tipo el faxol, ste piante le asa fora te 'l taren azoto, che 'l giuta cuele che vèn drìo.

Coltivaẑion te 'l Kansas, USA. Se pòl veđer varie piante che gira par la rotaẑion, tipo el formènt o el sork

De sòlito la rotaẑion se la fa a giro. Se la pòl far co varie sucesion, de 2 fin a 5-6.

De co che la é stata scuerta, la rotaẑion la à giutà tanti òmeni a procurarse de magnar pur sènẑa aerse de spostar in giro ogni òlta, dando così na penta a l'agricoltura. I primi a coltivar co sto mètođo à stat i coltivađori de 'l medio Oriente đà te 'l 6000 a.C.. Te l'età de mezo in Eoropa se à tacà a doperarlo tant co na sucesion de tre ani.