Ronchet

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo
An ronchet
Ronchet
Ronchet te 'l marcà.

Al ronchet al è an atrežo fat da na lama de fer aciajoss incurvada a forma de punto de domanda, gusada te 'l lato concavo e munida de 'n manech de solito fat co la stessa lamiera rižada a far an cilindro. Te le version pì nove al manech al pol esser fat anca de anei de curan. I ronchet pì veci i à quindi al manech vodo, sichè resta an buss tra al manech e la lama, su la sinistra, tramite al qual se pol picarli te 'l alž. I ronchet novi inveže i à al manech pjen e na segura de curan che la inpediss che co le man se pode sbrissiar te la lama. Par picarlo che n'è an vero e proprio renžin a la fin de 'l manech, da la banda oposta de la lama.

Al ronchet al gnen doperà da agricoltori, boscajoi e giardinjeri par tajar ran, par žarpir, par tajar cane, par sbrincolar, par farghe la ponta a pai e frasche, par pelar legn, e par snetar dintorn de le pjante prim de laorar co 'l motosega. Ghe n'è de diverse dimension che convenžionalmente le gnen indicade co na scala che la nda da 1 a 4.

An atrežo che al ghe someja ma che al serve par tut an nantro laoro al è la sierla.

Esiste anca an cortel che se sera che al à na sagoma che la ghe someja a quela de 'l ronchet, ma pì cea, doperà te le Alpi, che al gnen ciamà rincio.