Rifugio Calvi
El Rifugio Calvi (Rifugio Pier Fortunato Calvi) el xe in provinça de Bełun, a 2164 m, soto el Monte Peralba, 2693 m, (Alpi Carniche). Verto da zugno a setenbre, co 50 posti leto, el xe proprietà de ła sesion C.A.I. de Sapada. El xe intitołà a un patriota originario de Noale ke ga conbatù in Cadore contro l'Austria inte el 1848 in difesa de ła Republica de Venesia ke se gaveva ricostituìo proprio in kel ano. Par rivarghe da Sapada, se ciapa ła strada de ła Val Sesis fin in sima dove ke se lasa łe machine e col troso numero 132 se riva al rifugio in mex'ora. El Calvi el xe proprio soto i do monti, Peralba e Chiadenis (col so Pic).
Trosi dal rifugio[canbia | canbia el còdaxe]
- al Monte Peralba ore 1.30 troxi 132-131
- via ferata Pietro Sartor al Monte Peralba
- via ferata al Monte Chiadenis
- ała Hochweisstein Haus (Austria) pal Paso deł'Oregone troxi 132-448
- al Rifugio Lambertenghi Romanin ore 6.30 troxi 140-142-403