Rogažion

Da Wikipedia, l'ençiclopedia libara.
Va a: navigasion, serca

Le Rogažion, da 'l latin rogatio, oražion, le era le procession publiche de suplica, conpagnade da la recita de le litanie de i santi, che se fea par propižiar al racolt.

Storia[canbia | canbia sorxente]

Inte i tenp pagani diverse procession, ciamade anbarvai, le gnea fate a 'l scopo de propižiar al bon esito de 'l an agrario.

Al Cristianesimo, contrario a sti riti pagani colegadi a la tera, al à tentà de abolirli sostituendoghe quel de la Madona. [1] Enblematico al è al martirio de i predicator de la Val de Non, a Sanžen, de 'l 385 d.C., che i à tentà de convincer i popolani a no praticare sto antico culto.

Le feste, che le se svolgea ogni an verso la fin de 'l invern, co 'l tenp le è state sostituide co le Rogažion.

De 'l 1511 al concilio de Orleans al à aprovà la pratica fata a Vienne, introdusendo però žerte modifiche: è stat dontà al digiuno e la astension da 'l laoro (al era alora papa Simmaco).

A la fin de 'l VI secolo, co 'l papà de san Gregorio Magno, la Cesa la à cristianizà definitivamente ste procession pagane. Lu stasso, 'te 'l so Sacramentario, al à definì sto rito "Litania major" (Litania quae maior appellatur).

Secont la definižion de papa Benedetto XIV, 'te 'l XVIII secolo, le rogažion le era oražion adate a difender la vita de i omi da 'l ira de an Dio che 'l ne inpauriss 'te 'n ogni loch.

A partir da la controriforma ste procession popolari le è state contestade de continuo da la ortodossia catolica, e a i stessi chierici ghe è stat sconsiglià de aderirghe. Nonostante sto tant le à continuà ancora infin a qualche diesina de ani fa, e qualche olta le gnen ancora riproponeste da qualche parte come tradižion.

Svolgimento de la procession[canbia | canbia sorxente]

La procession la era fata de solito 'te i tre dì prim de la festa de la Assension; ogni dì gnea seguì an percorso diferente, partendo da la cesa parochial, e ndando infin a 'n punto prestabilì, da spess segnalà da 'n capitel o da 'n cristo in mež a i canp.

Al percorso, che al scominžiea belche a le 5-6 de la matina e al podea esser lonch diversi chilometri, al era studià in modo che tut al eritorio de la parochia al podesse esser vedest, sia pur a distanža.

In testa a 'l grupo ghe n'era a prete co i chericheti, seguest da i representanti de le diverse Confraternite co le so toneghe incoloride e i so stendarni. Da drio, le femene, i pupi e infondo i omi.

Al prete al intonea litanie e pena che se dondea 'te i loch stabilidi, la procession la se fermea, al chierico al alžea la cross e vardando verso i punti cardinai al disea invocažion come A folgore et tempestate, A peste, fame et bello, a le quale la popolažion la respondea Libera nos Domine.

A la fin la celebražion la gnea fenida da 'l prete che al disea na diesina de Oremus.

Note[canbia | canbia sorxente]

  1. [Museo Civico - Carlo verri 01-09-2008]

Argomenti colegadi[canbia | canbia sorxente]

Collegamenti esterni[canbia | canbia sorxente]